JOSHUA 3:15 - Edisana ñwed Abasi Ibom

¹⁵ ndien adaŋemi mme andibiom ekebe esimde Jordan, ukot mme oku emi ebiomde ekebe, enyuŋ edebede ke mben mmɔŋ, (koro Jordan ɔyɔhɔde ada ofuri mben ikɔt esie ofuri ini ukpeŋe),

JOSHUA 3:15 ပူးပေါင်းရင်းမြစ်များ

2 NDIDEM 2:6

Ndien Elijah ɔdɔhɔ enye, ete, mbɔk, tie mi; koro Jehovah ɔdɔŋde mi ŋkake Jordan. Ndien enye ɔdɔhɔ ete, Ma uwem Jehovah, ye uwem ukpɔŋ fo, ndikpɔŋke fi. Ndien mmɔ mbiba esaŋa.

1 CHRONICLES 12:15

Edi mme mmɔ emi ekebe Jordan ke akpa ɔfiɔŋ, ke ini enye ɔyɔhɔde ada mben esie kpukpru; mmɔ enyuŋ esuan mme andiduŋ mme itihere, ke edem usiaha-utin, ye ke edem usop-utin.

1 CHRONICLES 12:16

Ndusuk nditɔ Benjamin ye Judah enyuŋ etiene David ke ɔkpɔsɔŋ ebiet oro.

ISAIAH 26:6

Ukot eyedigi enye, kpa ukot mbon ukut, ye ikpat mme ubuene.

JEREMIAH 12:5

Koro afo ekefehede mbuba ye mme asaŋa ukot, ndien mmɔ enam fi akpa mba, afo edinam didie ndien amia ata ye horse? Ndien afo edue idem ke isɔŋ emem, edi edinam didie ke iseri Jordan?

JEREMIAH 49:19

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade ke iso mi?

NAHUM 1:4

Enye aduari inyaŋ ibom, onyuŋ anam enye asat, onyuŋ anam mmɔŋ okure ke kpukpru mme akpa: Bashan eyemere ye Carmel ŋko, nsehe Lebanon onyuŋ eyemere.

JOSHUA 3:13

Ndien ama ekem, ke ini ikpat ukot mme oku emi ebiomde ekebe Jehovah ɔbɔŋ ofuri ererimbot, edituakde ada ke mmɔŋ Jordan, mmɔŋ Jordan eyesibe, kpa mmɔŋ emi otode ke edere osuk, eyekpehe ada nte obot kiet.

JOSHUA 4:18

Ekem, ke ini mme oku emi ebiomde ekebe ediomi Jehovah, ema eketo ke ufɔt Jordan edɔk, ke ini ikpat-ukot mme oku ema ekeyuŋ ewɔrɔ edigi ke edisat isɔŋ, ndien mmɔŋ Jordan afiak ke itie esie, onyuŋ ɔyɔhɔ ada ofuri mben ikɔt esie nte anamde akpa.