JOSHUA 6:18 - Edisana ñwed Abasi Ibom

¹⁸ Edi mbufo ekpeme ŋkpɔ nsobo, mbak editre ndisobo, enyuŋ eda nkpɔ nsobo, ndien enam nna Israel akabare edi ŋkpɔ nsobo enyuŋ etuhɔ enye.

JOSHUA 6:18 ပူးပေါင်းရင်းမြစ်များ

2 SAMUEL 21:1

NDIEN akaŋ odu ke ini David ke ofuri isua ita, ke isua, ke isua; ndien David oyom iso Jehovah. Ndien Jehovah ɔdɔhɔ ete, Oto Saul ye ufɔk iyip esie, koro enye okowotde mme Gibeonite.

ECCLESIASTES 9:18

Eti ibuot ɔfɔn akan ŋkpɔ-ekɔŋ, ndien anam-idiɔk kiet abiat ediwak nti ŋkpɔ.

JONAH 1:12

Ndien enye ɔbɔrɔ mmɔ, ete, Mbufo emen mi etop ke inyaŋ, ndien inyaŋ eye-suhɔ ɔnɔ mbufo: koro ami mmɔfiɔk nte ke akamba oyobio emi anam mbufo abaŋa mi.

ŊWED MBON ROME 12:9

Eyak ima okusaŋa ke mbubik. Esua se idiɔkde; eyire se ifɔnde.

2 ŊWED CORINTH 6:17

Mmɔdo, Jehovah ɔnɔ uyo ete, Ewɔŋɔ ke otu mmɔ, enyuŋ edianare eda. Ekunyuŋ etuk ŋkpɔ ndek baba kiet; Ndien nyedara mbufo,

ŊWED MBON EPHESUS 5:11

Ekunyene mbubehe ye mme utom ekim eke miŋwumke mfri, edi ekam eda mmɔ ewɔrɔ ke uŋwana:

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 23:10

Ke adaŋemi owo eke edehede abaŋa ŋkpɔ eke otibede ke okoneyo odude ke otu fo, yak enye ɔwɔrɔ aka edem nna, okuduk ke esit nna:

DEUTERONOMY 7:26

Kunyuŋ uda ŋkpɔ mbubiam uduk ke ufɔk fo, mbak afo edikabare edi ŋkpɔ nsobo ebiet enye: kam sasua enye, nyuŋ bat enye ke ŋkpɔ mbubiam: koro enye edide ŋkpɔ nsobo.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

JOSHUA 7:1

EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

JOSHUA 7:13

Daha ke enyɔŋ, nam kpukpru owo esana, nyuŋ dɔhɔ mmɔ, ete, Mbufo enam idem mbufo esana ebeŋe mkpɔŋ: koro ntem ke Jehovah Abasi Israel ɔdɔhɔ ete, Nkpɔ nsobo mmɔdo ke otu mbufo, O Israel; mbufo idikwe nte edada ke iso mme asua mbufo, tutu esio ŋkpɔ nsobo ke otu mbufo efep.

JOSHUA 7:15

Ndien ama ekem, yak eda owo emi edimumde enye ŋkpɔ nsobo ke ubɔk, efɔp ke ikaŋ ye kpukpru se enye enyenede: koro enye ama abiat ediomi Jehovah: koro enye ama onyuŋ anam oburobut ido ke Israel.

JOSHUA 7:25

Ndien Joshua ɔdɔhɔ ete, Nsinam afo ɔkɔtuhɔrede nnyin? Jehovah eyetuhɔ fi mfin emi. Ndien ofuri Israel etɔŋɔ enye ke itiat, enyuŋ efɔp mmɔ ke ikaŋ, enyuŋ etomo itiat efuk mmɔ.

1 JOHN 5:21

Ŋkpri nditɔ mi, ekpeme idem ke ndem.

1 SAMUEL 15:9

Ndien Saul ye kpukpru owo eyak Agag, ye ŋkpri ufene, ye enaŋ eke edide nti, ye eke oruk efen, ye nditɔ-erɔŋ, ye kpukpru se ifɔnde, inyuŋ inyimeke ndisobo mmɔ: edi mmɔ esobo kpukpru ufene eke edide mbukkpo ye mfum-mfum.