LEVITICUS 11:40 - Edisana ñwed Abasi Ibom

⁴⁰ Ndien owo eke atade okpo esie enyene ndiyet edisine-ŋkpɔ esie, onyuŋ edi edidehe tutu osim mbubreyo: ndien ŋko yak owo eke obiomde okpo esie, eyet edisine-ŋkpɔ esie, onyuŋ edehe tutu osim mbubreyo.

LEVITICUS 11:40 ပူးပေါင်းရင်းမြစ်များ

EXODUS 22:31

Mbufo enyuŋ edi edisana ikɔt mi; ekunyuŋ eta unam eke ewaide ke ikɔt; mbufo etop enye enɔ ebua.

ISAIAH 1:16

Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 4:14

Ndien ndɔhɔ nte, O Ɔbɔŋ Jehovah, sese, ukpɔŋ mi akanam isabakede; ŋkonyuŋ ntaha se ikpade ikpɔŋ, ye se unam awaide, toto ke uyen mi tutu osim emi; ndek-ndek unam akanam inyuŋ idukke mi ke inua.

EZEKIEL 44:31

Mme oku ekuta baba ŋkpɔ kiet eke akpade ikpɔŋ, ye se ewaide, edide inuen, onyuŋ edide ufene.

LEVITICUS 11:25

Ndien kpukpru owo eke ebiomde okpo mmɔ enyene ndiyet edisine-ŋkpɔ mmɔ, enyuŋ edehe tutu osim mbubreyo.

LEVITICUS 11:28

Ndien owo eke obiomde okpo mmɔ, enyene ndiyet edisine-ŋkpɔ esie, onyuŋ edehe tutu osim mbubreyo: mbufo ese mmɔ ke edidehe.

LEVITICUS 11:39

Ndien ŋko adaŋemi unam ekededi eke mbufo ekam etade, akpade ikpɔŋ; owo eke otukde okpo esie edidi edidehe tutu osim mbubreyo.

LEVITICUS 14:46

Ndien ŋko owo eke odukde ke ufɔk ke ofuri ini emi ekekɔbide enye, edidehe tutu osim mbubreyo.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.

LEVITICUS 15:27

Ndien kpukpru owo eke etukde ŋkpɔ oro edehe, enyuŋ enyene ndiyet edisine-ŋkpɔ mmɔ, nnyuŋ nyet idem-mmɔ ke mmɔŋ, ndien edehe tutu osim mbubreyo.

LEVITICUS 16:26

Ndien owo oro akasanade ebot ayak ɔnɔ Azazel, enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre oduk ke nna.

LEVITICUS 16:28

Ndien ŋko owo eke ɔfɔpde mmɔ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre, oduk ke esit nna.

LEVITICUS 22:6

ukpɔŋ eke otukde oruk ŋkpɔ oro, eyedehe ndien tutu osim mbubreyo, enye okunyuŋ adia edisana ŋkpɔ, ke enye miyetke idem esie ke mmɔŋ.

LEVITICUS 22:8

Enye okuta se ikpade ikpɔŋ, ye se unam awaide, mbak edisabare idem esie ke esit: ami ndi Jehovah.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

NUMBERS 19:19

Ke ntre yak owo eke asanade osime owo eke edehede, ke ɔyɔhɔ usen ita, ye ke ɔyɔhɔ usen itiaba: ndien enye edinam idem esie asana ke ɔyɔhɔ usen itiaba, ndien yak enye eyet ɔfɔŋidem esie, onyuŋ eyet idem esie ke mmɔŋ, ndien enye eyedi edisana ke mbubreyo.

1 ŊWED CORINTH 10:21

Mbufo ikemeke ndiŋwɔŋ cup Ɔbɔŋ ye cup mme demon. Mbufo ikemeke nditiene ndiaŋkpɔ ke okpokoro Ɔbɔŋ, nnyuŋ ndia ke okpokoro mme demon.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

DEUTERONOMY 14:21

Mbufo ekuta baba unam kiet eke akpade ikpɔŋ: da enye nɔ esen owo emi odude ke obio fo, ete ata enye; midige, men enye nyam nɔ eyen idut efen: koro afo edide edisana ikɔt Jehovah Abasi fo. Kutem eyen ebot ke mmɔŋ-eba eka esie.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.