JUDE 1:9 - Edisana ñwed Abasi Ibom

⁹ Edi Michael, akwa angel oro, ke eriŋwana emi enye aŋwanade ye Satan, ke adaŋemi enye enenide abaŋa okpo Moses, ikedehede isuŋi enye ke ikpe, edi ɔdɔhɔ ete, Ɔbɔŋ akpakam asua ɔnɔ fi.

JUDE 1:9 ပူးပေါင်းရင်းမြစ်များ

1 CHRONICLES 12:17

Ndien David ɔwɔrɔ edisobo ye mmɔ, onyuŋ ɔbɔrɔ mmɔ, ete, Edieke mbufo etienede mi ke emem ndinyaŋa mme asua mi, ke ini idiɔk-ŋkpɔ miduhe mi ke ubɔk, Abasi mme ete nnyin eyese, onyuŋ ekpe.

EXODUS 22:28

Kusuŋi Abasi, kunyuŋ usue ebierikpe ke otu mbio-obio mbufo.

DANIEL 10:13

Ndien ɔbɔŋ idut Persia akada ke iso mi ke usen edip ye kiet: ndien, sese, Michael akpan mbɔŋ kiet edi ediŋwam mi: ndien ami nsuk ntie do ye ndidem Persia.

DANIEL 10:21

Nyenyuŋ ŋwut fi se ekewetde ke ŋwed akpanikɔ. Ndien baba owo kiet eke ɔsɔŋde ada ye ami ke ŋkpɔ emi iduhe, ke mibɔhɔke Michael ɔbɔŋ mbufo.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

ZECHARIAH 3:2

Ndien Jehovah ɔdɔhɔ Satan, ete, Jehovah akpakam aduari fi, Satan; Jehovah emi ekemekde Jerusalem akpakam onyuŋ aduari fi: nte enye emi idige ifia eke esiode ke ikaŋ?

MARK 15:29

Mmɔ eke esaŋade ebe esuene Enye, enyeŋe ibuot ete, Ha! Afo emi owuride temple, onyuŋ ɔbɔpde enye ke usen ita,

DEUTERONOMY 34:6

Ndien enye obuk enye ke ebedeŋ kiet, ke isɔŋ Moab, emi asakde iso ese Beth-poer; edi baba owo kiet ifiɔkke udi esie tutu osim mfin emi.

1 ŊWED THESSALONICA 4:16

Koro Ɔbɔŋ ke Idem Esie eyeto ke heaven ɔsuhɔre ye mkpo, ye uyo archangel, ye ukorowo Abasi; ndien mmɔ emi ekpaŋade ke Christ eyebem iso eset:

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

2 PETER 2:11

edi mme angel, emi ekopde idem enyuŋ enyenede odudu ekan mmɔ ikosuŋike mmɔ ke ikpe ke iso Ɔbɔŋ.

ERIYARARE 12:7

Ekem ekɔŋ otibe ke heaven; Michael ye me angel esie eŋwana ekɔŋ ye dragon; dragon ye mme angel esie enyuŋ eŋwana ekɔŋ, edi mmɔ ikanke.