LEVITICUS 1:14 - Edisana ñwed Abasi Ibom

¹⁴ Ndien edieke edifɔp uwa emi enye ɔnɔde Jehovah, otode ke inuen, yak enye ada mbomoŋkuku, mme nditɔ ibiom ɔnɔ ke enɔ esie.

LEVITICUS 1:14 ပူးပေါင်းရင်းမြစ်များ

GENESIS 15:9

Ndien Enye ete, Sio uman enaŋ isua ita, ye uman ebot isua ita, ye okukim erɔŋ isua ita, ye mbomoŋkuku kiet, ye eyen ibiom kiet nɔ mi.

LEVITICUS 12:8

Ndien edieke ubɔk mikemke enye ke eyen erɔŋ, yak enye ada mbomo ŋkuku iba, mme nditɔ ibiom iba, edi; kiet ke eke edifɔp uwa, kiet eken ke eke uwa idiɔk ido: ndien yak oku osio isop ɔnɔ enye, ndien enye edidi edisana.

LEVITICUS 5:10

Ndien enye edida eken anam edifɔp uwa, nte ekam esinamde: ntem ke oku edisio isop esie abaŋa ndudue esie emi enye eduede, ndien eyefen enye.

LEVITICUS 5:11

Edi edieke ubɔk mikemke enye ke mbomoŋkuku iba, mme nditɔ ibiom iba; ndien yak andidue ada omer eti ndom-uyo kiet ke enɔ eise, ke uwa idiɔk ido, edi enye okusin aran ke esit, okunyuŋ adian frankincense ke esit: koro enye edide uwa idiɔk ido.

LEVITICUS 5:7

Ndien edieke ubɔk mikemke enye ke eke ŋkpri ufene, yak enye ada mbomoŋkuku iba, mme nditɔ ibiom iba, ɔsɔk Jehovah, ke isop esie emi enye eduede; kiet ke uwa idiɔk ido, ye kiet eken ke edifɔp uwa.

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

MATTHEW 21:12

Ndien Jesus oduk ke temple Abasi, onyuŋ ebin kpukpru mmɔ eke enyamde ŋkpɔ enyuŋ edepde ŋkpɔ ke temple efep, onyuŋ onuk mme okpokoro mme ɔkpuhɔ okuk ɔduɔk, ye mme itie mme anyam ibiom;

LUKE 2:24

ndinyuŋ ŋwa uwa, nte ibet Jehovah etemede, mbomo ŋkuku iba, me nditɔ ibiom iba.

2 ŊWED CORINTH 8:12

Koro edieke erinyime esit odude, enem Abasi esit ndibɔ enɔ nte asaŋade ekekem ye se owo enyenede, idige nte ebede ukeme esie.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;