JOSHUA 24:31 - Edisana ñwed Abasi Ibom

³¹ Ndien Israel enam ŋkpɔ enɔ Jehovah, ke ofuri eyo Joshua, ye ke ofuri eyo mbiowo emi edude uwem ekan Joshua, emi enyuŋ efiɔkde ofuri utom Jehovah, emi enye akanamde ɔnɔ Israel.

JOSHUA 24:31 ပူးပေါင်းရင်းမြစ်များ

GENESIS 14:10

Ndien obube bitumen ewak ke itihere Siddim; ndien ndidem Sodom ye Gomorrah efeŋe itɔk, ekeduɔŋɔ do; ndien mmɔ ekesuhɔde efeŋe eka ikpɔ obot.

2 CHRONICLES 24:2

Ndien Joash anam se inende ke iso Jehovah ke ofuri eyo Jehoiada oku.

2 CHRONICLES 34:33

Ekem Josiah osioŋo kpukpru mbubiam-ŋkpɔ efep ke kpukpru mme idut eke enyenede nditɔ Israel, onyuŋ esin kpukpru owo eke edude ke Israel enam ŋkpɔ Jehovah Abasi mmɔ. Mmɔ iŋwɔŋɔkede ikpɔŋ Jehovah Abasi mme ete mmɔ ke ofuri eyo esie.

UTOM MME APOSTLE 20:29

Mmɔfiɔk nte ke mma nnyɔŋ, mme idiɔk unam eyeduk ke otu mbufo, idiyuŋ ituaha otu erɔŋ mbɔm;

DEUTERONOMY 11:2

koro mendɔhɔke nditɔ mbufo emi mikɔfiɔkke, emi mikonyuŋ ikwe eritunɔ emi Jehovah Abasi mbufo ɔkɔtunɔde, ye ubom esie, ye ɔkpɔsɔŋ ubɔk esie,

DEUTERONOMY 11:7

koro enyin mbufo ema ekut kpukpru ikpɔ ŋkpɔ emi Jehovah akanamde.

DEUTERONOMY 31:13

man nditɔ mmɔ emi mikɔfiɔkke, ekop ŋko-ŋko, enyuŋ ekpep ndibak Jehovah Abasi mbufo, ke adaŋa ofuri ini eke mbufo edidude ke isɔŋ emi mbufo eyomde ndibe ŋka do ŋkada enye nnyene.

DEUTERONOMY 31:29

Koro mmɔfiɔk, adaŋemi ndikpade mbufo eyekabare edi ata idiɔk, enyuŋ ewɔŋɔre ekpɔŋ usuŋ emi ŋtemede mbufo; ndien idiɔk ŋkpɔ eyesim mbufo ke ini iso: koro mbufo edinamde idiɔk ido ke iso Jehovah, ke eyat enye esit ke utom ubɔk fo.

ŊWED MBON PHILIPPI 2:12

Ntre, ndima mi, kpa nte mbufo ekam esukde ibuot enɔ uyo mi kpukpru ini, idige ke ini ndude ye mbufo ikpɔŋ, edi akpan-akpan ke ini mmenduhe ye mbufo, esaŋa ke ndik ye nnyek-idem enam erinyaŋa mbufo ɔwɔrɔ usuŋ;

JUDGES 2:10

Ekem ofuri emana oro enyuŋ ebono ye mme ete mmɔ. Ndien emana efen emi mifiɔkke Jehovah, minyuŋ ifiɔkke ŋkpɔ emi enye akanamde ɔnɔ Israel, etiene mmɔ edem edaha eda.

JUDGES 2:6

Adaŋemi Joshua akayakde kpukpru owo enyɔŋɔ, kpukpru nditɔ Israel eka ke udeme mmɔ, ekeda isɔŋ enyene.

JUDGES 2:7

Ndien mmɔ enam ŋkpɔ Jehovah ke ofuri eyo Joshua, ye ke ofuri eyo mbiowo oro ebigide uwem ekan Joshua, emi ekekutde kpukpru ikpɔ ŋkpɔ Jehovah, emi enye akanamde ye Israel.