LEVITICUS 15:18 - Edisana ñwed Abasi Ibom

¹⁸ Ndien adaŋemi erenowo adade ŋkpɔ oro adaŋ ye ŋwan, yak mmɔ enyuŋ eyet idem mmɔ ke mmɔŋ, ndien edehe tutu osim mbubreyo.

LEVITICUS 15:18 ပူးပေါင်းရင်းမြစ်များ

2 SAMUEL 11:4

Ndien David ɔdɔŋ mme isuŋutom ekeda enye edi; ndien enye (ŋwan) edi ke ebiet esie; enye onyuŋ okot ŋwan oro: ndien adaŋemi enye ekeyetde ndek esie efep, enye ɔnyɔŋ ke ufɔk esiemɔ.

ŊWED MME PSALM 51:5

Sese, ŋkamana ke ukwaŋ; eka mi okonyuŋ oyomo mi ke idiɔk.

EXODUS 19:15

Enye onyuŋ ɔdɔhɔ mmɔ, ete, Mbufo etim idem ebeŋe okut; ekutiene ŋwan.

LEVITICUS 15:16

Ndien adaŋemi idem erenowo ɔbɔhɔde ɔduɔhɔ, yak enye eyet ofuri obukidem esie ke mmɔŋ, ndien edehe tutu osim mbubreyo.

LEVITICUS 15:17

Yak enyuŋ eda kpukpru ɔfɔŋidem, ye kpukpru ikpa, eke idem erenowo ɔduɔhɔde ke esit, eyet ke mmɔŋ, mmɔ enyuŋ edehe tutu osim mbubreyo.

LEVITICUS 15:5

ndien ŋko, owo eke otukde mbri esie enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ, ndien edehe tutu osim mbubreyo.

1 ŊWED CORINTH 6:12

Kpukpru ŋkpɔ enen mi ndinam; edi idige kpukpru ŋkpɔ efɔn. Kpukpru ŋkpɔ enen mi ndinam; edi ndiyakke ŋkpɔ ekededi akara mi.

1 ŊWED CORINTH 6:18

Mbufo efehe ebɔhɔ use. Idiɔk-ŋkpɔ ekededi eke owo anamde ibehe iduk enye ke ikpɔhidem; edi owo eke anamde use edue ikpɔhidem esie.

2 ŊWED TIMOTHY 2:22

Fehe kpɔŋ mme idiɔk itɔŋ ini uyen, nyuŋ tiene mmɔ eke esemede ekot Ɔbɔŋ ke edisana esit, bine edinen ido, ye mbuɔtidem, ye ima, ye emem.

MME HEBREW 13:4

Yak kpukpru owo ebat ndɔ ke ŋkpɔ eke ekponode ekunyuŋ esabare bed ndɔ; koro Abasi eyekpe ikpe ye mbon use ye mme esin-efibe.

1 PETER 2:11

Ndima mi, mmebeŋe mbufo nte oduduŋ ye mbon isaŋ, nte, edianare ekpɔŋ idiɔk udɔŋ obukidem, emi eŋwanade ye ukpɔŋ owo.