LEVITICUS 14:8 - Edisana ñwed Abasi Ibom

⁸ Ndien yak owo emi enamde enye asana, eyet edisine-ŋkpɔ esie, onyuŋ okporo kpukpru idet esie onyuŋ eyet idem esie ke mmɔŋ, man enye edi edisana: ndien enye edi ediduk ke nna, etie ke mkpe esa tent esie ke ofuri usen itiaba.

LEVITICUS 14:8 ပူးပေါင်းရင်းမြစ်များ

2 CHRONICLES 26:21

Ntre ke Uzziah edidem ɔdɔŋɔ akpa-mfia tutu osim usen mkpa esie, onyuŋ oduŋ ke ufɔk mbon udɔŋɔ, nte owo akpa-mfia; koro edianarede enye ke ufɔk Jehovah efep: ndien Jotham eyen esie akama ufɔk edidem, onyuŋ ekpe ikpe mbio-obio.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

EXODUS 19:14

Ndien Moses oto ke obot ɔsuhɔre etiene kpukpru owo, onyuŋ anam kpukpru mmɔ esana; ndien mmɔ enyuŋ eyet edisine-ŋkpɔ mmɔ.

LEVITICUS 11:25

Ndien kpukpru owo eke ebiomde okpo mmɔ enyene ndiyet edisine-ŋkpɔ mmɔ, enyuŋ edehe tutu osim mbubreyo.

LEVITICUS 14:20

yak oku onyuŋ ɔfɔp edifɔp uwa ye inuak udia ke itie-uwa: ntre ke oku osio isop ɔnɔ enye, ndien enye edidi edisana.

LEVITICUS 14:9

Ndien ama ekem ke ɔyɔhɔ usen itiaba, yak enye okporo ofuri idet ibuot esie, ye ntaŋ ebek esie, ye nditan enyin esie, onyuŋ okporo ofuri idet esie efep, onyuŋ eyet edisine-ŋkpɔ esie, onyuŋ eyet idem esie ke mmɔŋ, ndien edi edisana.

LEVITICUS 15:13

Ekem, adaŋemi owo udɔŋɔ emi asanade, udɔŋɔ esie onyuŋ okurede: yak enye abat usen itiaba ɔnɔ idem esie ke erinam enye asana, ndien eyet edisine ŋkpɔ esiemɔ, onyuŋ eyet idem esie ke ndek mmɔŋ, ndien enye edidi edisana.

LEVITICUS 8:6

Ndien Moses ada Aaron ye nditɔ esie edi, onyuŋ eyet mmɔ mmɔŋ.

NUMBERS 6:9

Ndien edieke owo akpade ndisi mkpa ke ŋkaŋ esie, enye onyuŋ asabare ibuot eridianare esie; ndien, yak enye okporo idet esie ke usen eke enamde enye asana, ke ɔyɔhɔ usen itiaba ke enye edikporo idet.

NUMBERS 8:7

Ndien ntem ke afo edinam ye mmɔ, ke erinam mmɔ esana: da mmɔŋ idiɔk ido sime mmɔ ke idem, yak mmɔ enyuŋ ekporo ofuri idem mmɔ, enyuŋ eyet edisine-ŋkpɔ mmɔ, ndien ntem ke mmɔ edinam idem mmɔ esana.

DEUTERONOMY 21:12

ndien da enye duk ke ufɔk fo: yak enye onyuŋ okporo idet esie, onyuŋ afat mbara esie;

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.