JOSHUA 6:5 - Edisana ñwed Abasi Ibom

⁵ Ndien ama ekem, adaŋemi efuride obukpoŋ, ke mbufo ekopde uyo ukorowo oro, yak kpukpru owo efiori akamba mfiori; ndien ibibene obio eyeduɔ ke itie esiemɔ, ndien yak kpukpru owo eneŋere iso edɔk.

JOSHUA 6:5 ပူးပေါင်းရင်းမြစ်များ

EXODUS 19:19

Ekem ke uyo ukorowo ɔdiɔŋde ɔsɔŋ eti eti, Moses ɔdɔhɔ, ndien Abasi ada uyo ɔbɔrɔ enye.

ISAIAH 25:12

Enye onyuŋ ɔduɔk ɔkpɔsɔŋ ye ŋkokoŋo ibibene fo, ɔsuhɔre adian ke isɔŋ kpa ntan-isɔŋ.

ISAIAH 30:25

Ndien ke kpukpru ikpɔ obot, ye ke kpukpru edikoŋ obot, ke akpa ye idim mmɔŋ edidu ke usen akwa obom, ke mme tower eduɔŋɔde.

JEREMIAH 50:15

Mbufo efiori ekan enye ekuk: enye ɔkɔŋɔ mfaŋ; se enye eberede ke esit ɔmɔduɔ, ibibene esie emewure: koro edide usiene Jehovah; mbufo esio usiene ye enye; enam ye enye kpa nte enye akanamde.

MME HEBREW 11:30

Oto mbuɔtidem ibibene Jericho owure, ke nditɔ Israel ema ekanare enye ekuk usen itiaba.

JOSHUA 6:16

Ekem ke ɔyɔhɔ utim ikatiaba, mme oku efuri obukpoŋ, ndien Joshua ɔdɔhɔ kpukpru owo, ete, Mbufo efiori: koro Jehovah amada obio ɔnɔ mbufo.

JOSHUA 6:20

Ndien kpukpru owo efiori, mmɔ enyuŋ efuri mme obukpoŋ; ndien edikem, ke ini kpukpru owo ekopde uyo obukpoŋ, mmɔ efiori akamba mfiori, ndien ibibene ɔduɔ ke itie esiemɔ, ndien kpukpru owo kiet kiet eneŋere iso edɔk eduk ke obio, ndien mmɔ eda obio.

JOSHUA 6:4

Ndien yak oku itiaba ebiom obukpoŋ itiaba ebem ekebe iso; ndien ke ɔyɔhɔ usen itiaba, mbufo ekan obio ekuk utim ikatiaba, mme oku enyuŋ efuri obukpoŋ.

JOSHUA 6:6

Ekem Joshua eyen Nun okot mme oku, onyuŋ ɔdɔhɔ mmɔ ete, Mbufo emen ekebe ediomi, oku itiaba enyuŋ ekama obukpoŋ itiaba ebem ekebe Jehovah iso.

JUDGES 20:37

Ndien mbon-udibe ewara ebumere eduk ke Gibeah; ndien mbon-udibe esaŋa eka ekesuan ofuri obio ke iso ofut.

1 SAMUEL 17:20

Ndien David abak edemere ke usenubɔk, ayak ŋkpri ufene ɔnɔ owo eke ekpemede, ndien emen ŋkpɔ oro asaŋa, nte Jesse ɔkɔdɔhɔde enye: ndien ke ini enye osimde ebiet ukpat-ŋkpɔ, mbon ekɔŋ ewɔŋɔ eduk ke mme udim,enyuŋ esio mkpo ekɔŋ.

1 SAMUEL 17:52

Ndien nditɔ Israel ye Judah edaha ke enyɔŋ ekpɔk ukube, enyuŋ ebine mme Philistine, tutu esim ke itihere ye ke inua-otop Ekron. Ndien mme Philistine emi mmɔ ewotde eduɔŋɔ ke usuŋ Shaaraim, tutu osim ke Gath ye Ekron.

1 SAMUEL 4:5

Edikem adaŋemi ekebe Jehovah osimde nna-ekɔŋ, ofuri Israel efiori akwa mkpo, ndien isɔŋ enyek.