JUDE 1:16 - Edisana ñwed Abasi Ibom

¹⁶ Mmɔ emi edi mbon nsuk-uyo; mmɔ esuk Abasi uyo ebaŋa itie emi Enye okonimde mmɔ; mmɔ esaŋa nte idiɔk itɔŋ mmɔ adade mmɔ aka, inua mmɔ onyuŋ etiŋ ikɔ iseri-iseri, mmɔ enyuŋ ekpek mme owo, eyom mfɔn enɔ idem.

JUDE 1:16 ပူးပေါင်းရင်းမြစ်များ

ŊWED JOB 32:21

Yak ŋkukam nteŋe owo enyin, ŋkunyuŋ nnem inua nnɔ owo:

ŊWED JOB 34:19

Man ɔdɔhɔ enye emi miteŋeke mbɔŋ enyin, minyuŋ isehe mbon inyene ikan ubuene: koro edi ubɔk esie akanam kpukpru.

ŊWED MME PSALM 106:25

Ndien mmɔ esuk uyo ke mme tent mmɔ; ikopke uyo Jehovah.

ŊWED MME PSALM 15:4

Enye ese oburobut owo ke ndek, edi okpono mmɔ eke ebakde Jehovah. Enye ɔŋwɔŋɔ se itukde idem esie, ndien ikpuhɔkede.

ŊWED MME PSALM 17:10

Ikpɔŋ mmɔ ɔfuhɔ mmɔ: mmɔ edɔhɔ iseri-iseri ke inua mmɔ.

ŊWED MME PSALM 73:8

Mmɔ esak nsahi, enyuŋ edɔhɔ idiɔk: etie ke enyɔŋ etiŋ ufik.

MME ŊKE 28:21

Uteŋe-enyin ifɔnke: koro owo eyedue abaŋa udia.

ISAIAH 29:24

Ndien mmɔ eke ekeduede ke spirit eyewɔrɔ ɔniɔŋ, mme osuk-uyo eyenyuŋ ekpep item.

LEVITICUS 19:15

Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.

NUMBERS 14:36

Ndien mbon emi Moses ɔkɔdɔŋde, ete ekeyep isɔŋ oro, emi ekenyuŋ efiakde, enyuŋ enam ofuri esop esuk enye uyo, ke erida idiɔk etop isɔŋ oro ndi,

NUMBERS 16:11

Edi emi esin fi ye nsaŋa fo esop idem enam ikɔ ye Jehovah: ndien Aaron edi anie eke mbufo esukde enye uyo?

NUMBERS 16:41

Ndien mkpɔŋ kpukpru mbon esop nditɔ Israel esuk Moses ye Aaron uyo, ete, Mbufo emewot ikɔt Jehovah.

LUKE 15:2

Ndien mme Pharisee ye mme scribe esuk uyo ete, Owo emi adadara mme idiɔk owo, onyuŋ adia ŋkpɔ ye mmɔ.

LUKE 19:7

Edi ke ini mmɔ ekutde, kpukpru mmɔ esuk uyo ete, Enye aka akadaŋ ye owo emi edide idiɔk owo.

LUKE 5:30

Edi mme Pharisee ye mme scribe mmɔ esuk Enye uyo enɔ mbet Esie, ete, Nsinam mbufo ediade enyuŋ eŋwɔŋde ŋkpɔ ye mme publican ye mme idiɔk owo?

JOHN 6:41

Mmɔdo mme Jew esuk Enye uyo, koro Enye ɔdɔhɔde ete, Ami ndi uyo eke otode ke heaven ɔsuhɔre; enyuŋ ebup ete,

JOHN 6:61

Edi Jesus ɔfiɔk ke esit Esie ete mbet Imɔ ke esuk uyo ebaŋa ikɔ oro, onyuŋ ɔdɔhɔ mmɔ ete, Nte ikɔ emi esin mbufo eduɔ?

1 ŊWED CORINTH 10:10

Mbufo ekunyuŋ esuk uyo, nte ndusuk mmɔ ekesukde, enyuŋ etakde ke ubɔk andisobo.

ŊWED MBON GALATIA 5:16

Edi mmɔdɔhɔ mbufo nte, Esaŋa ke Spirit, ndien mbufo idinamke se idɔŋde obukidem.

ŊWED MBON GALATIA 5:24

Mmɔ emi edide ikɔt Christ Jesus ema ewot obukidem ke cross, ye udɔŋ ye idiɔk itɔŋ esie.

DEUTERONOMY 1:27

mbufo enyuŋ etie ke mme tent mbufo esuk uyo, ete, Edi koro Jehovah asuade nnyin esin enye ada nnyin ɔwɔrɔ ke isɔŋ Egypt, ete ida nnyin idisin ke ubɔk mme Amorite, man mmɔ esobo nnyin.

ŊWED MBON PHILIPPI 2:14

Ke erinam kpukpru ŋkpɔ etre nsuk-uyo ye eneni;

1 ŊWED THESSALONICA 4:5

idige ke ɔkpɔsɔŋ udɔŋ idiɔk itɔŋ, nte mme Gentile emi mifiɔkke Abasi enamde.

1ŊWED TIMOTHY 6:5

ye isuŋi, ye idiɔk ekikere, ye ɔkpɔsɔŋ eneni ke otu mmɔ emi ekikere mmɔ ama akabiara, akpanikɔ ama onyuŋ ɔbɔhɔ mmɔ; etie mmɔ nte uteŋe Abasi edi afaŋ udia-udori.

2 ŊWED TIMOTHY 4:3

Koro ini ɔmɔŋ edi eke mme owo midibɔhɔ eti ukpep-ŋkpɔ; ndien sia utɔŋ edebede mmɔ ndikop isio ikɔ, mmɔ eyekɔ mme andikpep enɔ idem nte ekemde ye mme idiɔk udɔŋ mmɔ,

1 PETER 1:14

Nte nditɔ nsuk-ibuot, ekukama aba idem ekekem ye mme idiɔk udɔŋ eke mbufo ekenyenede, ke adaŋemi enanade ifiɔk;

1 PETER 2:11

Ndima mi, mmebeŋe mbufo nte oduduŋ ye mbon isaŋ, nte, edianare ekpɔŋ idiɔk udɔŋ obukidem, emi eŋwanade ye ukpɔŋ owo.

1 PETER 4:2

man mbufo ekuda aba ini eke ɔsuhɔde ɔnɔ mbufo ke obukidem esaŋa edu uwem ke mme idiɔk itɔŋ esit owo, edi esaŋa nte uduak Abasi edide.

2 PETER 2:10

akpan-akpan mmɔ eke esaŋade ke ndek-ndek idiɔk itɔŋ obukidem edu uwem enyuŋ esinde mme andikara. Mmɔ edi mbon emiom ye mbon nsɔŋ-ibuot, inamke mmɔ ndik ndisuŋi mme akama-itie ubɔŋ:

2 PETER 2:18

Koro mmɔ etiŋ ikpikpu ikɔ ŋkpon-inua, enyuŋ eda obukpo ido esaŋa ke idiɔk itɔŋ obukidem, etap mmɔ emi ke ebɔbɔhɔ mbon nduyo.

2 PETER 3:3

Ke akpa itie, efiɔk emi ete, ke ukperedem ini mbon nsahi eyeda nsahi edi; mmɔ eyesaŋa ke mme idiɔk itɔŋ mmɔ, enyuŋ edɔhɔ ete,

JUDE 1:15

Ndikpe ikpe ye kpukpru owo, ndinyuŋ mbiom kpukpru mmɔ emi mibakke Enye ikpe Mbaŋa kpukpru mbukpo ido eke mmɔ enamde, Ye kpukpru mkpɔsɔŋ ikɔ eke mmɔ emi mibakke Enye eketiŋde edian Enye.

JUDE 1:18

nte mmɔ edɔhɔde mbufo ete, mbon nsahi eyedu ke ukperedem ini, emi edisaŋade ke idiɔk itɔŋ, midinyuŋ ibakke Abasi.