LEVITICUS 10:6 - Edisana ñwed Abasi Ibom

⁶ Ndien Moses ɔdɔhɔ Aaron, ye Eleazar, ye Ithamar, nditɔ esie, ete, Mbufo ekuyarare ŋkpɔ ke ibuot mbufo, ekunyuŋ ewai edisine-ŋkpɔ mbufo, mbak mbufo edikpaŋa, ifuresit edinyuŋ odoro kpukpru owo: edi yak ofuri ufɔk Israel, nditɔ ete mbufo, etuaŋa erifɔp emi Jehovah ɔkɔfɔpde.

LEVITICUS 10:6 ပူးပေါင်းရင်းမြစ်များ

2 SAMUEL 24:1

EKEM Jehovah ɔtɔŋɔ ntak ayat esit ye Israel, ndien enye edemere David ɔnɔ mmɔ ete, Ka kabat Israel ye Judah.

EZRA 7:5

eyen Abishua, eyen Phinehas, eyen Eleazar, eyen Aaron, ɔbɔŋ oku:

EXODUS 33:5

Koro Jehovah ɔkɔdɔhɔde Moses, ete, Dɔhɔ nditɔ Israel, ete, Mbufo edi mbon nsɔŋibuot; ŋkpasaŋa ke otu mbufo ini esisit, ŋkposobo mbufo; esioŋo ndien ŋkpɔ mbana mbufo ke idem efep, man mfiɔk se ndinamde mbufo.

EXODUS 6:23

Ndien Aaron ada Elisheba, eyen Amminadab, eyen-eka Nashon, ke idem esie ɔdɔ: ndien enye aman Nadab, ye Abihu, ye Eleazar, ye Ithamar ɔnɔ enye.

JEREMIAH 7:29

O Jerusalem, fat idet fo nyuŋ duɔk; nyuŋ menere eseme ke ŋkokoŋo ebiet: koro Jehovah amasua onyuŋ ɔduɔk emana emi enye ayatde esit ye mmɔ.

LEVITICUS 13:45

Ndien yak ewai edisine-ŋkpɔ owo akpa-mfia emi udɔŋɔ oro anamde enye, ibuot esie onyuŋ etie iferi, yak enye onyuŋ ofuk ŋkpɔ ke ebek esie, onyuŋ ofiori ete, Edidehe, edidehe.

MICAH 1:16

Sin ibɔ, nyuŋ fat idet baŋa edima nditɔ fo: nam ufaŋ ibɔ fo aŋwaŋa nte ntrukpom: koro etaŋde mmɔ efep ekpɔŋ fi.

NUMBERS 1:53

Ndien yak mme Levite ewuk ekana ebiet-iduŋ ŋkpɔ-ntiense ekuk, man iyaresit okutiene mbon-esop nditɔ Israel: mme Levite enyuŋ etim ekpeme ebiet-iduŋ ŋkpɔ-ntiense.

NUMBERS 14:6

Ndien Joshua eyen Nun, ye Caleb eyen Jephunneh, emi edude ke otu mbon uyep isɔŋ, ewai edisine-ŋkpɔ mmɔ:

NUMBERS 16:22

Ndien mmɔ eduɔ ke isɔŋ ekubi iso mmɔ ete, O Abasi, Abasi spirit kpukpru owo, nte afo eyeyat esit ye ofuri esop, koro owo kiet eduede?

NUMBERS 18:5

Ndien mbufo ekpeme se ekpekpemede ke edisana ebiet, ye ke itie-uwa: man iyaresit okutiene aba nditɔ Israel.

NUMBERS 20:25

Da Aaron ye Eleazar eyen esie, dɔk ke obot Hor:

NUMBERS 5:18

Ndien oku edinim ŋwan oro ke iso Jehovah, onyuŋ atat ŋwan oro idet, ndien ada uwa eriti emi edide uwa ufup, esin enye ke ubɔk: ndien ŋko yak oku akama ndot-ndot mmɔŋ isuŋi ke ubɔk.

DEUTERONOMY 33:9

emi ɔdɔhɔde abaŋa ete esie ye eka esie, ete, Nsehe enye; minyuŋ idiɔŋɔke nditɔ-eka esie, minyuŋ ifiɔkke nditɔ esiemɔ: koro mmɔ ekpemede ikɔ Fo, enyuŋ enimde ediomi Fo.

JOSHUA 22:18

Ndien mbufo eyom ndiwɔŋɔre mfin emi ŋkpɔŋ Jehovah: ndien ama ekem, edieke mbufo esɔŋde ibuot ye Jehovah mfin emi, mkpɔŋ enye eyeyat esit ye ofuri esop Israel.

JOSHUA 22:20

Nte Achan eyen Zerah ikanamke idiɔk ido ke ŋkpɔ nsobo oro, ndien iyaresit etiene ofuri esop Israel? Ndien owo oro ikakpaha ikpɔŋ ke idiɔk ido esie.

JOSHUA 7:1

EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

JOSHUA 7:11

Israel ama anam idiɔk ŋkpɔ, mmɔ ema enyuŋ ebiat ediomi mi emi ŋkowukde mmɔ; ema enyuŋ eda ndusuk ŋkpɔ nsobo, enyuŋ eyip, enyuŋ edip, enyuŋ esin ke otu ŋkpɔ mmɔ