JOSHUA 8:4 - Edisana ñwed Abasi Ibom

⁴ Enye onyuŋ eteme mmɔ, ete, Sese, mbufo edibe ke edem obio ese obio: ekukpɔŋ obio ata anyan usuŋ, ndien mbufo kpukpru etie ebet:

JOSHUA 8:4 ပူးပေါင်းရင်းမြစ်များ

2 NDIDEM 7:12

Ekem edidem adaha ke enyɔŋ ke okoneyo, onyuŋ ɔdɔhɔ ikɔt esie, ete, Nyesian mbufo, ndien, se mme Syrian ke enenam ye nnyin. Mmɔ efiɔk nte biɔŋ ɔdɔŋde nnyin; ndien ewɔŋɔ ke nna mmɔ, eka ekedibe ke ikɔt, ete, Mmɔ eyeto ke obio ewɔŋɔ, ndien nnyin iyemum mmɔ ye uwem, inyuŋ iduk ke obio.

2 CHRONICLES 13:13

Edi Jeroboam anam mbon-ekɔŋ ekabare eda ke edem mmɔ ke ndibe: ntre ke mmɔ edu Judah ke iso, mbon-udibe enyuŋ edu mmɔ ke edem.

ECCLESIASTES 7:19

Eti ibuot anam enyene-ibuot owo ɔsɔŋ akan mbɔŋ duop eke edude ke obio.

ECCLESIASTES 9:16

Ndien ami ndɔhɔ, nte ke eti ibuot ɔfɔn akan uko; edi mmɔ ese eti ibuot eyen-ubuene oro ke ndek, inyuŋ ikopke uyo esie.

UTOM MME APOSTLE 23:21

Ntem kunyime unɔ mmɔ: koro ebe owo mmɔ aba edibe ebet enye: mmɔ oro enyuŋ eda uŋwɔŋɔ ewuk idem mmɔ, ete, mme imɔ ididiaha ŋkpɔ inyuŋ iŋwɔŋke ŋkpɔ tutu iwot enye: ndien ke emi mmɔ ebeŋe idem, enyuŋ etie ebet erinyime fo.

JOSHUA 8:16

Ndien mmɔ ekot kpukpru owo eke edude ke obio, ete edi ebine mmɔ: ntem ke mmɔ ebine Joshua, enyuŋ edianare ekpɔŋ obio.

JOSHUA 8:3

Edikem Joshua adaha ke enyɔŋ ye kpukpru mbon-ekɔŋ, onyuŋ ɔdɔk aka Ai: ndien Joshua emek tɔsin mbon uko edip ye duop, ɔdɔŋ mmɔ eka ke okoneyo.

JUDGES 20:29

Ndien nditɔ Israel enim mbon-udibe ekan Gibeah ekuk.

JUDGES 20:33

Ekem kpukpru owo Israel edaŋa eda ke ɔtɔ mmɔ, enyuŋ etim udim ekɔŋ ke Baal-tamar: mbon-udibe Israel enyuŋ ewɔŋɔ ke ebiet mmɔ ke mben-isɔŋ Gibeah.

JUDGES 20:36

Ndien nditɔ Benjamin ekut ete ke mmimɔ imasuana: koro nditɔ Israel ekeyakde ufaŋ enɔ nditɔ Benjamin, koro mmɔ ebuɔtde idem mmɔ ye mbon-udibe oro mmɔ ekenimde ke mben isɔŋ Gilead.

JUDGES 9:25

Ndien mme enyene Shechem esin owo ke ikɔt ke enyɔŋ obot, ete ebet enye, ndien mmɔ ebume kpukpru owo eke esaŋade ke usuŋ oro ebe mmɔ: ndien emen eketiŋ enɔ Abimelech.

JUDGES 9:32

Daha ke enyɔŋ ke okoneyo, ndien, afo ye mmɔ emi edude ye afo, nyuŋ dibe ke ikɔt bet:

1 SAMUEL 15:2

Ntem ke Jehovah mme udim ɔdɔhɔ, ete, Ŋkese se Amalek ekenamde ye Israel, nte mmɔ ekenade ke usuŋ ekpeme enye ke ini enye otode ke Egypt ɔdɔk.

1 SAMUEL 15:5

Ekem Saul edisim obio Amalek, onyuŋ onim mbon-udibe ke ebedeŋ.