JOSHUA 8:2 - Edisana ñwed Abasi Ibom

² ndien afo eyenam Ai ye ɔbɔŋ esie, kpa nte akanamde Jericho ye ɔbɔŋ esie: edi mbufo ebume ŋkpɔ esie, ye ufene esie, eda ke idem mbufo: nim mbon-udibe ke edem obio.

JOSHUA 8:2 ပူးပေါင်းရင်းမြစ်များ

2 CHRONICLES 13:13

Edi Jeroboam anam mbon-ekɔŋ ekabare eda ke edem mmɔ ke ndibe: ntre ke mmɔ edu Judah ke iso, mbon-udibe enyuŋ edu mmɔ ke edem.

2 CHRONICLES 20:22

Ekem adaŋemi mmɔ etɔŋɔde ikwɔ ye itoro, Jehovah anam mbon-udibe ebine nditɔ Ammon, ye Moab, ye eke obot Seir, emi ekedide ekɔŋ ye Judah; ndien mmɔ esuana.

ŊWED MME PSALM 39:6

Owo asasaŋa kpasuk nte ukpɔŋ: mmɔ enam afanikɔŋ edian idem mmɔ ke kpasuk ibifik: enye obok ŋkpɔ onim, ndien ifiɔkke owo eke editaŋde.

MME ŊKE 13:22

Eti owo ada akpa ɔnɔ nditɔ-nditɔ: inyene idiɔk owo onyuŋ ana ɔnɔ eti owo.

MME ŊKE 28:20

Owo akpanikɔ okut ediwak ufɔn: edi owo eke ɔkɔde wowo inyene idibɔhɔke ufen.

JEREMIAH 17:11

Kpa nte nduduɔk ɔkubɔde nsen, ndien mibotke; kpa ntre ke owo eke ɔkɔde inyene ke usuŋ eke minenke, edikpɔŋ mmɔ ke ufɔt mme usen esie, ndien ke utit esie enye eyekabare edi ndisime.

JEREMIAH 51:12

Mbufo emenere banner ke ibibene Babylon, enam mme itie-ukpeme esɔŋ, enim owo eke ekpemede, etim mbon-udibe: koro Jehovah amaduak omonyuŋ anam se enye ɔkɔdɔhɔde abaŋa, mme andiduŋ Babylon.

DEUTERONOMY 2:35

edi nnyin ibume ufene ida ke idem nnyin ye mbume obio oro ikadade.

DEUTERONOMY 20:14

edi ama edi iban, ye nditɔwɔŋ, ye ufene, ye kpukpru se idude ke obio, kpa ofuri mbume esie, bume mmɔ da ke idem fo; afo eyenyuŋ adia mbume mme asua fo eke Jehovah Abasi fo ɔnɔde fi.

DEUTERONOMY 3:2

Ndien Jehovah ɔdɔhɔ mi, ete, Kubak enye: koro mmɔŋ ndida enye, ye kpukpru ikɔt esie, ye isɔŋ esie nsin fi ke ubɔk; ndien afo eyenam enye, kpa nte akanamde Sihon ɔbɔŋ mme Amorite, emi oduŋde ke Heshbon.

JOSHUA 10:1

EDIKEM ke adaŋemi Adoni-zedek ɔbɔŋ Jerusalem okopde nte Joshua akadade Ai, okonyuŋ osobode enye; kpa nte enye akanamde Jericho ye ɔbɔŋ esie, kpa ntre ke enye anam Ai ye ɔbɔŋ esie; nte mme andiduŋ Gibeon ekenyuŋ emanade iman ye Israel, enyuŋ edu ke otu mmɔ; ndik anam mmɔ eti-eti:

JOSHUA 10:28

Ndien Joshua ada Makkedah ke usen oro, enyuŋ osobo enye ke iso ofut, ndien enye owot ɔbɔŋ mmɔ, kpa mmɔ, ye kpukpru owo emi edude ke esit; enye isuhɔke baba kiet; ntre ke enye anam ɔbɔŋ Makkedah kpa nte akanamde ɔbɔŋ Jericho.

JOSHUA 11:14

Ndien nditɔ Israel ebume kpukpru mbume obio oro ye ufene, eda ke idem mmɔ; edi mmɔ ewot kpukpru owo ke iso ofut, tutu esobo mmɔ, isuhɔke baba ŋkpɔ kiet eke ɔduɔkde ibifik.

JOSHUA 6:21

Ndien mmɔ eda iso ofut esobo kpukpru se idude ke obio, ɔtɔŋɔde ke eren tutu osim ŋwan, ɔtɔŋɔde ke eyenɔwɔŋ tutu osim mbiowo, ye enaŋ, ye ŋkpri ufene, ye mme ass.

JOSHUA 8:12

Ndien enye ada tɔsin owo ition onim ke itie udibe ke ufɔt Bethel ye Ai, ke edem obio emi utin osopde.

JOSHUA 8:14

Edikem adaŋemi ɔbɔŋ Ai okutde, mmɔ ewara ebak edaha ke enyɔŋ, ndien mbio-obio ewɔŋɔ ndidi ekɔŋ ye Israel, enye ye kpukpru ikɔt esie, ke ɔtɔ emi esiakde, ke iso una-isɔŋ; edi enye ifiɔkke ete ke mbon-udibe ena do ebet enye ke edem obio.

JOSHUA 8:19

Ndien mbon-udibe ewara eto ke itie mmɔ, efeŋe ke ini enye anyande ubɔk esie, ekeduk obio, enyuŋ eda enye, ndien ewara ekim ikaŋ ke obio.

JOSHUA 8:24

Edikem adaŋemi Israel ema ekewot kpukpru mme andiduŋ Ai ema ke iŋwaŋ, ye ke ikɔt eke ebinede mmɔ ke esit, ndien adaŋemi kpukpru mmɔ eduɔŋɔde ke iso ofut, tutu esobo mmɔ ema, ndien ofuri Israel efiak edem eka Ai, ekebiat enye ke iso ofut.

JOSHUA 8:3

Edikem Joshua adaha ke enyɔŋ ye kpukpru mbon-ekɔŋ, onyuŋ ɔdɔk aka Ai: ndien Joshua emek tɔsin mbon uko edip ye duop, ɔdɔŋ mmɔ eka ke okoneyo.

JOSHUA 8:7

Ndien mbufo edaha ke itie udibe, ekeda obio: Jehovah Abasi mbufo eyenyuŋ ada enye ɔnɔ mbufo ke ubɔk.

JOSHUA 8:8

Ndien ama ekem, adaŋemi mbufo ema ekeda obio, mbufo efɔp obio ke ikaŋ: mbufo enam ke uyo Jehovah.

JOSHUA 8:9

Sese, mmowuk mbufo. Ekem Joshua ɔdɔŋ mmɔ utom: ndien mmɔ eka ke itie udibe, ndien mmɔ etie ke ufɔt Bethel ye Ai, ke edem Ai emi utin osopde: Joshua onyuŋ ana ke otu mbon ekɔŋ ke okoneyo oro.

JOSHUA 9:3

Ekem ke ini mme andiduŋ Gibeon ekopde se Joshua akanamde Jericho ye Ai,