JOSHUA 4:3 - Edisana ñwed Abasi Ibom

³ enyuŋ eteme mmɔ, ete, Mbufo emen itiat duopeba eke ediwukde eda ke ebiet emi ke ufɔt Jordan, ke ɔtɔ emi ukot mme oku etuakde eda, enyuŋ ebiom mmɔ ebe ŋko, ekenim ke ebiet nna eke mbufo edinade do ke okoneyo emi.

JOSHUA 4:3 ပူးပေါင်းရင်းမြစ်များ

GENESIS 28:22

onyuŋ edi Abasi mi: ndien itiat emi ŋwukde ke adaha eyedi ufɔk Abasi: ndien nyesio ubak kiet ke itie duop kpukpru se afo edinɔde mi, nda ntomo fi.

ŊWED MME PSALM 103:2

O ukpɔŋ mi, kɔm Jehovah, kunyuŋ ufre kpukpru nti enɔ esie:

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

LUKE 19:40

Edi Enye ɔbɔrɔ mmɔ ete, Ndɔhɔ mbufo nte, Edieke mme mmɔ emi ekpedopde uyo, mme itiat ekposio mkpo.

JOSHUA 24:27

Ndien Joshua ɔdɔhɔ kpukpru owo, ete, Sese itiat emi eyedi ntiense ke otu nnyin: koro enye omokop kpukpru ikɔ Jehovah, emi enye ɔkɔdɔhɔde nnyin: enye eyedi ntiense ke otu mbufo, mbak mbufo edikaŋ Abasi mbufo.

JOSHUA 3:13

Ndien ama ekem, ke ini ikpat ukot mme oku emi ebiomde ekebe Jehovah ɔbɔŋ ofuri ererimbot, edituakde ada ke mmɔŋ Jordan, mmɔŋ Jordan eyesibe, kpa mmɔŋ emi otode ke edere osuk, eyekpehe ada nte obot kiet.

JOSHUA 4:4

Ndien Joshua okot owo duopeba oro enye okosiode ke otu nditɔ Israel onim, owo kiet ke esien kiet, owo kiet ke esien kiet:

JOSHUA 4:8

Ndien nditɔ Israel enam ntre kpa nte Jehovah eketemede, ndien mmɔ emen itiat duopeba ke ufɔt Jordan, kpa nte Jehovah ɔkɔdɔhɔde Joshua, asaŋa ke ibat mme esien nditɔ Israel, enyuŋ ebiom mmɔ ŋko ebe eka ebiet emi mmɔ enade,

1 SAMUEL 7:12

Ndien Samuel ada itiat owuk ke ufɔt Mizpah ye Shen, ndien osio enye enyiŋ Eben-ezer (itiat uŋwam), ete, Jehovah amanyaŋa nnyin tutu osim emi.