LEVITICUS 10:14 - Edisana ñwed Abasi Ibom

¹⁴ Ndien mbufo eta edifuŋ ikɔŋesit ye edimenere afara, ke ɔtɔ eke asanade; afo, ye nditɔ-iren fo, ye nditɔ-iban fo ŋko: koro esiode mmɔ ke mme uwa emem nditɔ Israel enɔ ke udeme fo, ye udeme nditɔ-iren fo.

LEVITICUS 10:14 ပူးပေါင်းရင်းမြစ်များ

EXODUS 29:33

Yak mmɔ enyuŋ eta ŋkpɔ oro edade esio isop, man eyɔhɔ mmɔ ubɔk, enyuŋ enam mmɔ esana: edi kuyak esen owo ata: koro ŋkpɔ oro edide edisana.

EZEKIEL 42:13

Ndien enye ɔdɔhɔ mi, ete, Mme ubet edem edere, ye mme ubet edem usuk emi edude ke iso ebiet eridianare mfep, mmɔ edi edisana ubet emi mme oku emi esaŋade ekpere Jehovah edidiade ata edisana ŋkpɔ do: mmɔ eyenim ata edisana ŋkpɔ do, ye inuak-udia, ye uwa idiɔk ido, ye uwa ndudue: koro ebiet oro edide edisana.

LEVITICUS 10:13

mbufo enyuŋ eta enye ke edisana ebiet: koro enye edide udeme fo, ye udeme nditɔ fo, ke uwa ikaŋ Jehovah: koro ntem ke ekewuk mi.

LEVITICUS 22:13

Ama edi eyen oku aŋwan eke ebe esie akpade, mme eke esiode ke ndɔ, eke minyuŋ imanke eyen, onyuŋ afiakde ke ufɔk ete esie, yak enye adia udia ete esie, kpa nte ke ini uyen esie; edi baba esen kiet okudia enye.

LEVITICUS 9:21

ndien Aaron emen ikɔŋesit ofuŋ ke edifuŋ uwa ke iso Jehovah; nte emi Moses okowukde.

NUMBERS 18:11

Emi ŋko onyuŋ edi okuo; edimenere uwa enɔ mi, ye kpukpru edifuŋ uwa nditɔ Israel: mmada mmɔ nnɔ fi, ye nditɔ-iren fo, ye nditɔ-iban fo ŋko, ke nsinsi ewuhɔ: yak kpukpru edisana owo ke ufɔk fo eta enye.

NUMBERS 5:9

Ndien kpukpru edimenere uwa ke otu kpukpru edisana ŋkpɔ nditɔ Israel, eke mmɔ edade esɔk oku, enyene enye.

JOHN 4:34

Jesus ete mmɔ, Udia Mi edi ndinam uduak Andidɔŋ Mi, nnyuŋ mma utom Esie.