LEVITICUS 12:7 - Edisana ñwed Abasi Ibom

⁷ ndien yak enye ada enye edi ke iso Jehovah, onyuŋ osio isop ɔnɔ ŋwan; ndien enye edidi edisana ke ikɔ eriwɔrɔ iyip esie. Emi edi ewuhɔ ŋwan eke amande mme eren-owo, mme ŋwan.

LEVITICUS 12:7 ပူးပေါင်းရင်းမြစ်များ

ŊWED JOB 1:5

Edikem ke mme usen udia oro ekanarede ema, Job akam ɔdɔŋ ekekot mmɔ edi, ndien anam mmɔ esana, ndien ke eyo esierede, enye adaha ke enyɔŋ awa edifɔp uwa ke adaŋa ibat kpukpru mmɔ: koro Job ɔdɔhɔde, ete, Mme nditɔ mi ekenam idiɔk enyuŋ ekpɔŋ Abasi ke esit mmɔ. Ntem ke Job akam esinam kpukpru ini.

ŊWED JOB 14:4

Edisana ŋkpɔ akpakam oto ke ŋkpɔ ndek; baba kiet itoho.

LEVITICUS 1:4

Ndien yak enye ada ubɔk esie odori edifɔp uwa ke ibuot; ndien enye akabare edi se idinamde enye enem Jehovah esit, ndisio isop esie.

LEVITICUS 12:6

Ndien ke ekemde ke usen eke enye asanade, edide eke eyen-eren, onyuŋ edide eke eyen-aŋwan, yak enye ada eyen erɔŋ isua kiet ke edifɔp uwa, ye eyen ibiom, mme mbomoŋkuku, ke uwa idiɔk ido, edi ke enyin-usuŋ efe esop, edisɔk oku:

LEVITICUS 12:8

Ndien edieke ubɔk mikemke enye ke eyen erɔŋ, yak enye ada mbomo ŋkuku iba, mme nditɔ ibiom iba, edi; kiet ke eke edifɔp uwa, kiet eken ke eke uwa idiɔk ido: ndien yak oku osio isop ɔnɔ enye, ndien enye edidi edisana.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.

LEVITICUS 4:20

Yak enye onyuŋ anam enaŋ emi, kpa nte emi enye anamde enaŋ uwa idiɔk ido (eken); yak enye anam kpasuk ntre ye enye emi: ntem yak oku osio isop mmɔ, ndien eyefen mmɔ.

LEVITICUS 4:26

Ndien yak enye ɔfɔp ofuri ikpɔŋ esie ke itie-uwa, kpa nte efɔpde ikpɔŋ uwa emem; oku onyuŋ osio isop idiɔk ido esie, ndien eyefen enye.

LEVITICUS 4:31

Ndien yak enye osio ofuri ikpɔŋ esie efep, kpa nte esiode ikpɔŋ uwa emem; ndien oku ada enye ɔfɔp ke itie-uwa ɔnɔ Jehovah ke edinem utebe; ntre ke oku edisio isop esie, ndien eyefen enye.

LEVITICUS 4:35

Ndien enye osio ofuri ikpɔŋ esie, kpa nte esiode ikpɔŋ eyen erɔŋ uwa emem; ndien yak oku ɔfɔp mmɔ ke itie-uwa, adian ye uwa ikaŋ Jehovah: ntem ke oku edisio isop ndudue esie eke enye anamde, ndien eyefen enye.

ŊWED MBON ROME 3:23

koro kpukpru owo ema enam idiɔk-ŋkpɔ, enyuŋ etaba ubɔŋ Abasi.

ŊWED MBON ROME 3:26

man onyuŋ ayarare edinen ido Esie ke ini emi, ete Imɔ ke Idem Imɔ idi edinen, inyuŋ inam ikpe etebe owo eke ɔbuɔtde idem ke Jesus.

1 ŊWED CORINTH 7:14

Koro ebe eke minimke ke akpanikɔ ama akabare edi edisana ke ŋwan esie, ŋwan eke minimke ke akpanikɔ ama onyuŋ akabare edi edisana ke eyen-ete oro: midige ntre, nditɔ mbufo ikpasanake; edi kemi mmɔ esana.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.