LEVITICUS 14:12 - Edisana ñwed Abasi Ibom

¹² ndien yak oku osio eyen erɔŋ kiet ada edi ke uwa isop, ye aran ke ubak pint, onyuŋ ofuŋ mmɔ ke edifuŋ uwa ke iso Jehovah.

LEVITICUS 14:12 ပူးပေါင်းရင်းမြစ်များ

EXODUS 29:22

Ndien da ikpɔŋ okukim, ye isim, ye ikpɔŋ emi ɔfuhɔde nsia, ye caul emi adianade ke esit, ye ekput mbiba, ye ikpɔŋ emi ɔfuhɔde mmɔ, ye afara nnasia: koro enye edide okukim eriyɔhɔ-ubɔk:

EXODUS 29:24

Ndien men kpukpru sin Aaron ke ubɔk, ye ke ubɔk nditɔ esie; nyuŋ fuŋ mmɔ ke edifuŋ uwa ke iso Jehovah.

EXODUS 29:26

Ndien sio ikɔŋ-esit okukim ɔyɔhɔ-ubɔk Aaron, nyuŋ fuŋ enye ke edifuŋ uwa ke iso Jehovah: ndien enye eyedi udeme fo.

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

LEVITICUS 14:10

Ndien ke ɔyɔhɔ usen itiaita, yak enye ada nditɔ okukim iba eke efɔnde ema, ye uman eyen enaŋ isua kiet, eke ɔfɔnde ama, ye omer eti ndom-uyo ita eke ebuakde ye aran, ke uwa udia, ye ubak pint aran kiet.

LEVITICUS 14:11

Ndien yak oku emi anamde enye asana, ada owo oro enamde enye asana, ye ŋkpɔ oro, edinim ke iso Jehovah, ke enyin-usuŋ efe esop:

LEVITICUS 14:19

Ndien oku awa uwa idiɔk ido oro, onyuŋ osio isop ɔnɔ owo emi esiode ndek esie efep enam enye asana; ndien ediwot edifɔp uwa:

LEVITICUS 5:15

Adaŋemi owo enamde se minenke, onyuŋ abiatde edisana ŋkpɔ Jehovah ekededi, mikoho koi; yak enye ada isop esie ɔsɔk Jehovah, okukim kiet eke ɔfɔnde ama, eke otode ke ŋkpri ufene, nte afo ɔkɔmde ke shekel silver, esaŋa ye edisana shekel, man edi ŋkpɔ isop: