JOSHUA 6:2 - Edisana ñwed Abasi Ibom

² Ndien Jehovah ɔdɔhɔ Joshua, ete, Sese, nda Jericho, ye ɔbɔŋ esie, mbon uko oro, nsin fi ke ubɔk.

JOSHUA 6:2 ပူးပေါင်းရင်းမြစ်များ

2 SAMUEL 5:19

Ndien David obup Jehovah, ete, Nte ndɔk ŋka ekɔŋ ye mme Philistine? Nte afo edida mmɔ esin mi ke ubɔk? Ndien Jehovah ɔdɔhɔ David, ete, Dɔk: koro mmenditreke ndida mme Philistine nsin fi ke ubɔk.

NEHEMIAH 9:24

Ntre ke nditɔ mmɔ eduk ekeda isɔŋ emi, afo onyuŋ ɔsuhɔre mme andiduŋ isɔŋ, kpa mme Canaanite, ke iso mmɔ, onyuŋ ada mmɔ esin mmɔ ke ubɔk, ye ndidem mmɔ, ye mbio isɔŋ, ete enam mmɔ kpa nte emade.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

DEUTERONOMY 7:24

Enye eyenyuŋ emen mbɔŋ mmɔ esin fi ke ubɔk, ndien afo eyesobo enyiŋ mmɔ efep ke idak enyɔŋ: baba owo kiet idikemeke ndida fi ke iso, tutu afo asuan mmɔ.

JOSHUA 12:9

ɔbɔŋ Jericho, kiet; ɔbɔŋ Ai, emi ekperede Beth-el,

JOSHUA 2:24

enyuŋ edɔhɔ Joshua, ete, Ke akpanikɔ ke Jehovah amada ofuri isɔŋ emi ɔnɔ nnyin ke ubɔk; nsia onyuŋ oyomo kpukpru mme andiduŋ isɔŋ emi abaŋa nnyin.

JOSHUA 2:9

Ndien enye ɔdɔhɔ mmɔ oro, ete, Mmɔfiɔk nte Jehovah ada isɔŋ emi ɔnɔ mbufo, nte ndik mbufo onyuŋ ɔduɔ nnyin ke idem, nsia onyuŋ oyomo kpukpru mme andiduŋ isɔŋ emi abaŋa mbufo.

JOSHUA 20:1

NDIEN Jehovah ɔdɔhɔ Joshua, ete, Dɔhɔ nditɔ Israel, ete,

JOSHUA 6:1

(NDIEN Jericho etim esin usuŋ obio ebak nditɔ Israel: baba owo kiet idukke, baba owo kiet inyuŋ iwɔrɔke.)

JOSHUA 6:3

Kpukpru mbufo mbon-ekɔŋ, ndien, ekan obio ekuk, esaŋa ekanade obio ini kiet. Enam ntem ke ofuri usen itiokiet.

JOSHUA 8:1

NDIEN Jehovah ɔdɔhɔ Joshua, ete, Kudikhe, kunyuŋ uyak esit ɔduɔ fi: nam kpukpru mbon ekɔŋ esaŋa ye afo, ndien daha ke enyɔŋ dɔk ke Ai; sese, nda ɔbɔŋ Ai, ye ikɔt esie, ye obio esie, ye isɔŋ esie, nsin fi ke ubɔk:

JUDGES 11:21

Ndien Jehovah Abasi Israel ada Sihon ye kpukpru ikɔt esie esin Israel ke ubɔk, ndien mmɔ esuan mmɔ: ntem ke Israel ekeda ofuri isɔŋ mme Amorite emi eduŋde ke edem oro.

JUDGES 11:24

Nte afo udaha se Chemosh abasi fo ɔnɔde fi enyene? Ntre ke nnyin idida kpukpru se Jehovah Abasi nnyin ebinde ke iso nnyin efep.