LEVITICUS 11:39 - Edisana ñwed Abasi Ibom

³⁹ Ndien ŋko adaŋemi unam ekededi eke mbufo ekam etade, akpade ikpɔŋ; owo eke otukde okpo esie edidi edidehe tutu osim mbubreyo.

LEVITICUS 11:39 ပူးပေါင်းရင်းမြစ်များ

EZEKIEL 4:14

Ndien ndɔhɔ nte, O Ɔbɔŋ Jehovah, sese, ukpɔŋ mi akanam isabakede; ŋkonyuŋ ntaha se ikpade ikpɔŋ, ye se unam awaide, toto ke uyen mi tutu osim emi; ndek-ndek unam akanam inyuŋ idukke mi ke inua.

LEVITICUS 11:24

Ndien mme mmɔ emi eyenam mbufo edehe: kpukpru owo eke etukde okpo mmɔ edidehe tutu osim mbubreyo.

LEVITICUS 11:28

Ndien owo eke obiomde okpo mmɔ, enyene ndiyet edisine-ŋkpɔ esie, onyuŋ edehe tutu osim mbubreyo: mbufo ese mmɔ ke edidehe.

LEVITICUS 11:31

Mbufo ese mme mmɔ emi ke edidehe ke otu mme andinyɔni: kpukpru owo eke etukde okpo mmɔ edidi edidehe tutu osim mbubreyo.

LEVITICUS 11:38

Edi adaŋemi esinde mmɔŋ ke uduot, okpo mmɔ ɔduɔ ke esit ndien, mbufo ese enye ke edidehe.

LEVITICUS 11:40

Ndien owo eke atade okpo esie enyene ndiyet edisine-ŋkpɔ esie, onyuŋ edi edidehe tutu osim mbubreyo: ndien ŋko yak owo eke obiomde okpo esie, eyet edisine-ŋkpɔ esie, onyuŋ edehe tutu osim mbubreyo.

LEVITICUS 14:46

Ndien ŋko owo eke odukde ke ufɔk ke ofuri ini emi ekekɔbide enye, edidehe tutu osim mbubreyo.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.

LEVITICUS 15:5

ndien ŋko, owo eke otukde mbri esie enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ, ndien edehe tutu osim mbubreyo.

LEVITICUS 15:7

Ndien ŋko owo eke otukde obukidem owo udɔŋɔ oro, onyuŋ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ, ndien edehe tutu osim mbubreyo.

LEVITICUS 16:26

Ndien owo oro akasanade ebot ayak ɔnɔ Azazel, enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre oduk ke nna.

LEVITICUS 17:15

Ndien kpukpru owo ke otu nditɔ isɔŋ, ye ke otu isen, eke editade se ikpade ikpɔŋ, mme se unam ikɔt awaide, enyene ndiyet edisine-ŋkpɔ mmɔ, nnyuŋ nyet idem mmɔ ke mmɔŋ, ndien edehe tutu osim mbubreyo: ndien mmɔ edidi edisana.

LEVITICUS 22:4

Baba owo kiet ke otu ubon Aaron eke ɔdɔŋɔde akpa-mfia, mme eke ŋkpɔ ɔwɔrɔde enye ke idem, okudia ndisana ŋkpɔ, tutu enye akabare edisana. Ndien ŋko ama edi owo eke otukde ndek okpo ekededi, mme eke owo eke idem eren-owo ɔbɔhɔde enye;

LEVITICUS 22:6

ukpɔŋ eke otukde oruk ŋkpɔ oro, eyedehe ndien tutu osim mbubreyo, enye okunyuŋ adia edisana ŋkpɔ, ke enye miyetke idem esie ke mmɔŋ.

LEVITICUS 22:8

Enye okuta se ikpade ikpɔŋ, ye se unam awaide, mbak edisabare idem esie ke esit: ami ndi Jehovah.

NUMBERS 19:11

Owo eke otukde okpo owo ekededi enyene ndidi edidehe ke ofuri usen itiaba.

NUMBERS 19:16

Ndien owo ekededi eke editukde owo emi ewotde ke ofut ke ikɔt, mme okpo owo, mme ɔkpɔ owo, mme udi, edidi edidehe ke usen itiaba.

NUMBERS 19:7

Ndien yak oku oro eyet edisine-ŋkpɔ esiemɔ, onyuŋ eyet obukidem esie ke mmɔŋ, ndien enye ediduk ke nna, ndien oku edidi edidehe tutu osim ke mbubreyo.