LEVITICUS 11:32 - Edisana ñwed Abasi Ibom

³² Ndien ŋko kpukpru se okpo mme mmɔ emi kiet ediduɔde ke esit, edidi edidehe; edide ŋkpɔ eto ekededi, onyuŋ edide ɔfɔŋ idem, mme ikpa, mme ekpat, ŋkpɔ ekededi eke enamde utom ke esit, yak esin enye ke mmɔŋ, ndien enye edidi edidehe tutu osim mbubreyo; ndien eyesana.

LEVITICUS 11:32 ပူးပေါင်းရင်းမြစ်များ

LEVITICUS 11:31

Mbufo ese mme mmɔ emi ke edidehe ke otu mme andinyɔni: kpukpru owo eke etukde okpo mmɔ edidi edidehe tutu osim mbubreyo.

LEVITICUS 14:46

Ndien ŋko owo eke odukde ke ufɔk ke ofuri ini emi ekekɔbide enye, edidehe tutu osim mbubreyo.

LEVITICUS 15:12

Yak mmɔ enyuŋ ebom ŋkpɔ mbat eso eke owo udɔŋɔ oro otukde: yak enyuŋ eyet kpukpru ŋkpɔ eto ke mmɔŋ.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.

LEVITICUS 16:26

Ndien owo oro akasanade ebot ayak ɔnɔ Azazel, enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre oduk ke nna.

LEVITICUS 17:15

Ndien kpukpru owo ke otu nditɔ isɔŋ, ye ke otu isen, eke editade se ikpade ikpɔŋ, mme se unam ikɔt awaide, enyene ndiyet edisine-ŋkpɔ mmɔ, nnyuŋ nyet idem mmɔ ke mmɔŋ, ndien edehe tutu osim mbubreyo: ndien mmɔ edidi edisana.

LEVITICUS 22:6

ukpɔŋ eke otukde oruk ŋkpɔ oro, eyedehe ndien tutu osim mbubreyo, enye okunyuŋ adia edisana ŋkpɔ, ke enye miyetke idem esie ke mmɔŋ.

LEVITICUS 6:28

Edi yak ebom eso eke etemde enye ke esit: edi edieke etemde enye ke eso okpoho, yak etuk enye, enyuŋ eyet ke mmɔŋ.

NUMBERS 19:15

Kpukpru usin-ŋkpɔ eke enade iŋwaŋ, eke mikɔbɔpke okukup ke esit, edidi edidehe ŋko.

NUMBERS 19:7

Ndien yak oku oro eyet edisine-ŋkpɔ esiemɔ, onyuŋ eyet obukidem esie ke mmɔŋ, ndien enye ediduk ke nna, ndien oku edidi edidehe tutu osim ke mbubreyo.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,