JOSHUA 7:21 - Edisana ñwed Abasi Ibom

²¹ ke adaŋa emi ŋkutde eti ekura Shinar kiet, ye shekel silver ikie iba, ye edeme o gold kiet, emi udobi esie edide shekel aba ye duop, ke otu ŋkpɔ mbume, nsin mmɔ esit mi ke esit, nnyuŋ nda mmɔ; ndien sese, mmɔ ebuhɔ ke isɔŋ ke ufɔt tent mi, silver onyuŋ edu ke idak.

JOSHUA 7:21 ပူးပေါင်းရင်းမြစ်များ

GENESIS 10:10

Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

GENESIS 3:6

Ekem ŋwan okut nte eto oro ɔfɔnde ke udia, nte onyuŋ eyede ke enyin, nte eto onyuŋ enemde ndise, ndien enye ada mfri esie adia; onyuŋ ɔnɔ ebe esie ŋko, ndien enye adia.

GENESIS 34:27

Nditɔ Jacob edi ke ɔtɔ mme akpa mkpa, edibume kpukpru ŋkpɔ obio, koro ema ekebiat eyen-ete

GENESIS 6:2

enyuŋ emanade enɔ mmɔ, ndien nditɔ-iren Abasi ekut ndito-iban owo nte eyede, ndien mmɔ eda iban kpukpru eke mmɔ emekde edɔ.

2 SAMUEL 11:2

Edikem ke ini mbubreyo kiet, David adaha ke bed esie, asaŋa ke enyɔŋ ufɔk edidem: ndien enye ada ke enyɔŋ ufɔk okut ŋwan kiet nte eyerede mmɔŋ: ŋwan oro onyuŋ eye idem eti-eti.

2 NDIDEM 7:8

Ekem adaŋemi mbon-akpa oro ekesimde utit nna, mmɔ eduk ke tent kiet, ekedia ŋkpɔ, enyuŋ eŋwɔŋ, ndien eda silver, ye gold, ye edisine-ŋkpɔ do, ebiom eka ekedip; ndien mmɔ efiak ekeduk ke tent efen, enyuŋ etaŋ ŋkpɔ do eka ekedip.

ŊWED JOB 31:1

MMODIOMI ediomi ye enyin mi; nnam didie, ndien, ntiŋ enyin eyen-aŋwan ke idem?

ŊWED MME PSALM 119:37

Kabare mi enyin fep ŋkukut nsu-usn ŋkpɔ; da usuŋ fo nim mi uwem.

EXODUS 20:17

Kuyom ufɔk mbɔhiduŋ fo; kuyom ŋwan mbɔhiduŋ fo, ye ofin eren esie, ye ofin aŋwan esie, ye enaŋ esie, ye ass esie, ye ŋkpɔ ekededi eke enyenede mbɔhiduŋ fo.

MME ŊKE 1:19

Mme usuŋ kpukpru mmɔ eke mbume ɔdɔŋde mmɔ, etie ntem; enye (mbume) ɔbɔ andinyene enye uwem.

MME ŊKE 23:31

Kuse wine ke ini enye oyibede, ke enye esemde ke cup, ke enye odukde inem-inem.

MME ŊKE 28:22

Owo idiɔk enyin ɔkɔ wowo inyene: inyuŋ ifiɔkke ite ke unana edisim imɔ.

MME ŊKE 4:23

Tim kpeme esit fo kan kpukpru se ekpemede; koro uwem otode enye.

ISAIAH 28:15

Koro mbufo edɔhɔde, ete, Nnyin imediomi ediomi ye mkpa, inyuŋ isobo esop ye obio ekpo; ke ini ikpa ebede ofuk, idisimke nnyin: koro nnyin inimke nsu ke ebiet ubɔhɔ nnyin, inyuŋ idibede ke abiaŋa.

ISAIAH 29:15

Ɔdɔdiɔk ɔnɔ mmɔ eke ekpɔŋde Jehovah eduk ke ntuŋɔ, ete idip uduak mmimɔ, eke enyuŋ enamde ŋkpɔ mmɔ ke ekim, ndien mmɔ edɔhɔ, ete, Anie owo okut nnyin? anie owo onyuŋ ɔfiɔk nnyin?

HABAKKUK 2:9

Osuk ɔdɔdiɔk ɔnɔ owo eke adiade idiɔk udori ɔnɔ ufɔk esie, onyuŋ emenerede efɔk esie onim ke enyɔŋ:

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

LUKE 12:2

Edi ŋkpɔ iduhe eke efukde fuk, eke midiyarakere; ŋkpɔ inyuŋ iduhe eke edipde dip, eke owo midifiɔkke.

ŊWED MBON EPHESUS 5:3

Edi ama edi use, ye kpukpru mbubiam ido, mme erisin esit ke ŋkpɔ owo, ekuyak etiŋ ebaŋa ŋkpɔ oro ke otu mbufo, nte odotde ikɔt Abasi.

ŊWED MBON EPHESUS 5:5

Koro mbufo emetim efiɔk emi, ete baba anam use kiet, mme anam mbubiam ido, mme esin esit ke ŋkpɔ owo, emi edide okpono ndem, inyeneke udeme ke Obio Ubɔŋ Christ ye Abasi.

DEUTERONOMY 7:25

Mbufo eda edisɔi ŋkpɔ mbiet mme abasi mmɔ efɔp ke ikaŋ: kuyom silver ye gold eke ɔfuhɔde mmɔ ke idem, kunyuŋ uda enye ke idem fo, mbak enye edisin afia amia fi: koro Jehovah Abasi fo esede enye ke ŋkpɔ mbubiam.

ŊWED MBON COLOSSAE 3:5

Mmɔdo ewot mbak idem mbufo emi edude ke isɔŋ. Ekpɔŋ use, ye ndek-ndek ido, ye idiɔk udɔŋ, ye idiɔk itɔŋ, ye erisin esit ke ŋkpɔ owo, emi edide ukpono-ndem;

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.

JAMES 1:15

Ekem idiɔk udɔŋ ama oyomo, aman idiɔk-ŋkpɔ; idiɔk-ŋkpɔ ama ɔkɔkɔri, osioŋo mkpa.

JOSHUA 7:20

Ndien Achan ɔbɔrɔ Joshua, ete, Kakpan ke ami ndue Jehovah, Abasi Israel, mma nnyuŋ nnam ntem ye ntem:

JOSHUA 7:22

Ndien Joshua ɔdɔŋ mme isuŋ-utom, ndien mmɔ efeŋe eka tent esie; ndien, sese, ŋkpɔ oro ebuhɔ ke ufɔt tent esie, silver onyuŋ odu mmɔ ke idak.

2 PETER 2:15

Mmɔ ekpɔŋ edinen usuŋ ediyo ebine afaŋ Balaam eyen Beor, emi akamade utip ukwaŋido;