LEVITICUS 16:31 - Edisana ñwed Abasi Ibom

³¹ Enye edidi akakan sabbath mbufo, mbufo enyuŋ esuhɔre esit mbufo: oro edi nsinsi ewuhɔ.

LEVITICUS 16:31 ပူးပေါင်းရင်းမြစ်များ

EZRA 8:21

Ndien ŋkwɔrɔ utre-udia do ke mben akpa Ahava, man nnyin ituk idem nnyin ke iso Abasi nnyin, inyuŋ ibeŋe enye edinen usuŋ inɔ idem nnyin, ye nditɔ-wɔŋ nnyin, ye kpukpru inyene nnyin.

EXODUS 31:15

Yak enam utom ke usen itiokiet; edi ɔyɔhɔ usen itiaba edi akakan sabbath, edisana usen Jehovah kpukpru owo eke enamde ubɔk-utom ke usen sabath, iditreke ndikpa mkpa.

EXODUS 35:2

Yak enam utom ke ofuri usen itiokiet, edi mbufo enim ɔyɔhɔ usen itiaba ke edisana sabbath nduɔk-odudu Jehovah: kpukpru owo eke enamde utom ke esit, enyene ndikpa mkpa.

ISAIAH 58:3

“Nnyin inam didie itre udia, ndien afo mukwe? ituk ukpɔŋ nnyin, ndien afo mufiɔkke?” Sese, mbufo ekut inemesit ke usen utre-udia mbufo, enyuŋ ekpak ofuri utom mbufo.

ISAIAH 58:5

Nte utre-udia eke ndimekde edibiet emi? kpa usen eke owo otukde ukpɔŋ esiemɔ? Mme edi nte enye otopde ibuot esie nte nnyanyaŋa, onyuŋ ebride ɔfɔŋ-ikpo ye ntan ana ke esit? Nte afo edikot emi utre-udia, usen eke enemde Jehovah esit?

DANIEL 10:12

Ndien enye ɔdɔhɔ mi, ete, Kufehe, Daniel; koro ekekopde uyo fo toto ke akpa usen oro afo okonimde esit fo ndifiɔk nnyuŋ nsuhɔre idem fo nnim ke iso Abasi fo: ami ndi ndien ke uyo fo.

LEVITICUS 23:32

Mbufo enim enye ke akakan sabbath, enyuŋ esuk ukpɔŋ mbufo: ke ɔyɔhɔ usen ɔfiɔŋ usukkiet ke mbubreyo, ɔtɔŋɔde ke mbubreyo tutu osim ke mbubreyo, ke mbufo edinim sabbath mbufo.

LEVITICUS 25:4

edi yak isɔŋ adia sabbath nduɔk-odudu, sabbath Jehovah, ke ɔyɔhɔ isua itiaba: ke otu iŋwaŋ fo, kunyuŋ udiɔŋ iŋwaŋ vine fo.