JOSHUA 8:29 - Edisana ñwed Abasi Ibom

²⁹ Enye onyuŋ emen ɔbɔŋ Ai eyiri ke eto tutu osim mbubreyo: ndien ke ini utin osopde, Joshua owuk, ete ekɔŋɔre okpo esie ke eto oro efep, ndien mmɔ eda enye eduɔk ke inua-etop obio, enyuŋ ekubi enye akwa ebok itiat ke idem tutu osim mfin emi.

JOSHUA 8:29 ပူးပေါင်းရင်းမြစ်များ

2 SAMUEL 18:17

Ndien mmɔ eda Absalom eduɔk ke akamba obube ke akai oro, enyuŋ ekubi enye ata akamba ebok itiat ke idem: kpukpru nditɔ Israel enyuŋ efeŋe eka ke mme tent mmɔ.

ESTHER 7:10

Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.

ŊWED MME PSALM 107:40

Enye aŋwaŋa but ofuk mbɔŋ, onyuŋ anam mmɔ ediyo ke ikpikpu ebiet, emi ɔkpɔ-usuŋ miduhe ke esit.

ŊWED MME PSALM 110:5

Ɔbɔŋ emi odude fi ke ubɔk nnasia, asuan ndidem ke usen iyaresit esie.

JOHN 19:31

Ekem sia usen oro edide usen mbeŋe-idem, mbak mme okpo edisuk ekɔŋɔ ke cross ke sabbath (koro sabbath oro edide akwa usen), mme Jew ebeŋe Pilate ete ebuŋ mmɔ ukot, enyuŋ ekɔŋɔre mme okpo efep.

UTOM MME APOSTLE 12:23

Edi idaha oro angel Ɔbɔŋ ɔtɔ enye, koro enye minɔŋɔ Abasi ubɔŋ: ndien ndɔŋ eta enye, enye onyuŋ akpa.

JOSHUA 10:30

ndien Jehovah ada enye ŋko, ye ɔbɔŋ esie, esin Israel ke ubɔk; ndien mmɔ eda iso ofut esobo enye, ye kpukpru owo emi edude ke esit: mmɔ isuhɔke baba nsuhɔ ke esit: edi enam ɔbɔŋ mmɔ kpa nte ekenamde ɔbɔŋ Jericho.

JOSHUA 10:33

Ndien Horam ɔbɔŋ Gezer ɔdɔk ete idiŋwam Lachish, ndien Joshua asuan enye ye ikɔt esie, tutu isuhɔke baba nsuhɔ kiet inɔ enye.

JOSHUA 12:9

ɔbɔŋ Jericho, kiet; ɔbɔŋ Ai, emi ekperede Beth-el,

JOSHUA 7:26

Ndien mmɔ ekubi enye akamba ebok itiat ke idem, tutu osim mfin emi. Ntem ke Jehovah akabare ɔkpɔŋ ikaŋ iyaresit esie. Mmɔdo enyiŋ ebiet oro ekerede ebedeŋ Achor (ndutuhɔ), tutu osim mfin emi.

JOSHUA 8:23

Ndien mmɔ emum ɔbɔŋ Ai ye uwem, enyuŋ emen enye esɔk Joshua.