LEVITICUS 15:31 - Edisana ñwed Abasi Ibom

³¹ Ntem ke mbufo edidianare nditɔ Israel ke ndek mmɔ, man mmɔ ekukpaŋa ke ndek mmɔ ke mmɔ esabarede ebiet-iduŋ mi emi odude ke otu mmɔ.

LEVITICUS 15:31 ပူးပေါင်းရင်းမြစ်များ

ŊWED MME PSALM 66:18

Mma ŋkpokut idiɔk ido ke esit mi, Ɔbɔŋ ikpokopke:

EZEKIEL 23:38

Mmɔ enyuŋ enam mi ŋkpɔ emi ŋko: esabare ndisana ŋkpɔ mi ke usen oro, enyuŋ ebiat mme sabbath mi.

EZEKIEL 36:17

Eyen owo, ufɔk Israel ekeduŋ ke isɔŋ mmɔ, enyuŋ esabare enye ke usuŋ mmɔ ye ke ido mmɔ: mmese usuŋ mmɔ ke ndek aŋwan emi odude ke esien.

EZEKIEL 44:23

Yak mmɔ enyuŋ etim esian ikɔt mi ŋkpɔ Abasi ye ŋkpɔ owo, enyuŋ eteme mmɔ ediɔŋɔ se idehede dehe, ye se isanade sana.

EZEKIEL 5:11

Mmɔdo Ɔbɔŋ Jehovah ɔdɔhɔde, ete, Ma uwem mi; koro kpukpru ndek fo ye kpukpru mbubiam fo esabarede edisana ebiet mi, ami ŋko nditreke ndisibe fi mfep; enyin mi idinyuŋ iyakke, ami ŋko ndinyuŋ nnyeneke mbɔm.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

LEVITICUS 11:47

man edianare se idehede ye se isanade, ye mme unam eke ekpatade, ye mme unam eke mikpetaha.

LEVITICUS 13:59

Emi edi udɔŋɔ akpa-mfia ke ɔfɔŋidem idet erɔŋ, mme eke linen, edide ke nnyan-nnyan, onyuŋ edide ke mbiɔŋ-mbiɔŋ, mme ke ŋkpɔ ikpa ekededi, man enim enye ke edisana, mme ke edidehe.

LEVITICUS 15:32

Emi edi ewuhɔ owo uwɔrɔ ŋkpɔ idem, ye eke owo eke idem eren owo ɔbɔhɔde enye ɔduɔhɔ, onyuŋ asabarede enye;

LEVITICUS 19:30

Mbufo enim mme sabbath mi, enyuŋ eteŋe edisana ufɔk mi: ami ndi Jehovah.

LEVITICUS 20:3

Ami nyenyuŋ ŋwuk iso mi nse owo oro, nnyuŋ nsibe enye ke otu mbio-obio mmɔ mfep; koro enye akadade eyen esie ɔnɔ Molech, man enye asabare edisana ebiet mi, onyuŋ abiat edisana enyiŋ mi.

LEVITICUS 21:23

okunyuŋ asaŋa ekpere itie-uwa, koro enye obiomode ndo; okunyuŋ abiat edisana ebiet mi; koro edi ami Jehovah nnam mmɔ esana.

NUMBERS 19:13

Owo ekededi eke otukde okpo owo eke akpade ndien miyetke idem esie, asabare iduŋ Jehovah: ndien mmɔ enyene ndisibe owo oro mfep ke otu Israel: koro mikesimeke enye mmɔŋ udarade ndek, enye eyedi edidehe; ndek esie osuk adiana enye ke idem.

NUMBERS 19:20

Edi ama edi owo eke edehede, ndien minyimeke ndinam idem esie asana, enyene ndisibe ukpɔŋ oro ke otu esop mfep: koro enye asabarede edisana ebiet Jehovah: ikedaha mmɔŋ udarade ndek isime enye ke idem; enye edi edidehe.

NUMBERS 5:3

mbufo esioŋo eren ye ŋwan efep enim ke edem nna; man ekusabare mme nna mmɔ emi ami nduŋde ke otu mmɔ.

1 ŊWED CORINTH 3:17

Edieke owo owuride temple Abasi, Abasi eyesobo owo oro. Koro temple Abasi edide ibet, mbufo enyuŋ edi temple oro.

DEUTERONOMY 24:8

Tiŋ enyin ke udɔŋɔ akpa-mfia, man afo otim ekpeme, onyuŋ anam kpukpru se mme oku, kpa mme Levite, editemede mbufo: kpa nte ŋketemede mmɔ, kpa ntre ke mbufo edikpeme ndinam.

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.

1 SAMUEL 3:14

Mmɔdo ŋkɔŋwɔŋɔde mbaŋa ufɔk Eli, nte ke idikemeke ndida uwa ye inuakudia nsio isop oburobut ido ufɔk Eli ke nsinsi.