JOSHUA 6:17 - Edisana ñwed Abasi Ibom

¹⁷ Ndien yak enim obio ye kpukpru se idude ke esit ke ŋkpɔ nsobo enɔ Jehovah: edi Rahab akpara edidu uwem, ye kpukpru mmɔ eke edude ye enye ke ufɔk esie: koro enye okodipde mme isuŋ utom oro nnyin ikedɔŋde utom.

JOSHUA 6:17 ပူးပေါင်းရင်းမြစ်များ

GENESIS 12:3

nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.

EZRA 10:8

ndien iyedia kpukpru inyene owo ekededi eke mididige ke usen ita, ke item mbɔŋ ye eke mbiowo, inyuŋ idianare enye ifep ke esop mbon ntaŋmfep.

ISAIAH 34:6

Jehovah emenyene ofut, enye ɔmɔyuhɔ iyip, emeyere aran ikpɔŋ-unam, ke iyip nditɔ-erɔŋ ye eke okpo ebot, ke aran ekput okukim: koro Jehovah enyenede uwa ke Bozarah, ye akamba eriwot ke isɔŋ Edom.

JEREMIAH 46:10

Koro mfin emi enyenede Ɔbɔŋ Jehovah mme udim, usen usiene eke enye osiode usiene ye mme asua esie: ndien ofut eyedia ɔyuhɔ, onyuŋ ɔŋwɔŋ iyip mmɔ ɔyuhɔ: koro Ɔbɔŋ Jehovah mme udim oninim uwa ke edem edere, ke mben akpa euphrates.

EZEKIEL 39:17

Ndien afo eyen owo, ntem ke Ɔbɔŋ Jehovah ɔdɔhɔ ete, Dɔhɔ inuen kpukpru oruk mba, ye kpukpru mme unam ikɔt, ete, Mbufo esop idem enyuŋ edi; eto ke ŋkan-ŋkuk ebono ke ebiet uwa eke ami ŋwade nnɔ mbufo, kpa akamba uwa ke enyɔŋ ikpɔ obot Israel, ndien mbufo eyeta unam, enyuŋ eŋwɔŋ iyip.

LEVITICUS 27:21

Edi adaŋemi isɔŋ ɔwɔrɔde ke jubilee, enye eyedi edisana ŋkpɔ ɔnɔ Jehovah, nte isɔŋ emi edianarede (enɔ Jehovah); eyedi se oku adade enyene.

MICAH 4:13

O adiaha Zion, daha ke enyɔŋ, nyuŋ bek: koro nyenam nduk fo edi ukwak, nyenyuŋ nnam ikpat ukot fo edi okpoho: ndien afo eyenuak ediwak mme idut: ndien ami nyenim udori mmɔ nnɔ Jehovah, nyenim inyene mmɔ nnɔ Ɔbɔŋ ofuri ererimbot.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

1 ŊWED CORINTH 16:22

Edieke owo ekededi mimaŋa Ɔbɔŋ, Ɔdɔdiɔk ɔnɔ enye.

1 ŊWED CORINTH 2:7

Edi nnyin itiŋ ifiɔk Abasi ke ndibe-ŋkpɔ, kpa ifiɔk eke okodibede, eke Abasi okonimde ndien edibot mme eyo, ete edi ubɔŋ ɔnɔ nnyin.

ŊWED MBON GALATIA 3:10

Koro kpukpru mmɔ eke erinam utom ibet edu ke idak isuŋi: koro ewetde ete, Ɔdɔdiɔk ɔnɔ kpukpru owo emi miyireke ke kpukpru mme item eke ewetde ke ŋwed ibet, ite inim mmɔ.

ŊWED MBON GALATIA 3:12

Edi ibet isaŋake ŋkpɔ ye mbuɔtidem; edi, Owo eke onimde ibet edida ibet odu uwem.

DEUTERONOMY 20:17

edi sosobo mmɔ tak-tak; mme Hittite, ye mme Amorite, ye mme Canaanite, ye mme Perizzite, ye mme Hivite, ye mme Jebusite; kpa nte Jehovah Abasi fo okowukde fi:

MME HEBREW 11:31

Oto mbuɔtidem Rahab, ŋwan akpara oro, etre nditiene mmɔ oro edide mbon ntut-utɔŋ mbuana ke nsobo, sia enye akadade mbon-uyep esin ke ufɔk ke emem.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

JAMES 2:25

Kpa ntre ŋko, nte ikabatke ite, ikpe etebe Rahab, akpara aŋwan oro, oto ke erinam ŋkpɔ, ke ini enye adade mme isuŋutom esin ke ufɔk, onyuŋ anamde mmɔ esaŋa ke usuŋ eŋwen enyɔŋɔ?

JOSHUA 2:1

NDIEN Joshua eyen Nun etie ke Shittim ɔdɔŋ owo iba uyep ndibe-ndibe, ete, Mbufo eka ekese isɔŋ oro ye Jericho. Ndien mmɔ eka ekeduk ke ufɔk akpara kiet ekere Rahab, ekedaŋ do.

JOSHUA 2:22

Ndien mmɔ eka ekesim obot, enyuŋ etie do ke usen ita, tutu mme andibine efiak edem. Ndien mme andibine eyom mmɔ ke ofuri usuŋ, edi ikwe.

JOSHUA 7:1

EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

1 SAMUEL 15:3

Ka, ndien kasuan Amalek, mbufo enyuŋ esobo kpukpru se mmɔ enyenede, kufen mmɔ: edi wot eren, ye ŋwan, ye eyen-ɔwɔŋ, ye nsek-eyen, ye enaŋ, ye ŋkpri ufene, ye camel, ye ass.

1 SAMUEL 15:6

Ndien Saul ɔdɔhɔ mme Kenite, ete, Mbufo ewɔŋɔ ke otu mme Amalekite esuhɔre, mbak ndisobo fi ye mmɔ: koro mbufo ekefɔnde ido ye kpukpru nditɔ Israel ke ini oro mmɔ etode ke Egypt edɔk. Ntre ke mme Kenite edaŋa ke otu mme Amalekite.