JOSHUA 6:27 - Edisana ñwed Abasi Ibom

²⁷ Ndien Jehovah odu ye Joshua; ndien etop esie asuana ke ofuri idut.

JOSHUA 6:27 ပူးပေါင်းရင်းမြစ်များ

GENESIS 39:21

Edi Jehovah odu ye Joseph, onyuŋ esin ema enye, onyuŋ anam ete ufɔk ukpeme ɔfɔn ye

2 SAMUEL 7:9

mma nnyuŋ ndu ye afo ke kpukpru ebiet emi afo akade, nnyuŋ nsibe kpukpru mme asua fo mfep ke iso fo, nnyuŋ nnam akamba enyiŋ nnɔ fi, eke ebietde enyiŋ ikpɔ owo emi ekedude ke ererimbot.

1 CHRONICLES 14:17

Ndien enyiŋ David asuana ke kpukpru mme idut: Jehovah onyuŋ anam kpukpru mme idut ebak enye.

ESTHER 9:4

Koro Mordecai okponde ke ufɔk edidem, etop esie onyuŋ ɔwɔrɔde osim kpukpru mme province: koro Mordecai emi ɔdiɔŋde diɔŋ okpon aka iso.

MATTHEW 14:1

KE iduɔk ini oro Herod tetrarch okop etop Jesus.

MATTHEW 18:20

Koro ɔtɔ nte owo iba mme ita esopde idem ke enyiŋ Mi, do ke ndodu ke ufɔt mmɔ.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

2 ŊWED CORINTH 13:14

Mfɔn Ɔbɔŋ Jesus Christ, ye ima Abasi, ye nsaŋa Edisana Spirit, akpakam odu ye mbufo kpukpru.

DEUTERONOMY 31:6

Mbufo esɔŋɔ idem, enyuŋ enyene esit, ekudikhe, ekunyuŋ ebak mmɔ: koro edi Jehovah Abasi fo asaŋa ye afo: enye idikpɔŋke fi, idinyuŋ iduɔkke fi.

2 ŊWED TIMOTHY 4:17

Edi Ɔbɔŋ adada mi ke ŋkaŋ, ɔsɔŋɔ mi esit nditiŋ ikɔ gospel ɔyɔhɔ-ɔyɔhɔ, man kpukpru mme Gentile ekop: ntem ke Enye anyaŋa mi osio ke inua lion.

2 ŊWED TIMOTHY 4:22

Ɔbɔŋ akpakam odu ye spirit fo. Mfɔn akpakam odu ye mbufo.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JOSHUA 9:1

EDIKEM adaŋemi kpukpru mbɔŋ eke edude ke edem Jordan emi, ke ikpɔ obot, ye ke una-isɔŋ edem inyaŋ, ye ke ofuri mben akwa inyaŋ, ekem ye Lebanon, kpa mme Hittite, ye mme Amorite, ye mme Canaanite, ye mme Perizzite, ye mme Hivite,

JOSHUA 9:3

Ekem ke ini mme andiduŋ Gibeon ekopde se Joshua akanamde Jericho ye Ai,

JOSHUA 9:9

Ndien mmɔ edɔhɔ enye, ete, Nnyin ikɔt fo imeto ke ata anyan idut idi, ibaŋa enyiŋ Jehovah Abasi fo: koro nnyin ikokopde etop esie, ye kpukpru se enye akanamde ke Egypt,

JUDGES 1:19

Ndien Jehovah odu ye Judah; ndien enye ada edem obot enyene; koro enye mikwe nte osioŋode mme andiduŋ itihere efep, koro mmɔ enyenede chariot ukwak.

1 SAMUEL 18:14

David onyuŋ okut unen ke kpukpru usuŋ esie; Jehovah onyuŋ odu ye enye.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.