LEVITICUS 1:2 - Edisana ñwed Abasi Ibom

² Dɔhɔ nditɔ Israel, ete mmɔ, Ke ini owo mbufo kiet oyomde ndida enɔ nsɔk Jehovah, mbufo edida enɔ mbufo ke ufene, mme ke enaŋ, mme ke ŋkpri ufene esɔk.

LEVITICUS 1:2 ပူးပေါင်းရင်းမြစ်များ

GENESIS 4:3

Ekem ke utit isua, Cain ada mbuŋwum-iŋwaŋ edisɔk Jehovah ke uwa.

GENESIS 4:5

Ndien Jehovah ese Abel ke iso, ye uwa esie: edi isehe Cain, ye uwa esie. Ndien Cain ofut esit eti eti, iso onyuŋ ɔkpuhɔre enye.

1 CHRONICLES 16:29

Mbufo enɔ Jehovah ubɔŋ enyiŋ esie: emen uwa edi enye ke iso: etuak ibuot enɔ Jehovah ke uyai edisana ido.

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

NUMBERS 15:3

Mbufo enyuŋ eyomde ndiwa uwa ikaŋ nnɔ Jehovah, mme edifɔp uwa, mme uwa eke ewade ke erinam akaŋa, mme uwa ima, mme ke usɔrɔ mbufo, man enam edinem utebe enɔ Jehovah, edide ke enaŋ, onyuŋ edide ke ŋkpri ufene:

NUMBERS 5:15

Yak owo oro ada ŋwan esie etiene oku, onyuŋ ada enɔ esie abaŋa enye edi, ndom barley ke omer kiet; okusin aran, okunyuŋ odori frankincense ke esit: koro enye edide uwa ufup, uwa eriti, emi anamde eti idiɔk ido.

NUMBERS 7:15

abak enaŋ kiet, ye okukim kiet, ye eyen erɔŋ isua kiet, ke edifɔp uwa:

MARK 7:11

edi mbufo ete, Owo ama ɔdɔhɔ ete mme eka, ete, Se ŋkpadade mfɔn fi ufɔn edi Corban (oro edi, mmayak enye nnɔ Abasi),

ŊWED MBON ROME 12:1

MMƆDO mmada mbɔm Abasi ŋkpe mbufo ubɔk, nditɔ-ete mi, nte eda ikpɔhidem mbufo enɔ Abasi nte odu-uwem uwa, emi asanade, emi onyuŋ enemde Abasi ndibɔ, koro emi edide uwa eke anade ɔnɔ mbufo ediwa.

ŊWED MBON ROME 12:6

Sia nnyin imenyene enɔ eke edide nsio-nsio, nte asaŋade ekekem ye mfɔn eke enɔde nnyin; edieke enɔde nnyin ukwɔrɔ-ikɔ, yak nnyin ikwɔrɔ ikɔ nte asaŋade ekekem ye idomo mbuɔtidem nnyin;

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.