6 Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.
Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.
Koro nnyin miŋwanake eŋwan nnyin ye obuk ye iyip, edi iŋwana ye mbɔŋ, ye mme enyene-odudu ye mme andikara ekim ererimbot, ye udim mme idiɔk spirit eke edude ke enyɔŋ.
Koro edieke Abasi mikayakke mme angel emi ekeduede ebɔhɔ, edi otopde mmɔ ɔduɔk ke itie-ufen, onyuŋ esinde mmɔ ke ŋkim-ŋkim ukpe, ete, enim mmɔ etie do ebet ikpe;
Ndien emen Satan emi akabiaŋade mmɔ eduɔk ke akwa ŋkpɔdiɔhɔ ikaŋ ye brimstone, ke ebiet eke unam ye prophet nsu edude; eyenyuŋ etuhɔre mmɔ ke uwemeyo ke ke okoneyo ke nsinsi-nsinsi.