JOSHUA 3:11 - Edisana ñwed Abasi Ibom

¹¹ Sese, ekebe ediomi Ɔbɔŋ ofuri ererimbot ɔmɔŋ asaŋa mbufo ke iso ebe okoduk ke Jordan.

JOSHUA 3:11 ပူးပေါင်းရင်းမြစ်များ

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

ŊWED JOB 41:11

Anie ndien edidaha ada ke iso mi? Anie owo ekebem mi iso (anam), eke nnyenede ndinɔ enye ŋkpɔ ke usiene? Ŋkpɔ ekededi eke odude ke idak ofuri ikpa-enyɔŋ edi okimmɔ.

ŊWED MME PSALM 24:1

ISƆŊ ye se iyɔhɔde ke esit enyene Jehovah, ererimbot, ye mme andiduŋ enye.

ŊWED MME PSALM 97:5

Ikpɔ obot etara nte mbukpa ekwɔk ke iso Jehovah, ke iso Ɔbɔŋ ofuri ererimbot.

ISAIAH 3:12

Ama edi ikɔt mi, mme abak-inua efik mmɔ, iban enyuŋ ekara mmɔ. Ikɔt mi, mme andida mbufo usuŋ esin mbufo edue, enyuŋ ebiat usuŋ ikpat mbufo.

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

JEREMIAH 10:7

Anie midibakke fi, O Edidem mme idut? Koro odotde fi: koro baba kiet eke ebietde fi miduhe ke otu kpukpru mme ɔfiɔkŋkpɔ owo mme idut, ye ke kpukpru mme obio mmɔ.

MICAH 4:13

O adiaha Zion, daha ke enyɔŋ, nyuŋ bek: koro nyenam nduk fo edi ukwak, nyenyuŋ nnam ikpat ukot fo edi okpoho: ndien afo eyenuak ediwak mme idut: ndien ami nyenim udori mmɔ nnɔ Jehovah, nyenim inyene mmɔ nnɔ Ɔbɔŋ ofuri ererimbot.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

ZECHARIAH 4:14

Ndien enye ɔdɔhɔ ete, mme mmɔ emi edi nditɔ-aran iba emi edade ekpere Ɔbɔŋ ofuri ererimbot.

ZECHARIAH 6:5

Ndien angel oro ɔbɔrɔ onyuŋ ɔdɔhɔ mi, ete, Mme mmɔ emi edi spirit heaven mbinaŋ emi etode ndida ke iso Ɔbɔŋ ofuri ererimbot.

DEUTERONOMY 9:3

Fiɔk ndien mfin emi, ete ke Jehovah Abasi fo emi ebemde fi iso ebe, edi ikaŋ eke atade, enye eyesobo mmɔ, enye eyenyuŋ ɔsuhɔre mmɔ ke iso fo onim: ndien afo eyewara ebin mmɔ efep, onyuŋ osobo mmɔ, kpa nte Jehovah ɔkɔdɔhɔde fi.

JOSHUA 3:13

Ndien ama ekem, ke ini ikpat ukot mme oku emi ebiomde ekebe Jehovah ɔbɔŋ ofuri ererimbot, edituakde ada ke mmɔŋ Jordan, mmɔŋ Jordan eyesibe, kpa mmɔŋ emi otode ke edere osuk, eyekpehe ada nte obot kiet.