JOSHUA 9:13 - Edisana ñwed Abasi Ibom

¹³ Mme ikpa wine emi nnyin ikesinde iyɔhɔ, ekenyuŋ edi mbufa: ndien, sese, mmɔ emewaha: ɔfɔŋidem nnyin emi, ye ikpa-ukot nnyin enyuŋ ekabare ŋkani, oto koro usuŋ oyomde eti-eti.

JOSHUA 9:13 ပူးပေါင်းရင်းမြစ်များ

MATTHEW 9:17

Owo inyuŋ insinke obufa wine ke ŋkani ikpa; ama anam ntre, ikpa asiaha, wine onyuŋ ɔduɔhɔ, ikpa enyuŋ etak. Edi esin obufa wine ke mbufa ikpa, ntem ke ekpeme mbiba.

MARK 2:22

Baba owo kiet inyuŋ isinke obufa wine ke ŋkani ikpa: ama anam ntre, wine eye-siak ikpa, ɔduɔhɔ, atak, ikpa enyuŋ ebiara ŋko: edi esin obufa wine ke mbufa ikpa.

LUKE 5:37

Baba owo kiet inyuŋ isinke obufa wine ke ŋkani ikpa; ama anam ntre, obufa wine eyesiak ikpa, onyuŋ ɔduɔhɔ, ikpa eyenyuŋ ebiara.

DEUTERONOMY 29:5

Mma nnyuŋ nda mbufo usuŋ ke wilderness ke isua aba: edisine-ŋkpɔ mbufo ikatahake mbufo ke idem, ikpa-ukot fo ikonyuŋ itahake fi ke ukot.

JOSHUA 9:12

Uyo nnyin emi iketimde ke udia usuŋ nnyin ikeda ke ufiop ke ufɔk nnyin, ke usen emi nnyin iwɔrɔde ndidi ke ɔtɔ mbufo; edi ke emi, sese, enye amakabare nsat ye mfut-mfut.

JOSHUA 9:14

Ndien mbio oro ebɔ mmɔ udia, inyuŋ ibupke uyo Jehovah.

JOSHUA 9:4

mmɔ ŋko enyuŋ enam ŋkari, eka ekenam nte ŋkpɔ eke mmɔ edide mme isuŋ-utom, eda ŋkani ekpat edori mme ass mmɔ ke edem, ye wine ke ŋkani ikpa emi ewahade, enyuŋ efan;

JOSHUA 9:5

mmɔ enyuŋ eda ŋkani ikpa-ukot emi ediɔŋde, esine ke ukot mmɔ, enyuŋ esine ŋkani ɔfɔŋidem ke idem mmɔ; kpukpru uyo ke udia usuŋ mmɔ onyuŋ edi nsat ye mfut-mfut.