JOSHUA 3:17 - Edisana ñwed Abasi Ibom

¹⁷ Ndien mme oku emi ebiomde ekebe ediomi Jehovah, esɔŋɔ eda ke edisat isɔŋ ke ufɔt Jordan; ndien ofuri Israel esaŋa ke edisat isɔŋ ebe, tutu kpukpru owo ebe Jordan ema.

JOSHUA 3:17 ပူးပေါင်းရင်းမြစ်များ

2 NDIDEM 2:8

Ndien Elijah emen mantle esie, onyuŋ akpaŋ enye, ada oyibi mmɔŋ, ndien mmɔŋ asiaha edem mbiba, ndien mmɔ mbiba esaŋa ke nsatisɔŋ ebe.

ŊWED MME PSALM 66:6

Enye ama akabare akwa mmɔŋ anam asat: mmɔ eda ikpat esaŋa ke akwa mmɔŋ ebe: do ke nnyin idara enye.

EXODUS 14:21

Ndien Moses emenere ubɔk esie ke enyɔŋ inyaŋ; ndien Jehovah anam inyaŋ asaŋa ke ofim ikɔrabak, ke ofuri okoneyo oro, onyuŋ esin inyaŋ asat, ndien mmɔŋ abahare.

EXODUS 14:22

Ndien nditɔ Israel esaŋa ke edisat isɔŋ ke ufɔt inyaŋ ebe ndien mmɔŋ ada mmɔ nte ibibene ke ubɔk nnasia, ye ke ubɔk ufien.

EXODUS 14:29

Edi nditɔ Israel esaŋa ke edisat isɔŋ ke ufɔt inyaŋ ebe; mmɔŋ onyuŋ ada mmɔ nte ibibene ke ubɔk nnasia ye ke ubɔk ufien.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

NUMBERS 33:51

Dɔhɔ ye nditɔ Israel! nyuŋ tiŋ nɔ mmɔ, ete, ke adaŋemi mbufo ema ekebe Jordan eduk ke isɔŋ Canaan;

MME HEBREW 11:29

Oto mbuɔtidem mmɔ esaŋa ke Ididuot Inyaŋ ebe, nte owo ebe ke edisat isɔŋ; ndien, ke ini mbon Egypt edomode ndinam kpasuk ntre, mmɔ esomo ke mmɔŋ.

JOSHUA 4:1

EDIKEM adaŋemi kpukpru owo ema ekebe Jordan ema,

JOSHUA 4:10

Ndien mme oku emi ebiomde ekebe eda ke ufɔt Jordan, tutu mmɔ ema kpukpru ŋkpɔ emi Jehovah eketemede Joshua, ete etiŋ ɔnɔ mbon oro, ekem ye kpukpru se Moses eketemede Joshua: ndien mmɔ esɔp ukot ebe.

JOSHUA 4:11

Ekem adaŋemi kpukpru owo ema ekebe ema, ekebe Jehovah, ye mme oku, ebe ke enyin kpukpru owo.

JOSHUA 4:22

Nsidi mme itiat emi? Ndien mbufo edisian nditɔ mbufo, ete, Israel akasaŋa ke edisat isɔŋ ebe Jordan emi.

JOSHUA 4:3

enyuŋ eteme mmɔ, ete, Mbufo emen itiat duopeba eke ediwukde eda ke ebiet emi ke ufɔt Jordan, ke ɔtɔ emi ukot mme oku etuakde eda, enyuŋ ebiom mmɔ ebe ŋko, ekenim ke ebiet nna eke mbufo edinade do ke okoneyo emi.

JOSHUA 5:1

EDIKEM, adaŋemi kpukpru mbɔŋ mme Amorite, emi edude ke edem usop-utin Jordan, ye kpukpru mbɔŋ mme Canaanite, emi edude ke mben inyaŋ, ekopde nte Jehovah akanamde mmɔŋ Jordan asat ke iso nditɔ Israel, tutu nnyin ibe, ndien nsia oyomo mmɔ, uko onyuŋ okure mmɔ ke idem, abaŋa nditɔ Israel.