JOSHUA 8:33 - Edisana ñwed Abasi Ibom

³³ Ndien ofuri Israel, ye mbiowo mmɔ, ye ndidaha, ye mme ekpe-ikpe mmɔ, eda ke edem ekebe emi, ye ke edem eken, ke iso mme oku mme Levite, emi ebiomde ekebe ediomi Jehovah, ye esen owo, ye amana ke otu mmɔ; ubak mmɔ kiet ekem ye obot Gerizim, ubak mmɔ eken enyuŋ ekem ye obot Ebal; kpa nte Moses owo Jehovah ekebemde iso owuk, ete mmɔ ediɔŋ nditɔ Israel.

JOSHUA 8:33 ပူးပေါင်းရင်းမြစ်များ

EXODUS 12:49

Yak enim ido kiet, ekpedi amana do, okponyuŋ edi esen owo eke oduŋde ke otu mbufo.

LEVITICUS 24:22

Mbufo enim ubɔk ido kiet ye esen owo, ye eyen isɔŋ: koro ami ndide Jehovah Abasi mbufo.

NUMBERS 15:15

Ɔfɔn mbufo emi edide esop, ye esen owo eke edide oduduŋ ke otu mbufo enim suk ewuhɔ kiet, nsinsi ewuhɔ ke emana mbufo: nte mbufo etiede, kpasuk ntre ke esen owo editie ke iso Jehovah.

NUMBERS 15:16

Mbufo ye esen owo eke oduŋde ye mbufo, enim ibet kiet ye ido kiet.

NUMBERS 15:29

Mbufo enim ubɔk ewuhɔ kiet ye owo emi abiatde mbet ke ndudue, edide amana ke otu nditɔ Israel, onyuŋ edide esen emi oduŋde ke otu mmɔ.

JOHN 4:20

Mme ete nnyin ekam etuak ibuot enɔ Abasi ke obot emi; ndien mbufo ete, ebiet eke owo ekpetuakde ibuot enɔ Abasi odu ke Jerusalem.

DEUTERONOMY 11:29

Ndien ama ekem, adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, dori ufɔn emi ke obot a Gerizim, nyuŋ dori isuŋi obot Ebal.

DEUTERONOMY 31:12

Bon kpukpru owo ɔtɔ kiet, iren-owo ye iban, ye nditɔwɔŋ, ye esen owo fo emi odude ke obio fo, man mmɔ ekop, man mmɔ enyuŋ ekpep, enyuŋ ebak Jehovah Abasi mbufo, enyuŋ ekpeme ndinim kpukpru ikɔ mbet emi:

DEUTERONOMY 31:25

emi ebiomde ekebe ediomi Jehovah, ete,

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

JOSHUA 23:2

Ndien Joshua okot ofuri Israel ye mbiowo mmɔ, ye mme ikpɔ owo mmɔ, ye mme ekpe-ikpe mmɔ, ye mme andidaha mmɔ, edi, ndien ɔdɔhɔ mmɔ, ete, Ami mmakabare nyedi akani, mmonyuŋ nsɔŋ eti-eti:

JOSHUA 24:1

EDIKEM Joshua obon kpukpru esien nditɔ Israel ke Shechem, onyuŋ okot mbiowo Israel, ye ikpɔ owo mmɔ, ye mme ekpe-ikpe mmɔ, ye mme andidaha mmɔ edi; ndien mmɔ edida ke iso Abasi.

JOSHUA 3:14

Ndien edikem adaŋemi kpukpru owo ewuhɔrede mme tent mmɔ, man ebe Jordan, mme oku enyuŋ ebiom ekebe ediomi ebem mmɔ iso,

JOSHUA 3:3

ndien mmɔ ewuk kpukpru owo, ete, Ke adaŋemi mbufo ekutde ekebe ediomi Jehovah Abasi mbufo, ye nte mme oku, mme Levite, ebiomde enye, ndien mbufo edaŋa ke ebiet mbufo, enyuŋ esaŋa enye ke edem:

JOSHUA 3:6

Ndien Joshua ɔdɔhɔ mme oku, ete, Mbufo emen ekebe ediomi, enyuŋ ebem kpukpru owo iso ebe. Ndien mmɔ emen ekebe ediomi, enyuŋ esaŋa kpukpru owo ke iso.

JOSHUA 4:10

Ndien mme oku emi ebiomde ekebe eda ke ufɔt Jordan, tutu mmɔ ema kpukpru ŋkpɔ emi Jehovah eketemede Joshua, ete etiŋ ɔnɔ mbon oro, ekem ye kpukpru se Moses eketemede Joshua: ndien mmɔ esɔp ukot ebe.

JOSHUA 4:18

Ekem, ke ini mme oku emi ebiomde ekebe ediomi Jehovah, ema eketo ke ufɔt Jordan edɔk, ke ini ikpat-ukot mme oku ema ekeyuŋ ewɔrɔ edigi ke edisat isɔŋ, ndien mmɔŋ Jordan afiak ke itie esie, onyuŋ ɔyɔhɔ ada ofuri mben ikɔt esie nte anamde akpa.

JOSHUA 6:6

Ekem Joshua eyen Nun okot mme oku, onyuŋ ɔdɔhɔ mmɔ ete, Mbufo emen ekebe ediomi, oku itiaba enyuŋ ekama obukpoŋ itiaba ebem ekebe Jehovah iso.