LEVITICUS 10:1 - Edisana ñwed Abasi Ibom

¹ EKEM Nadab ye Abihu, nditɔ Aaron mbiba, eda ŋkpɔ ufɔp incense mmɔ, esin ikaŋ ke esit, enyuŋ edori incense ke esit, ndien eda esen ikaŋ edi ke iso Jehovah, eke enye okowukde mmɔ ete ekunam.

LEVITICUS 10:1 ပူးပေါင်းရင်းမြစ်များ

1 NDIDEM 18:38

Ndien ikaŋ Jehovah ɔduɔ, ata uwa oro, ye ifia, ye itiat, ye ntɔŋ, onyuŋ edei mmɔŋ emi odude ke ukpe.

ŊWED MME PSALM 141:2

Yak akam mi ada ke iso fo nte incense; yak umenere ubɔk mi etie nte uwa mbubreyo.

EXODUS 24:1

NDIEN enye ɔdɔhɔ Moses, ete, Dɔk tiene Jehovah, afo, ye Aaron, ye Nadab, ye Abihu, ye mbiowo Israel ata ye duop; mbufo enyuŋ eda nsan-nsan etuak ibuot.

EXODUS 24:9

Edikem Moses ɔdɔk ye Aaron, ye Nadab, ye Abihu, ye mbiowo Israel ata ye duop;

EXODUS 27:3

Nyuŋ nam eso usin-ntɔŋ esie, ye mme uwobi ntɔŋ esie, ye mme bason esie, ye mme fork esie, ye uda-ikaŋ esie; nam kpukpru ŋkpɔ utom esie ke okpoho.

EXODUS 28:1

NDIEN afo sio Aaron eyen-uka, ye nditɔ-iren esie ŋko, ke otu nditɔ Israel, dian idem, man mmɔ eda oku mi, kpa Aaron, ye Nadab, ye Abihu, ye Eleazar, ye Ithamar nditɔ Aaron

EXODUS 31:11

man eda oku, ye aran-nyere ye edifuɔŋ incense ke eke edisana ubet; yak mmɔ enam kpukpru kpa nte ŋketemede fi.

EXODUS 37:29

Enye ada ubɔk-utom abuak-ufuɔŋ-ŋkpɔ, anam edisana aran nyere, ye ata eti edifuɔŋ incense.

EXODUS 38:3

Enye onyuŋ anam kpukpru ŋkpɔ-utom itie-uwa, mme eso, ye mme uwobi-ntɔŋ, ye mme bowl ye mme fork, ye mme uda-ikaŋ; enye ada okpoho anam kpukpru ŋkpɔ-utom esie.

EXODUS 40:27

onyuŋ ɔfɔp edifuɔŋ incense ke esit; nte emi Jehovah eketemede Moses.

EXODUS 6:23

Ndien Aaron ada Elisheba, eyen Amminadab, eyen-eka Nashon, ke idem esie ɔdɔ: ndien enye aman Nadab, ye Abihu, ye Eleazar, ye Ithamar ɔnɔ enye.

EXODUS 8:27

Nnyin iyeda isaŋ usen ita iduk ke wilderness, nnyin iwa inɔ Jehovah Abasi nnyin, kpa nte Enye edidɔhɔde nnyin.

JEREMIAH 19:5

mmɔ ema enyuŋ ebɔp edikoŋ ebiet enɔ Baal, man efɔp nditɔ mmɔ ke ikaŋ enɔ Baal ke edifɔp uwa, eke mmeŋkowukke mmɔ, mmeŋkonyuŋ ndɔhɔke, mikonyuŋ idukke mi ke esit: mmɔdo, sese,

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JEREMIAH 44:15

Ndien kpukpru owo eke efiɔkde ete ke iban mmimɔ efɔp ŋkpɔ enɔ abasi efen, ye kpukpru iban emi edade do, akamba otu owo, ye kpukpru owo emi eduŋde ke isɔŋ Egypt ke Pathros, ebɔrɔ Jeremiah, ete,

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 7:31

Mmɔ ema enyuŋ ebɔp ŋkokoŋo ebiet o-Topheth emi odude ke itihere eyen Hinnom, enyuŋ efɔp nditɔ-iren mmɔ ye nditɔ-iban mmɔ ke ikaŋ; emi mme -ŋkowukke mmɔ, mikonyuŋ idukke mi ke esit.

LEVITICUS 16:1

EKEM Jehovah ɔdɔhɔ Moses, ke nditɔ Aaron iba ema ekekpa ema, adaŋemi mmɔ esaŋade ekpere ke iso Jehovah, ndien ekpa mkpa;

LEVITICUS 16:12

Ndien enye ɔwɔhɔre ebok ikaŋ ke itie-uwa ke iso Jehovah, esin ke ŋkpɔ ufɔp incense ɔyɔhɔ, ndien owobi edifuɔŋ incense eke enuakde emen ɔyɔhɔ ubɔk ada oduk ke edem ukara.

LEVITICUS 22:9

Yak mmɔ enim ndien mme ewuhɔ mi, man ekubiom idiɔk-ŋkpɔ ke esit, ekunyuŋ ekpa ebaŋa enye; ami Jehovah nnim mmɔ ke edisana.

LEVITICUS 9:24

Ndien ikaŋ oto ke iso Jehovah, edita edifɔp uwa ye ikpɔŋ ke itie-uwa: ndien ke ini kpukpru owo ekutde, mmɔ efiori, enyuŋ eduɔŋɔ ekubi iso mmɔ.

NUMBERS 16:46

Ndien Moses ɔdɔhɔ Aaron ete, Da censer kiet, nyuŋ sio ikaŋ ke itie-uwa sin ke esit, ndien sin incense, nyuŋ sɔp itɔk iwiwa, duk ke otu mbon esop, nyuŋ sio isop nɔ mmɔ: koro iyaresit ɔmɔwɔrɔ Jehovah ke iso: udɔŋɔ ɔmɔtɔŋɔ.

NUMBERS 26:61

Ndien Nadab ye Abibu ema ekekpa ke ini mmɔ ekedade esen ikaŋ edi ke iso Jehovah.

NUMBERS 4:18

Mbufo ekusibe esien ye mme ufɔk mme Kohathite ke otu nditɔ Levi efep:

DEUTERONOMY 12:32

Mbufo ekpeme ndinam kpukpru ikɔ emi ami ntemede mbufo: kudian ŋkpɔ ke esit, kunyuŋ usio ke esit ufep.

DEUTERONOMY 17:3

eke onyuŋ akade okonim ido mme abasi efen, onyuŋ ɔnuhɔ ɔnɔ mmɔ, edide utin, onyuŋ edide ɔfiɔŋ mme eke udim enyɔŋ ekededi, eke ami ŋkpande;

DEUTERONOMY 4:2

Ekuda ikɔ efen edian ke ikɔ emi ami ntemede mbufo, ekunyuŋ esio ke esit efep, man mbufo enim mbet Jehovah Abasi mbufo emi ami ntemede mbufo.

MME HEBREW 9:4

emi enyenede ŋkpɔ ufɔp-incense o-gold, ye ekebe ediomi emi edade gold efuk ekanare ekuk, emi eso o-gold emi mana esinede ke esit,