JOSHUA 7:19 - Edisana ñwed Abasi Ibom

¹⁹ Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.

JOSHUA 7:19 ပူးပေါင်းရင်းမြစ်များ

2 NDIDEM 20:15

Ndien enye obup, ete, Mmɔ ekekut nso ke ufɔk fo? Ndien Hezekiah ɔbɔrɔ, ete, Mmɔ ekekut kpukpru se idude ke ufɔk mi: baba ŋkpɔ kiet eke mmeŋkowutke mmɔ iduhe ke ebiet unim-ŋkpɔ mi.

2 CHRONICLES 30:22

Ndien Hezekiah ɔdɔhɔ ufan-ufan ye kpukpru mme Levite eke etimde efiɔk eti ifiɔk ŋkpɔ Jehovah: ndien mmɔ edia usɔrɔ ke usen itiaba, ewa uwa ekɔm, enyuŋ etoro Jehovah Abasi mme ete mmɔ.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

ŊWED MME PSALM 51:3

Koro mmɔfiɔk ndudue mi: idiɔk ido mi onyuŋ odu mi ke iso kpu-kpru ini.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ISAIAH 13:12

Nyesin owo ɔsɔŋ urua akan gold, nsin owo akan gold Ophir.

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

LUKE 17:18

Nte owo baba kiet iduhe ndifiak nditoro Abasi, ke mibɔhɔke esen owo emi?

JOHN 9:24

Ntre ke mme Jew etɔŋɔ ntak ekot owo oro ekedide nnan, ete enye, Men ubɔŋ nɔ Abasi; nnyin imɔfiɔk ite owo emi edi anam-idiɔk.

ŊWED MBON ROME 10:10

koro owo ada esit onim ke akpanikɔ enyene edinen ido; onyuŋ ada inua onyime enyene erinyaŋa.

2 ŊWED TIMOTHY 2:25

enye onyuŋ enyene ndida ata nsuk-esit nnam mmɔ emi ebiɔŋɔde eneŋere esaŋa; mme eyeto do Abasi anam mmɔ ekabare esit enyene ifiɔk akpanikɔ,

TITUS 2:2

Kpep ŋkani owo ete efara ke idem, etie uku-uku, enyene eti ibuot, enyuŋ ekop idem ke mbuɔtidem, ye ima, ye ime.

JAMES 1:20

koro iyaresit owo miwɔrɔke edinen ido Abasi.

JOSHUA 7:20

Ndien Achan ɔbɔrɔ Joshua, ete, Kakpan ke ami ndue Jehovah, Abasi Israel, mma nnyuŋ nnam ntem ye ntem:

ERIYARARE 16:9

Akwa ufiop onyuŋ ɔfɔp owo; ndien mmɔ esuŋi enyiŋ Abasi emi enyenede odudu ndida mme ufen oro mmia owo; inyuŋ ikabakere esit inɔ Enye ubɔŋ.

1 SAMUEL 14:43

Ndien Saul ɔdɔhɔ Jonathan, ete, Sian mi se afo akanamde. Ndien Jonathan asian enye, ete, Ŋkada iso eto emi odude mi ke ubɔk ntabi aran-ɔkwɔk esisit. Sese, ami mmɔŋ ŋkpa.

1 SAMUEL 6:5

Mbufo enam ndien mbiet akpasak mbufo, ye mbiet usine mbufo emi ebiatde isɔŋ; ntre ke mbufo edikpono Abasi Israel: mme enye eyesuk ubɔk esiemɔ odorore mbufo ke idem, ye ke idem mme abasi mbufo, ye ke isɔŋ mbufo.