LEVITICUS 14:7 - Edisana ñwed Abasi Ibom

⁷ onyuŋ osime owo emi eyomde ndisio enye udɔŋɔ akpa-mfia ke idem mfep nnam asana, utim ikatiaba, onyuŋ onim enye ke edisana, ndien asana inuen emi odude uwem ayak ɔnyɔŋ ikɔt.

LEVITICUS 14:7 ပူးပေါင်းရင်းမြစ်များ

2 NDIDEM 5:10

Ndien Elisha ɔdɔŋ isuŋutom etiene enye, ete, Ka keyere mmɔŋ ke Jordan utim ikatiaba, ndien obukidem fo eyefiak oduk fi ke idem, ndien afo eyesana.

2 NDIDEM 5:14

Ndien enye ɔsuhɔre, okoduk ke Jordan utim ikatiaba, ke uyo owo Jehovah: ndien obuk esie akabare nte obuk ekpri eyenɔwɔŋ, enye onyuŋ asana ŋko.

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 51:7

Afo eyeda hyssop osio idiɔk ido mi efep, ndien nyesana: eyeyet mi idem, ndien nyafia ŋkan snow.

ISAIAH 52:15

kpa ntre ke enye edisime ediwak mme idut; ndidem eyekubi inua enɔ enye: koro emekut se miketiŋke inɔ mmɔ, emenyuŋ enim ibuot ke se mmɔ mikokopke.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

LEVITICUS 13:13

ndien yak oku ese enye ndien, sese, edieke akpa-mfia ofukde ofuri obukidem esie, yak enye onim owo udɔŋɔ oro ke edisana: kpukpru ama akabara afia: enye asana.

LEVITICUS 13:17

ndien yak oku ese enye: ndien, sese, udɔŋɔ oro ama akabare edi afia, yak oku onim owo udɔŋɔ oro ke edisana: enye asana.

LEVITICUS 14:51

yak enye onyuŋ ada cedar, ye hyssop, ye iduot, ye inuen uwem, edebi ke iyip inuen emi ekewotde, ye ke ndek mmɔŋ oro, osime ufɔk utim ikatiaba:

LEVITICUS 16:14

Ndien enye ada usuk iyip enaŋ ke nnuenubɔk esiemɔ, osime itie-usio-isop ke iso ke edem usiaha-utin; yak enye onyuŋ ada iyip ke nnuenubɔk esie osime ke iso itie-usio-isop utim ikatiaba.

LEVITICUS 16:19

Ndien yak enye ada iyip oro ke nnuenubɔk esie osime ke esit utim ikatiaba, onyuŋ anam enye asana, onyuŋ adianare enye ke ndek nditɔ Israel.

LEVITICUS 16:22

Ndien ebot oro eyebiom kpukpru mme ukwaŋ-ŋkpɔ emi odorode enye ke idem, aka ke isɔŋ udianare mfep: ntre ke enye ediyak ebot ke wilderness.

LEVITICUS 4:17

yak oku onyuŋ edebi nnuenubɔk esie ke iyip, osime utim ikatiaba ke iso Jehovah, ke iso ukara.

LEVITICUS 4:6

ndien oku oro edebi nnuenubɔk esie ke iyip; onyuŋ osime iyip utim ikatiaba ke iso Jehovah, ke iso ukara edisana ebiet.

LEVITICUS 8:11

Enye onyuŋ osime ndusuk aran ke itie-uwa utim ikatiaba, onyuŋ eyet itie-uwa oro, ye kpukpru ŋkpɔ esie, ye akpaŋ-kpaŋ, ye ukot esie, onyuŋ anam mmɔ esana.

MICAH 7:19

Enye eyetɔŋɔ ntak atua nnyin mbɔm, eyedigi mme idiɔk ido nnyin; afo eyemen kpukpru mme ukwaŋ-ŋkpo mmɔ ɔduɔk ke udem inyaŋ.

NUMBERS 19:12

Enye enyene ndida mmɔŋ oro nyet idem esie ke ɔyɔhɔ usen ita, ndien ke ɔyɔhɔ usen itiaba enye edidi edisana: edi edieke miyetke idem esie ke ɔyɔhɔ usen ita, enye ididige edisana ke ɔyɔhɔ usen itiaba.

JOHN 19:34

Edi owo kiet ke otu mbon-ekɔŋ oro ada eduat okim Enye ke ŋkaŋ, ndien idaha oro iyip ye mmɔŋ eto do ewɔrɔ.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

MME HEBREW 9:13

Koro edieke iyip ebot ye eke nyara enaŋ, ye ntɔŋ abak enaŋ edade esime mmɔ emi edehede, anamde mmɔ esana ke obukidem;

MME HEBREW 9:19

Koro adaŋemi Moses ama akataŋa kpukpru mbet ama ɔnɔ kpukpru mbio-obio, nte asaŋade ekekem ye ibet, enye ada iyip nditɔ-enaŋ ye iyip ebot abuak ye mmɔŋ, ye ididuot idet-erɔŋ, ye hyssop, osime ŋwed ye kpukpru mbio-obio, onyuŋ ɔdɔhɔ mmɔ ete, Emi edi iyip

MME HEBREW 9:21

Enye onyuŋ ada iyip oro osime Ataya ye kpukpru mkpoduoho eke edade enam utom Abasi kpasuk ntre.

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 JOHN 5:6

Emi edi Enye emi akasaŋade ye mmɔŋ ye iyip edi, kpa Jesus Christ; isaŋake ye mmɔŋ ikpɔŋ idi, edi asaŋa ye mmɔŋ ye iyip.