LEVITICUS 11:25 - Edisana ñwed Abasi Ibom

²⁵ Ndien kpukpru owo eke ebiomde okpo mmɔ enyene ndiyet edisine-ŋkpɔ mmɔ, enyuŋ edehe tutu osim mbubreyo.

LEVITICUS 11:25 ပူးပေါင်းရင်းမြစ်များ

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 51:7

Afo eyeda hyssop osio idiɔk ido mi efep, ndien nyesana: eyeyet mi idem, ndien nyafia ŋkan snow.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

EXODUS 19:14

Ndien Moses oto ke obot ɔsuhɔre etiene kpukpru owo, onyuŋ anam kpukpru mmɔ esana; ndien mmɔ enyuŋ eyet edisine-ŋkpɔ mmɔ.

LEVITICUS 11:24

Ndien mme mmɔ emi eyenam mbufo edehe: kpukpru owo eke etukde okpo mmɔ edidehe tutu osim mbubreyo.

LEVITICUS 11:26

Ama edi kpukpru unam eke ebaharede ikpat, edi misiahake ikpat iba, minyuŋ ikpɔhike ita, mbufo ese mmɔ ke edidehe: kpukpru owo eke etukde mmɔ edidi edihede.

LEVITICUS 11:28

Ndien owo eke obiomde okpo mmɔ, enyene ndiyet edisine-ŋkpɔ esie, onyuŋ edehe tutu osim mbubreyo: mbufo ese mmɔ ke edidehe.

LEVITICUS 11:40

Ndien owo eke atade okpo esie enyene ndiyet edisine-ŋkpɔ esie, onyuŋ edi edidehe tutu osim mbubreyo: ndien ŋko yak owo eke obiomde okpo esie, eyet edisine-ŋkpɔ esie, onyuŋ edehe tutu osim mbubreyo.

LEVITICUS 13:6

Ndien yak ese enye ŋko ke ɔyɔhɔ usen itiaba; ndien, sese, edieke udɔŋɔ oro ebierede, udɔŋɔ minyuŋ itarake ke ikpɔhidem, yak oku onim enye ke edisana: ke edi ŋkikan: ndien enye eyet edisine-ŋkpɔ esiemɔ, ndien edidi edisana.

LEVITICUS 14:46

Ndien ŋko owo eke odukde ke ufɔk ke ofuri ini emi ekekɔbide enye, edidehe tutu osim mbubreyo.

LEVITICUS 14:47

Owo ŋko eke anade ke ufɔk oro onyuŋ enyene ndiyet edisine-ŋkpɔ esie; owo eke adiade ŋkpɔ ke ufɔk oro onyuŋ enyene ndiyet edisine-ŋkpɔ esie.

LEVITICUS 14:8

Ndien yak owo emi enamde enye asana, eyet edisine-ŋkpɔ esie, onyuŋ okporo kpukpru idet esie onyuŋ eyet idem esie ke mmɔŋ, man enye edi edisana: ndien enye edi ediduk ke nna, etie ke mkpe esa tent esie ke ofuri usen itiaba.

LEVITICUS 15:13

Ekem, adaŋemi owo udɔŋɔ emi asanade, udɔŋɔ esie onyuŋ okurede: yak enye abat usen itiaba ɔnɔ idem esie ke erinam enye asana, ndien eyet edisine ŋkpɔ esiemɔ, onyuŋ eyet idem esie ke ndek mmɔŋ, ndien enye edidi edisana.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.

LEVITICUS 15:5

ndien ŋko, owo eke otukde mbri esie enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ, ndien edehe tutu osim mbubreyo.

LEVITICUS 16:26

Ndien owo oro akasanade ebot ayak ɔnɔ Azazel, enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre oduk ke nna.

LEVITICUS 16:28

Ndien ŋko owo eke ɔfɔpde mmɔ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre, oduk ke esit nna.

LEVITICUS 17:15

Ndien kpukpru owo ke otu nditɔ isɔŋ, ye ke otu isen, eke editade se ikpade ikpɔŋ, mme se unam ikɔt awaide, enyene ndiyet edisine-ŋkpɔ mmɔ, nnyuŋ nyet idem mmɔ ke mmɔŋ, ndien edehe tutu osim mbubreyo: ndien mmɔ edidi edisana.

LEVITICUS 22:6

ukpɔŋ eke otukde oruk ŋkpɔ oro, eyedehe ndien tutu osim mbubreyo, enye okunyuŋ adia edisana ŋkpɔ, ke enye miyetke idem esie ke mmɔŋ.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

NUMBERS 19:10

Ndien yak andiwobi ntɔŋ enaŋ eyet edisine-ŋkpɔ esiemɔ, onyuŋ edi edidehe tutu osim mbubreyo: ndien eyena ke nsinsi ewuhɔ nditɔ Israel ye eke oduduŋ eke oduŋde ke otu mmɔ.

NUMBERS 19:19

Ke ntre yak owo eke asanade osime owo eke edehede, ke ɔyɔhɔ usen ita, ye ke ɔyɔhɔ usen itiaba: ndien enye edinam idem esie asana ke ɔyɔhɔ usen itiaba, ndien yak enye eyet ɔfɔŋidem esie, onyuŋ eyet idem esie ke mmɔŋ, ndien enye eyedi edisana ke mbubreyo.

NUMBERS 19:7

Ndien yak oku oro eyet edisine-ŋkpɔ esiemɔ, onyuŋ eyet obukidem esie ke mmɔŋ, ndien enye ediduk ke nna, ndien oku edidi edidehe tutu osim ke mbubreyo.

NUMBERS 19:8

Ndien yak andifɔp enye onyuŋ eyet edisine-ŋkpɔ esie, onyuŋ eyet obukidem esie ke mmɔŋ, ndien edidi edidehe tutu osim mbubreyo.

NUMBERS 31:24

Mbufo enyuŋ eyet edisine ŋkpɔ mbufo ke ɔyɔhɔ usen itiaba, ndien mbufo eyesana, ndien eduk ke nna.

JOHN 13:8

Peter ete Enye, Uduyetke mi ukot. Jesus ɔbɔrɔ enye ete, Edieke mmenyetke fi, afo usuaŋake ŋkpɔ ye Ami.

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 9:10

sia mme uwa oro (mmɔ esaŋa ye udia ye eriŋwɔŋ-ŋkpɔ ye nsio-nsio uyere-mmɔŋ) edide enyɔŋ-enyɔŋ ido obukidem, emi enɔde owo enim tutu osim ini eke edidiɔŋde kpukpru ŋkpɔ.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.