JOSHUA 9:1 - Edisana ñwed Abasi Ibom

¹ EDIKEM adaŋemi kpukpru mbɔŋ eke edude ke edem Jordan emi, ke ikpɔ obot, ye ke una-isɔŋ edem inyaŋ, ye ke ofuri mben akwa inyaŋ, ekem ye Lebanon, kpa mme Hittite, ye mme Amorite, ye mme Canaanite, ye mme Perizzite, ye mme Hivite,

JOSHUA 9:1 ပူးပေါင်းရင်းမြစ်များ

2 SAMUEL 24:7

Ndien mmɔ esim ɔkpɔsɔŋ ebiet Tyre, ye kpukpru obio mme Hivite, ye eke mme Canaanite; ndien mmɔ ewɔŋɔ ke edem usuk-usuk Judah, ke Beersheba.

EXODUS 23:23

Koro angel mi eyebem fi iso, eyenyuŋ ada fi aka ebiet mme Amorite, ye mme Hittite, ye mme Perizzite, ye mme Canaanite, ye mme Hivite, ye mme Jebusite;

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 34:11

Tim kpeme se ami mmɔŋ nteme fi mfin emi: sese, mmɔŋ mbin mme Amorite, ye mme Canaanite, ye mme Hittite, ye mme Perizzite, ye mme Hivite, ye mme Jebusite, ke iso fo mfep.

NUMBERS 13:29

Amalek eduŋ ke edem usuk isɔŋ; mme Hittite, ye mme Jebusite, ye mme Amorite, enyuŋ eduŋ ke ikpɔ obot; mme Canaanite ŋko eduŋ ke mben inyaŋ, ye ke mben Jordan.

NUMBERS 34:6

Ndien ama edi adaŋa ke edem usop-utin, akamba inyaŋ edidi adaŋa mbufo: emi edidi adaŋa mbufo ke edem usop-utin.

DEUTERONOMY 1:7

mbufo ekabare edaŋa eka ke obot mme Amorite, ye ke ɔtɔ kpukpru mbɔhiduŋ mmɔ, ke itihere Jordan, ye ke ikpɔ obot, ye ke una-isɔŋ edem inyaŋ, ye ke edem usuk-usuk, ye ke mben inyaŋ, kpa isɔŋ mme Canaanite, ye Lebanon, tutu osim ke akwa akpa, akpa Euphrates.

DEUTERONOMY 3:25

Mbɔk, yak mbe ŋkokut eti isɔŋ emi odude ke edem Jordan oko, eti obot oro, ye Lebanon.

DEUTERONOMY 4:49

ye ofuri itihere Jordan ke edem Jordan oko ke edem usiaha-utin, tutu osim ke Inyaŋ Itihere, ke usuhɔre Pisgah.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

JOSHUA 1:15

tutu Jehovah ɔnɔ nditɔ-ete mbufo itie iduŋ, nte mbufo, mmɔ enyuŋ eda isɔŋ emi Jehovah Abasi mbufo ɔnɔde mmɔ: ndien mbufo efiak ke isɔŋ emi mbufo ekedade, enyuŋ enyene enye, emi Moses owo Jehovah ɔkɔnɔde mbufo ke edem Jordan oko, ke edem usiaha-utin.

JOSHUA 1:4

Adaŋa mbufo eyetɔŋɔ ke wilderness ye Lebanon emi akatuak akamba akpa, akpa Euphrates: ofuri isɔŋ mme Hittite, ada tutu okosim ke akamba inyaŋ ke edem usop-utin.

JOSHUA 10:23

Ndien mmɔ enam ntre, enyuŋ esio mbɔŋ ition oro ke aba eda esɔk enye: kpa ɔbɔŋ Jerusalem, ye ɔbɔŋ Hebron, ye ɔbɔŋ Jarmuth, ye ɔbɔŋ Lachish, ye ɔbɔŋ Eglon.

JOSHUA 11:17

ɔtɔŋɔde ke obot Halak (Ibɔ) emi ɔdɔkde aka Seir, tutu osim Baal-gad ke itihere Lebanon ke ukot obot Hermon: enye onyuŋ omum kpukpru mbɔŋ mmɔ, onyuŋ ɔtɔ mmɔ owot.

JOSHUA 13:5

ye isɔŋ mme Gebalite ŋko, ye ofuri Lebanon ke edem usiaha-utin, ɔtɔŋɔde ke Baal-gad ke ukot obot Hermon, tutu osim ke ɔtɔ emi edukde Hamath.

JOSHUA 15:12

Ndien adaŋa edem usop-utin edi Akwa Inyaŋ kpa mben esie. Emi edi adaŋa nditɔ Judah emi akanarede okuk, ke ubon, ke ubon.

JOSHUA 22:4

Ndien ke emi Jehovah Abasi mbufo ɔmɔnɔ nditɔ-ete mbufo nduɔk-odudu, kpa nte enye ɔkɔdɔhɔde mmɔ: mbufo enyɔŋɔ, ndien, eka ke mme tent mbufo, ke isɔŋ emi mbufo edade, emi Moses owo Jehovah ɔkɔnɔde mbufo ke edem Jordan oko.

JOSHUA 22:7

Ndien Moses ɔkɔnɔ ubak esien Manasseh udeme ke Bashan: ndien Joshua ɔnɔ ubak eken udeme ke otu nditɔ-ete mmɔ ke edem Jordan oko emi utin osopde. Ndien ŋko ke ini Joshua ayakde mmɔ enyɔŋɔ ke mme tent mmɔ, enye ɔdiɔŋ mmɔ,

JOSHUA 23:4

Sese, mmada afia ndeme mme idut emi esuhɔde nnɔ mbufo ke udeme mme esien mbufo, ɔtɔŋɔde ke Jordan, ye kpukpru mme idut emi ŋkasuande tutu osim Akwa Inyaŋ ke edem usop-utin.

JOSHUA 24:11

Ekem mbufo ebe Jordan edi Jericho; ndien mbio-obio Jericho, ye mme Amorite, ye mme Perizzite, ye mme Canaanite, ye mme Hittite, ye mme Girgashite, ye mme Hivite, ye mme Jebusite eŋwana ekɔŋ ye mbufo; ndien mmen mmɔ nsin mbufo ke ubɔk.

JOSHUA 3:10

Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.

JOSHUA 3:17

Ndien mme oku emi ebiomde ekebe ediomi Jehovah, esɔŋɔ eda ke edisat isɔŋ ke ufɔt Jordan; ndien ofuri Israel esaŋa ke edisat isɔŋ ebe, tutu kpukpru owo ebe Jordan ema.

JOSHUA 5:1

EDIKEM, adaŋemi kpukpru mbɔŋ mme Amorite, emi edude ke edem usop-utin Jordan, ye kpukpru mbɔŋ mme Canaanite, emi edude ke mben inyaŋ, ekopde nte Jehovah akanamde mmɔŋ Jordan asat ke iso nditɔ Israel, tutu nnyin ibe, ndien nsia oyomo mmɔ, uko onyuŋ okure mmɔ ke idem, abaŋa nditɔ Israel.

JOSHUA 6:27

Ndien Jehovah odu ye Joshua; ndien etop esie asuana ke ofuri idut.

JOSHUA 9:7

Ndien nditɔ Israel edɔhɔ mme Hivite, ete, Ndusuk mbufo eduŋ ke ufɔt nnyin; didie ndien ke nnyin idinam ediomi ye mbufo?