JOSHUA 3:5 - Edisana ñwed Abasi Ibom

⁵ Ndien Joshua ɔdɔhɔ kpukpru owo, ete, Mbufo enam esit mbufo esana: koro mkpɔŋ Jehovah eyenam mme utibe ŋkpɔ ke otu mbufo.

JOSHUA 3:5 ပူးပေါင်းရင်းမြစ်များ

ŊWED JOB 1:5

Edikem ke mme usen udia oro ekanarede ema, Job akam ɔdɔŋ ekekot mmɔ edi, ndien anam mmɔ esana, ndien ke eyo esierede, enye adaha ke enyɔŋ awa edifɔp uwa ke adaŋa ibat kpukpru mmɔ: koro Job ɔdɔhɔde, ete, Mme nditɔ mi ekenam idiɔk enyuŋ ekpɔŋ Abasi ke esit mmɔ. Ntem ke Job akam esinam kpukpru ini.

ŊWED MME PSALM 77:15

Afo amada ubɔk nnasia fo afak ikɔt fo, kpa nditɔ Jacob ye eke Joseph. [Selah.]

ŊWED MME PSALM 86:10

Koro afo omokpon, omonyuŋ anam mme utibeŋkpɔ: afo ikpɔŋ-ikpɔŋ edi Abasi.

JOEL 2:16

Mbufo ebon mbio-obio, enim esop, ebon mme ebiowo, ebon nditɔwɔŋ ye mmɔ eke ewapde eba: yak ɔdɔ-ndɔ oto ke ubet esie ɔwɔrɔ, yak ŋwan ndɔ oto ke bed ndɔ esie.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

LEVITICUS 20:7

Mbufo enyuŋ enam idem mbufo esana, enyuŋ edi edisana: koro ami ndide Jehovah Abasi mbufo.

NUMBERS 11:8

Mmɔ esaŋa ekewobi, enyuŋ eda enye eyut ke itiat, enyuŋ etim enye ke uruŋ, enyuŋ etem enye ke eso, enyuŋ eda enye enam uyo; ndien inem esie ebiet inem uyo enyene aran.

JOHN 17:19

Ndien kabaŋa mmɔ ndianare Idem Mmi nnim nnɔ Fi, man ekpada akpanikɔ edianare mmɔ ŋko enim enɔ Fi.

JOSHUA 3:13

Ndien ama ekem, ke ini ikpat ukot mme oku emi ebiomde ekebe Jehovah ɔbɔŋ ofuri ererimbot, edituakde ada ke mmɔŋ Jordan, mmɔŋ Jordan eyesibe, kpa mmɔŋ emi otode ke edere osuk, eyekpehe ada nte obot kiet.

JOSHUA 3:15

ndien adaŋemi mme andibiom ekebe esimde Jordan, ukot mme oku emi ebiomde ekebe, enyuŋ edebede ke mben mmɔŋ, (koro Jordan ɔyɔhɔde ada ofuri mben ikɔt esie ofuri ini ukpeŋe),

JOSHUA 3:4

edi eyak ufaŋ ana mbufo ke ufɔt ye enye, tɔsin ibio idomo-okuk iba, mbufo ekukpere enye: man efiɔk usuŋ eke edisaŋade ke esit: koro akanam mbufo misaŋake kaŋa ke usuŋ oro ibe.

JOSHUA 3:6

Ndien Joshua ɔdɔhɔ mme oku, ete, Mbufo emen ekebe ediomi, enyuŋ ebem kpukpru owo iso ebe. Ndien mmɔ emen ekebe ediomi, enyuŋ esaŋa kpukpru owo ke iso.

JOSHUA 7:13

Daha ke enyɔŋ, nam kpukpru owo esana, nyuŋ dɔhɔ mmɔ, ete, Mbufo enam idem mbufo esana ebeŋe mkpɔŋ: koro ntem ke Jehovah Abasi Israel ɔdɔhɔ ete, Nkpɔ nsobo mmɔdo ke otu mbufo, O Israel; mbufo idikwe nte edada ke iso mme asua mbufo, tutu esio ŋkpɔ nsobo ke otu mbufo efep.

1 SAMUEL 16:5

Ndien enye ɔbɔrɔ ete, Ke ufan: ndi uwa emem ndiwa nnɔ Jehovah: mbufo enam idem-mbufo esana, enyuŋ etiene mi edi uwa. Enye onyuŋ anam Jesse ye nditɔ-iren esie esana, onyuŋ okot mmɔ edi uwa.