LEVITICUS 15:5 - Edisana ñwed Abasi Ibom

⁵ ndien ŋko, owo eke otukde mbri esie enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ, ndien edehe tutu osim mbubreyo.

LEVITICUS 15:5 ပူးပေါင်းရင်းမြစ်များ

ŊWED MME PSALM 26:6

Nyeyet ubɔk mi esana: ndien nyekanare itie-uwa fo ŋkuk,

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 51:7

Afo eyeda hyssop osio idiɔk ido mi efep, ndien nyesana: eyeyet mi idem, ndien nyafia ŋkan snow.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

ISAIAH 1:16

Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

ISAIAH 22:14

Ndien Jehovah mme udim ayarare mi ke utɔŋ, ete, Ididahake do ke idiɔk ido emi inɔ mbufo tutu mbufo ekpaŋa mkpa. Ɔbɔŋ Jehovah mme udim ɔdɔhɔ ntre.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 36:29

Ndien nyenyaŋa mbufo nsio kpukpru ndek mbufo mfep: nyenyuŋ ŋkot ibokpot edi, nnyuŋ nnam enye awak, ndinyuŋ ndorike mbufo akaŋ.

LEVITICUS 11:24

Ndien mme mmɔ emi eyenam mbufo edehe: kpukpru owo eke etukde okpo mmɔ edidehe tutu osim mbubreyo.

LEVITICUS 11:25

Ndien kpukpru owo eke ebiomde okpo mmɔ enyene ndiyet edisine-ŋkpɔ mmɔ, enyuŋ edehe tutu osim mbubreyo.

LEVITICUS 11:28

Ndien owo eke obiomde okpo mmɔ, enyene ndiyet edisine-ŋkpɔ esie, onyuŋ edehe tutu osim mbubreyo: mbufo ese mmɔ ke edidehe.

LEVITICUS 11:32

Ndien ŋko kpukpru se okpo mme mmɔ emi kiet ediduɔde ke esit, edidi edidehe; edide ŋkpɔ eto ekededi, onyuŋ edide ɔfɔŋ idem, mme ikpa, mme ekpat, ŋkpɔ ekededi eke enamde utom ke esit, yak esin enye ke mmɔŋ, ndien enye edidi edidehe tutu osim mbubreyo; ndien eyesana.

LEVITICUS 13:34

Ndien oku ese ikpɔk ke ɔyɔhɔ usen itiaba; ndien, sese, ikpɔk mitarake ke ikpɔhidem, onyuŋ ebiet nte mibuhɔke ke esit ikpɔhidem; yak oku onim enye ke edisana: yak enye onyuŋ eyet edisine-ŋkpɔ esie, ndien asana.

LEVITICUS 13:6

Ndien yak ese enye ŋko ke ɔyɔhɔ usen itiaba; ndien, sese, edieke udɔŋɔ oro ebierede, udɔŋɔ minyuŋ itarake ke ikpɔhidem, yak oku onim enye ke edisana: ke edi ŋkikan: ndien enye eyet edisine-ŋkpɔ esiemɔ, ndien edidi edisana.

LEVITICUS 14:27

ndien oku ada nnuenubɔk nnasia esie osime usuk aran emi odude enye ke eka-ubɔk ufien, utim ikatiaba ke iso Jehovah:

LEVITICUS 15:18

Ndien adaŋemi erenowo adade ŋkpɔ oro adaŋ ye ŋwan, yak mmɔ enyuŋ eyet idem mmɔ ke mmɔŋ, ndien edehe tutu osim mbubreyo.

LEVITICUS 15:4

Kpukpru mbri eke owo udɔŋɔ oro anade ke esit edehe; kpukpru ŋkpɔ eke enye etiede ke esit enyuŋ edehe:

LEVITICUS 15:6

Owo eke etiede ke ŋkpɔ eke owo udɔŋɔ oro etiede ke esit, onyuŋ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ, ndien edehe tutu osim mbubreyo.

LEVITICUS 16:26

Ndien owo oro akasanade ebot ayak ɔnɔ Azazel, enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre oduk ke nna.

LEVITICUS 16:28

Ndien ŋko owo eke ɔfɔpde mmɔ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre, oduk ke esit nna.

LEVITICUS 17:15

Ndien kpukpru owo ke otu nditɔ isɔŋ, ye ke otu isen, eke editade se ikpade ikpɔŋ, mme se unam ikɔt awaide, enyene ndiyet edisine-ŋkpɔ mmɔ, nnyuŋ nyet idem mmɔ ke mmɔŋ, ndien edehe tutu osim mbubreyo: ndien mmɔ edidi edisana.

NUMBERS 19:10

Ndien yak andiwobi ntɔŋ enaŋ eyet edisine-ŋkpɔ esiemɔ, onyuŋ edi edidehe tutu osim mbubreyo: ndien eyena ke nsinsi ewuhɔ nditɔ Israel ye eke oduduŋ eke oduŋde ke otu mmɔ.

NUMBERS 19:22

Ndien kpukpru se andidehe otukde eyedehe; ndien ukpɔŋ eke onyuŋ otukde enye, edidi edidehe tutu osim mbubreyo.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

1 SAMUEL 20:26

Edi Saul idɔhɔke baba ikɔ kiet ke usen oro; koro enye ekerede, ete, Mme ŋkpɔ akanam enye, esin enye okusana; ŋkɔm enye isanake.