JOSHUA 9:4 - Edisana ñwed Abasi Ibom

⁴ mmɔ ŋko enyuŋ enam ŋkari, eka ekenam nte ŋkpɔ eke mmɔ edide mme isuŋ-utom, eda ŋkani ekpat edori mme ass mmɔ ke edem, ye wine ke ŋkani ikpa emi ewahade, enyuŋ efan;

JOSHUA 9:4 ပူးပေါင်းရင်းမြစ်များ

GENESIS 34:13

Ndien nditɔ Jacob ebɔrɔ Shechem ye Hamor ete esie abiaŋa-abiaŋa, mmɔ enyuŋ edɔhɔ ntem, koro enye akabiatde Dinah eyen-ete mmɔ aŋwan:

ŊWED MME PSALM 119:83

Koro mmebiet ekpat mmɔŋ ke nsuŋikaŋ; mfreke mme ewuhɔ fo.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

MATTHEW 9:17

Owo inyuŋ insinke obufa wine ke ŋkani ikpa; ama anam ntre, ikpa asiaha, wine onyuŋ ɔduɔhɔ, ikpa enyuŋ etak. Edi esin obufa wine ke mbufa ikpa, ntem ke ekpeme mbiba.

MARK 2:22

Baba owo kiet inyuŋ isinke obufa wine ke ŋkani ikpa: ama anam ntre, wine eye-siak ikpa, ɔduɔhɔ, atak, ikpa enyuŋ ebiara ŋko: edi esin obufa wine ke mbufa ikpa.

LUKE 16:8

Ndien ɔbɔŋ oro otoro ukwaŋ akama-ukpɔhɔre, koro enye anamde ɔniɔŋ-ɔniɔŋ: koro mbon eyo emi edi ɔniɔŋ ke mbubehe mmɔ ye mbio emana mmɔ, ekan nte nditɔ uŋwana edide.

JOSHUA 9:12

Uyo nnyin emi iketimde ke udia usuŋ nnyin ikeda ke ufiop ke ufɔk nnyin, ke usen emi nnyin iwɔrɔde ndidi ke ɔtɔ mbufo; edi ke emi, sese, enye amakabare nsat ye mfut-mfut.

JOSHUA 9:13

Mme ikpa wine emi nnyin ikesinde iyɔhɔ, ekenyuŋ edi mbufa: ndien, sese, mmɔ emewaha: ɔfɔŋidem nnyin emi, ye ikpa-ukot nnyin enyuŋ ekabare ŋkani, oto koro usuŋ oyomde eti-eti.

JOSHUA 9:3

Ekem ke ini mme andiduŋ Gibeon ekopde se Joshua akanamde Jericho ye Ai,

JOSHUA 9:5

mmɔ enyuŋ eda ŋkani ikpa-ukot emi ediɔŋde, esine ke ukot mmɔ, enyuŋ esine ŋkani ɔfɔŋidem ke idem mmɔ; kpukpru uyo ke udia usuŋ mmɔ onyuŋ edi nsat ye mfut-mfut.