JOSHUA 8:35 - Edisana ñwed Abasi Ibom

³⁵ Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.

JOSHUA 8:35 ပူးပေါင်းရင်းမြစ်များ

EZRA 10:1

EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

NEHEMIAH 8:2

Ndien Ezra oku ada ŋwed mbet edi ke iso esop iren-owo ye iban, ye eke kpukpru owo eke enyenede ibuot ndikop, ke akpa usen ɔyɔhɔ ɔfiɔŋ itiaba.

NEHEMIAH 8:3

Ndien enye okot ke esit ke iso aŋwa emi odude ke iso inua-otop mmɔŋ, ɔtɔŋɔde ke usiere tutu osim ufɔt uwemeyo, ke iso iren-owo ye iban, ye mmɔ eke enyenede ibuot: ndien kpukpru owo ekpaŋ utɔŋ enɔ ŋwed mbet.

EXODUS 12:38

Ndien ŋko mbuaha udim owo esaŋa ye mmɔ edɔk; ye ŋkpri ufene, ye enaŋ, kpa ata ediwak ufene ŋkpɔ eti-eti.

JEREMIAH 26:2

Ntem ke Jehovah ɔdɔhɔ ete, Ka kada ke okure ufɔk Jehovah, nyuŋ men kpukpru ikɔ eke ŋwukde fi, nte ɔdɔhɔ ye mmɔ, tiŋ baŋa kpukpru mme obio Judah eke edide ndituak ibuot ke ufɔk Jehovah; kusio baba ikɔ kiet ufep;

JOEL 2:16

Mbufo ebon mbio-obio, enim esop, ebon mme ebiowo, ebon nditɔwɔŋ ye mmɔ eke ewapde eba: yak ɔdɔ-ndɔ oto ke ubet esie ɔwɔrɔ, yak ŋwan ndɔ oto ke bed ndɔ esie.

ZECHARIAH 8:23

Ntem ke Jehovah mme udim ɔdɔhɔ ete, Ke mme usen oro ke owo duop eke etode ke kpukpru usem mme idut edimum, kpa mmɔ edimum eyen Judah kiet utɔŋ ɔfɔŋidem, ete, Eyak nnyin ika ye mbufo: koro nnyin imokop ite ke Abasi odu ye mbufo.

MARK 10:14

Edi ke ini Jesus okutde, Enye ayat esit, onyuŋ ete mbet Esie, Eyak ŋkpri nditɔ etiene Mi; ekukpan mmɔ: koro Obio Ubɔŋ Abasi edide eke oruk emi.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

UTOM MME APOSTLE 21:5

Edikem, ke ini mme usen oro ebede, nnyin idaha ika iso ke isaŋ nnyin; ndien kpukpru mmɔ, ye iban ye nditɔwɔŋ, eda nnyin ekeyak ke usuŋ, tutu nnyin iwɔrɔ ikpɔŋ obio: nnyin inyuŋ itɔŋɔ edɔŋ ke esuk ibɔŋ akam, inyuŋ ikɔm kiet eken saŋa suŋ; ntre nnyin idiere ke ubom,

DEUTERONOMY 29:10

Kpukpru mbufo emeda ke iso Jehovah Abasi mbufo mfin emi; mme etubom mme esien mbufo, ye mbiowo mbufo, ye mme andidaha mbufo, ye kpukpru mbio Israel,

DEUTERONOMY 29:11

ye ŋkpri nditɔwɔŋ mbufo, ye iban mbufo, ye esen owo fo emi edude ke nna fo, ɔtɔŋɔde ke andisiak ifia fo, tutu osim ke andikoi mmɔŋ fo:

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.

DEUTERONOMY 31:12

Bon kpukpru owo ɔtɔ kiet, iren-owo ye iban, ye nditɔwɔŋ, ye esen owo fo emi odude ke obio fo, man mmɔ ekop, man mmɔ enyuŋ ekpep, enyuŋ ebak Jehovah Abasi mbufo, enyuŋ ekpeme ndinim kpukpru ikɔ mbet emi:

DEUTERONOMY 4:2

Ekuda ikɔ efen edian ke ikɔ emi ami ntemede mbufo, ekunyuŋ esio ke esit efep, man mbufo enim mbet Jehovah Abasi mbufo emi ami ntemede mbufo.