LEVITICUS 11:44 - Edisana ñwed Abasi Ibom

⁴⁴ Koro ami ndide Jehovah Abasi mbufo; enam idem mbufo esana ndien, enyuŋ edi edisana: koro ami nsanade; ekunyuŋ esabare idem mbufo ke baba andinyɔni kiet eke ɔnyɔnide ke isɔŋ.

LEVITICUS 11:44 ပူးပေါင်းရင်းမြစ်များ

ŊWED MME PSALM 99:5

Mbufo ekpono Jehovah Abasi nnyin, enyuŋ etuak ibuot ke ɔtɔ udorukot esie: enye edi edisana.

ŊWED MME PSALM 99:9

Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.

EXODUS 16:12

Mmokop nsuk-uyo nditɔ Israel; tiŋ nɔ mmɔ ete, Ke adaŋa mbubreyo, mbufo eyeta unam, ndien ke usenubɔk, eyeyuhɔ uyo; ndien mbufo eyefiɔk ete ke ami ndi Jehovah Abasi mbufo.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

EXODUS 19:6

Mbufo eyenyuŋ enyene mi nte obio oku, ye nte edisana idut. Mme ikɔ emi ke afo editiŋ ɔnɔ nditɔ Israel.

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

EXODUS 22:30

Ntre ke afo edinam ye enaŋ fo, ye erɔŋ fo: yak etie ye eka esie ke usen itiaba; ke ɔyɔhɔ usen itiaita da enye nɔ mi.

EXODUS 22:31

Mbufo enyuŋ edi edisana ikɔt mi; ekunyuŋ eta unam eke ewaide ke ikɔt; mbufo etop enye enɔ ebua.

EXODUS 23:25

Mbufo enyuŋ enam ŋkpɔ Jehovah Abasi mbufo, ndien enye eyediɔŋ udia mbufo, ye mmɔŋ mbufo: ndien nyesioŋo udɔŋɔ ke otu mbufo mfep.

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

ISAIAH 43:3

Koro ami Jehovah ndide Abasi fo; ami Edisana Abasi Israel, ndi Andinyaŋa fi: nda Egypt nnɔ ke ŋkpɔ-ufak fo, nnɔ Kush ye Sheba ke ibuot fo.

ISAIAH 51:15

Ndien ami ndi Jehovah Abasi fo emi edemerede inyaŋ, ndien enye adaha okpot: Jehovah mme udim edi enyiŋ esie.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

LEVITICUS 11:43

Mbufo ekusabare idem mbufo ke baba andinyɔni kiet eke ɔnyɔnide, ekunyuŋ enam idem mbufo edehe ke esit, mbak mbufo edidehe ke esit.

LEVITICUS 18:2

Ami ndi Jehovah Abasi mbufo.

LEVITICUS 19:10

Kunyuŋ utet kpukpru mfri ke iŋwaŋ vine fo uma, kunyuŋ utaŋ kpukpru se iduɔŋɔde ke iŋwaŋ vine fo; yak mmɔ kpɔŋ nɔ mme ubuene ye isen owo: ami ndi Jehovah Abasi mbufo.

LEVITICUS 19:2

Mbufo edi edisana: koro ami Jehovah Abasi mbufo ndide edisana.

LEVITICUS 19:3

Kpukpru mbufo ebak eka mbufo ye ete mbufo, enyuŋ enim mme sabbath mi: ami ndi Jehovah Abasi mbufo.

LEVITICUS 19:4

Mbufo ekukabare etiene ndem, ekunyuŋ etara ŋkpɔ enam abasi enɔ idem mbufo: ami ndi Jehovah Abasi mbufo.

LEVITICUS 20:26

Ndien mbufo edidi edisana ikɔt mi: koro ami Jehovah ndide edisana, nyenyuŋ ndianare mbufo ye mme idut efen, man mbufo edi okim.

LEVITICUS 20:7

Mbufo enyuŋ enam idem mbufo esana, enyuŋ edi edisana: koro ami ndide Jehovah Abasi mbufo.

LEVITICUS 21:8

Nam enye edi edisana ndien: koro edide enye edi awa uyo Abasi fo: nim enye ke edisana: koro ami Jehovah, emi nnamde mbufo esana, ndi edisana.

AMOS 3:3

Nte iba eyesaŋa kiet ye kiet ke mmɔ midige esit kiet?

NUMBERS 15:40

man mbufo eti, enyuŋ enam kpukpru ewuhɔ mi, enyuŋ edi edisana ikɔt Abasi mbufo.

MATTHEW 5:48

Mbufo efɔn ema ndien, kpa nte Ete mbufo ke heaven ɔfɔnde ama.

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

1 ŊWED THESSALONICA 4:7

Koro Abasi ikokotke nnyin ite ididu uwem mbubiam, edi okokot nnyin ete, ididu uwem ke edisana ido.

JOSHUA 24:19

Ndien Joshua ɔdɔhɔ kpukpru owo, ete, Mbufo ikwe nte enamde ŋkpɔ enɔ Jehovah: koro enye edide edisana Abasi; enye edi Abasi ufup; enye idifenke mme ukwaŋ-ŋkpɔ mbufo ye mme idiɔk ido mbufo.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ERIYARARE 22:11

Owo eke edide ukwaŋ, yak enye osuk amana anam ukwaŋido; owo eke edehede, yak enye osuk amana edehe; owo eke edide edinen, yak enye osuk amana anam edinen ido; owo eke asanade, yak enye osuk amana asana.

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.

1 SAMUEL 6:20

Ndien nditɔ Beth-shemesh edɔhɔ ete, Anie ekeme ndida ke iso edisana Jehovah Abasi emi? Enye edinyuŋ ɔdɔk etiene mme anie ɔkpɔŋ nnyin?