JUDGES 17:3 - Edisana ñwed Abasi Ibom

³ Ndien adaŋemi enye ama akayak mbak silver ikie duopekiet oro ɔnɔ eka esie, eka esie ɔdɔhɔ ete, Ŋkonim silver emi nnɔ Jehovah, eyen mi eyebɔ mi enye ke ubɔk, man anam edisɔi mbiet, ye editara mbiet: mmɔdo ndiyakde enye nnɔ fi ndien.

JUDGES 17:3 ပူးပေါင်းရင်းမြစ်များ

2 CHRONICLES 33:7

Enye onyuŋ ada edisɔi mbiet ŋkpɔ oro enye akanamde, eneŋere onim ke ufɔk Abasi oro Abasi ɔkɔdɔhɔde David ye Solomon eyen esie, ete, Ke ufɔk emi ye ke Jerusalem emi mmekde ke otu kpukpru esien Israel, ke ndisin enyiŋ mi ke nsinsi:

EXODUS 20:23

Mbufo ekuda silver enam abasi edian ye ami, ekunyuŋ eda gold enam abasi enɔ idem mbufo.

EXODUS 20:4

Kunam edisɔi ŋkpɔ unɔ idem fo, kunyuŋ unam mbiet baba ŋkpɔ kiet eke odude ke heaven ke enyɔŋ, ye eke odude ke isɔŋ ke idak, ye eke odude ke mmɔŋ ke idak isɔŋ;

EXODUS 34:17

Kutara ŋkpɔ ubot abasi ke idem fo.

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

LEVITICUS 19:4

Mbufo ekukabare etiene ndem, ekunyuŋ etara ŋkpɔ enam abasi enɔ idem mbufo: ami ndi Jehovah Abasi mbufo.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

DEUTERONOMY 12:3

mbufo enyuŋ ewuri mme itie-uwa mmɔ, enyun ebom mme adaha itiat mmɔ, enyuŋ efɔp mme eto-mkpe mmɔ ke ikaŋ enyuŋ esai edisɔi mbiet mme abasi mmɔ, enyuŋ esobo enyiŋ mmɔ ke ebiet oro efep.

DEUTERONOMY 27:15

Ɔdɔdiɔk ɔnɔ owo eke anamde edisɔi mme editara mbiet, emi Jehovah esede ke mbubiam, utom ubɔk anam-usɔ, ndien emen enye onim ke ndibe ebiet. Ndien yak kpukpru owo ebɔrɔ ete, Amen.

JUDGES 17:13

Ndien Micah ɔdɔhɔ ete, Mmɔfiɔk ndien nte Jehovah eyefɔn ye ami, koro mmenyene Levite emi ke oku.

JUDGES 17:2

Ndien enye ɔdɔhɔ eka esie, ete, Mbak silver ikie duopokiet oro ekebɔde fi, emi afo ekesuŋide, onyuŋ ɔdɔhɔ mi ke utɔŋ abaŋa, sese, silver oro mmɔ ye ami; edi ami ŋkada enye. Ndien eka esie ɔdɔhɔ ete, Jehovah osuk ɔdiɔŋ fi, eyen mi.

JUDGES 17:4

Ntre ke enye ayak silver oro ɔnɔ eka esie; ndien eka esie osio shekel silver ikie iba, ada mmɔ ɔnɔ odom-utim, ndien enye anam edisɔi mbiet ye editara mbiet: ndien mmɔ edu ke ufɔk Micah.

JUDGES 18:30

Ndien nditɔ Dan eneŋere edisɔi mbiet oro enim ke idem mmɔ: ndien Jonathan eyen Gershom, eyen Moses, ye nditɔ esie, edi mme oku esien mme Danite, tutu osim ini emi etaŋde idut oro efep.

JUDGES 18:5

Ndien mmɔ edɔhɔ enye, ete, Mbɔk, bup Abasi, man nnyin ifiɔk mme iso eyefɔn nnyin ke usuŋ emi nnyin isaŋade ke esit.