LEVITICUS 13:2 - Edisana ñwed Abasi Ibom

² Adaŋemi mkpuk, mme ŋkikan, mme afia ŋkem odude owo ke ikpɔhidem, ama onyuŋ ebiet udɔŋɔ akpa-mfia ke ikpɔhidem esie; yak eda enye esɔk Aaron oku, mme owo nditɔ esie, mme oku kiet;

LEVITICUS 13:2 ပူးပေါင်းရင်းမြစ်များ

2 SAMUEL 3:29

Yak enye odoro Joab ke ibuot, ye ke ofuri ufɔk ete esie; ndien owo eke ŋkpɔ ɔwɔrɔde enye ke idem, ye owo akpa-mfia, ye emi eberede ke esaŋ, ye emi ɔduɔde ke ofut, ye anana-udia okutre ke ufɔk Joab.

2 NDIDEM 5:1

NDIEN Naaman, etubom mbon-ekɔŋ Syria, edi akamba owo ke iso ɔbɔŋ esie, onyuŋ enyene ukpono, koro Jehovah akadade ubɔk esie ɔnɔ Syria erinyaŋa: ndien owo oro edi owo uko, edi ɔdɔŋɔ akpa-mfia.

2 NDIDEM 5:27

Mmɔdo akpa Naaman eyeyire fi, ye ubon fo ke nsinsi. Ndien enye ɔwɔrɔ ɔkpɔŋ enye, ɔdɔŋɔ akpa-mfia nte snow.

ISAIAH 1:6

Ɔtɔŋɔde ke ikpat ukot tutu osim ke ibuot, baba nsɔŋidem iduhe ke esit; ke edi unan ye ŋkukip, ye obufa ufen: ifikke mmɔ, inyuŋ ibɔpke, inyuŋ iyetke mmɔ aran inam emem.

ISAIAH 3:17

mmɔdo Ɔbɔŋ eyenam etiŋe ibuot nditɔ-iban edi ibɔ, Jehovah eyenyuŋ ɔfuhɔre mmɔ iferi.

LEVITICUS 13:1

NDIEN Jehovah ɔdɔhɔ Moses ye Aaron, ete,

LEVITICUS 13:3

ndien yak oku ese udɔŋɔ oro ke ikpɔhidem esie: ndien edieke idet ke udɔŋɔ oro akabarede edi afia, enye ama onyuŋ okut nte udɔŋɔ oro ɔbuhɔde ke esit ikpɔhidem esie, enye edi udɔŋɔ akpa-mfia: ndien yak oku ese enye, onyuŋ onim enye ke edidehe.

LEVITICUS 13:8

Ndien oku okut enye, ndien sese, edieke ŋkikan oro atarade ke ikpɔhidem, yak oku onim enye ke edidehe: akpa-mfia edi oro.

LEVITICUS 14:3

ndien yak oku ɔwɔrɔ aka ke edem nna; oku onyuŋ ese, ndien, sese, edieke udɔŋɔ akpa-mfia okurede andidɔŋɔ ama;

LEVITICUS 14:35

ndien yak andinyene ufɔk oro edi editiŋ ɔnɔ oku, ete, Etie mi nte udɔŋɔ odu ke ufɔk mi;

LEVITICUS 14:56

ye eke ikpɔk,

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

NUMBERS 12:10

Ndien obubit enyɔŋ odorore ke efe ɔdɔk; ndien sese, Miriam akabare akpa-mfia nte snow. Ndien Aaron ese Miriam, ndien sese, enye eyedi akpa-mfia.

NUMBERS 12:12

Mbɔk, kuyak enye etie nte akpa-mfia, emi obuk esie edem kiet eyemerede adaŋemi enye otode eka esie ke idibi.

MATTHEW 8:4

Edi Jesus ete enye, Kpeme, kutiŋ unɔ baba owo kiet; edi nyɔŋ ke owut oku idem fo, nyuŋ wa enɔ eke Moses eketemede, man edi ŋkpɔ-ntiense ɔnɔ mme owo.

MARK 1:44

Kpeme, kutiŋ baba ikɔ kiet unɔ ndomo owo kiet: edi nyɔŋ kowut oku idem fo, nyuŋ wa se Moses eketemede baŋa erinam fi asana, man edi ŋkpɔ-ntiense ɔnɔ owo.

LUKE 17:14

Ke ini Enye okutde mmɔ, Enye ɔdɔhɔ mmɔ ete, Eka ekowut mme oku idem mbufo.

LUKE 5:14

Ndien Jesus owuk enye ete, Kutiŋ unɔ baba owo kiet: edi ka okuo kowut oku idemfo, nyuŋ wa uwa nte Moses eketemede ke erinam fi asana, man edi ŋkpɔ-ntiense ɔnɔ mme owo.

DEUTERONOMY 24:8

Tiŋ enyin ke udɔŋɔ akpa-mfia, man afo otim ekpeme, onyuŋ anam kpukpru se mme oku, kpa mme Levite, editemede mbufo: kpa nte ŋketemede mmɔ, kpa ntre ke mbufo edikpeme ndinam.

DEUTERONOMY 28:27

Jehovah eyeda oyo Egypt, ye mme emerod, ye ndɔk ye mfat, amiŋa fi, ndien afo udukwe nte enamde mmɔ ekure fi.