JOSHUA 3:10 - Edisana ñwed Abasi Ibom

¹⁰ Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.

JOSHUA 3:10 ပူးပေါင်းရင်းမြစ်များ

GENESIS 15:21

ye mme Canaanite, ye mme Girgashite, ye mme Jebusite.

1 NDIDEM 22:28

Ndien Micaiah ɔdɔhɔ ete, Afo ama afiak ke ifure, Jehovah ikadaha inua mi itiŋ. Enye onyuŋ ɔdɔhɔ ete, Mbufo akpaimɔ ekop.

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

1 CHRONICLES 1:14

ye mme Jebusite, ye mme Amorite, ye mme Girgashite;

ŊWED MME PSALM 42:2

Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

EXODUS 17:7

Ndien enye osio ebiet oro enyiŋ Massah, ye Meribah, ke abaŋa utɔk nditɔ Israel, ye ke eridomo emi mmɔ edomode Jehovah ete, Mme Jehovah odu ke otu nnyin, mme iduhe?

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EXODUS 33:2

nyenyuŋ ndɔŋ angel ebem fi iso; nnyuŋ mbin mme Canaanite, ye mme Amorite, ye mme Hittite, ye mme Perizzite, ye mme Hivite, ye mme Jebusite mfep:

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

NUMBERS 13:29

Amalek eduŋ ke edem usuk isɔŋ; mme Hittite, ye mme Jebusite, ye mme Amorite, enyuŋ eduŋ ke ikpɔ obot; mme Canaanite ŋko eduŋ ke mben inyaŋ, ye ke mben Jordan.

MATTHEW 16:16

Simon Peter ɔbɔrɔ Enye ete, Afo edi Christ, Eyen Abasi uwem.

JOHN 6:69

Nnyin imonyuŋ inim ke akpanikɔ inyuŋ ifiɔk ite, Afo edi Edisana Eyen Abasi.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin:

DEUTERONOMY 5:26

Koro anie odu ke otu kpukpru obukidem emi okokopde uyo Abasi uwem nte etiede ke ufɔt ikaŋ etiŋ, nte nnyin, ndien odu uwem?

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

DEUTERONOMY 7:21

Kudikhe ke iso mmɔ: koro Jehovah Abasi fo odude ke otu fo, akwa Abasi ye Abasi uteŋe.

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

MME HEBREW 10:31

Edi ata ŋkpɔ ndik ndiduɔ nsine ke ubɔk Abasi emi odude uwem.

JOSHUA 11:3

ye ke ɔtɔ mme Canaanite ke edem usiaha-utin, ye ke edem usop-utin, ye ke ɔtɔ mme Amorite, ye eke mme Hittite, ye eke mme Perizzite, ye eke mme Jebusite, ke ikpɔ obot, ye ke ɔtɔ mme Hivite ke ukot Hermon ke isɔŋ Mizpah.

JOSHUA 12:8

ke ikpɔ obot, ye ke una-isɔŋ edem inyaŋ, ye ke itihere Jordan, ye ke mme usuhɔre, ye ke wilderness, ye ke edem usuk-usuk; mme Hittite, ye mme Amorite, ye mme Canaanite, ye mme Perizzite, ye mme Hivite, ye mme Jebusite:

JOSHUA 21:45

Baba ikɔ kiet ke kpukpru nti ikɔ oro Jehovah ɔkɔdɔhɔde ye ufɔk Israel ikpuho; kpukpru esu.

JOSHUA 22:31

Ndien Phinehas, eyen Eleazar, oku, ɔdɔhɔ nditɔ Reuben, ye nditɔ Gad, ye nditɔ Manasseh, ete, Nnyin imɔfiɔk mfin emi ite ke Jehovah odudu ke ufɔt nnyin: koro mbufo minamke idiɔk-ŋkpɔ emi ye Jehovah: ndien mbufo ema esioŋo nditɔ Israel ke ubɔk Jehovah enyaŋa.

JOSHUA 24:11

Ekem mbufo ebe Jordan edi Jericho; ndien mbio-obio Jericho, ye mme Amorite, ye mme Perizzite, ye mme Canaanite, ye mme Hittite, ye mme Girgashite, ye mme Hivite, ye mme Jebusite eŋwana ekɔŋ ye mbufo; ndien mmen mmɔ nsin mbufo ke ubɔk.

JOSHUA 3:9

Ndien Joshua ɔdɔhɔ nditɔ Israel, ete, Mbufo esaŋa ekpere ken enyuŋ ekop uyo Jehovah Abasi mbufo.

JOSHUA 9:1

EDIKEM adaŋemi kpukpru mbɔŋ eke edude ke edem Jordan emi, ke ikpɔ obot, ye ke una-isɔŋ edem inyaŋ, ye ke ofuri mben akwa inyaŋ, ekem ye Lebanon, kpa mme Hittite, ye mme Amorite, ye mme Canaanite, ye mme Perizzite, ye mme Hivite,

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

1 SAMUEL 26:6

Ndien David ɔbɔrɔ Ahimelech Hittite, ye Abishai eyen Zeruiah, eyen-eka Joab, ete, Anie editiene mi ɔsuhɔre ke ɔtɔ Saul ke nna-ekɔŋ? Ndien Abishai ɔdɔhɔ ete, Ami nyetiene fi nsuhɔre.