JOSHUA 24:20 - Edisana ñwed Abasi Ibom

²⁰ Edi mbufo ema ekpɔŋ Jehovah, enyuŋ enam ŋkpɔ enɔ isen abasi, enye eyekabare, ndien, anam mbufo idiɔk, onyuŋ osobo mbufo, okposuk edi eke enye ɔkɔfɔnde ye mbufo.

JOSHUA 24:20 ပူးပေါင်းရင်းမြစ်များ

1 CHRONICLES 28:8

Mbufo ekpeme, ndien, enyuŋ eyom kpukpru mbet Jehovah Abasi mbufo, ke enyin ofuri Israel, esop Jehovah, ye ke utɔŋ Abasi nnyin; man mbufo enyene eti isɔŋ emi, enyuŋ eda enye enɔ nditɔ mbufo eke editienede mbufo ke edem, edia ke nsinsi.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

EZRA 8:22

Koro but akanamde mi ndika ŋkebeŋe edidem mbon-ekɔŋ ye mbio horse eke edinyaŋade nnyin, mbak mme asua ke usuŋ: koro nnyin ikɔdɔhɔde edidem, ite, Ubɔk Abasi nnyin ada ke ufɔn ɔnɔ kpukpru mme andiyom enye; edi odudu esie ye iyaresit esie eŋwana ye kpukpru mme andikpɔŋ enye.

ŊWED MME PSALM 89:31

ema ebiat mbet mi, ndien minimke ido mi;

ISAIAH 1:28

Edi eyesobo mme oburobut owo ye mme anam idiɔk ini kiet, ndien mmɔ eke ekpɔŋde Jehovah eyetak.

ISAIAH 63:10

Edi mmɔ esɔŋ ibuot enyuŋ eyat Edisana Spirit esie: ndein enye akabare edi usua mmɔ, onyuŋ aŋwana ekɔŋ ye mmɔ.

JEREMIAH 17:13

Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.

EZEKIEL 18:24

Ndien ke adaŋemi edinen owo ɔkpɔŋde edinen ido esie afiak edem, onyuŋ anam mme ukwaŋ-ŋkpɔ, onyuŋ anam nte asaŋade ye kpukpru mbubiam ido emi idiɔk owo anamde, nte enye eyedu uwem? Iditihi edinen ido esie eke enye anamde baba kiet: enye eyekpa ke ndudue esie eke enye eduede, ye ke idiɔk ido eke enye anamde.

UTOM MME APOSTLE 7:42

Edi Abasi ɔwɔŋɔre ɔkpɔŋ mmɔ, onyuŋ asana mmɔ ayak ete, enam ŋkpɔ enɔ udim enyɔŋ: kpa nte ewetde ke ŋwed mme prophet, ete, Nte mbufo ekeda unam eke ewotde ye uwa esɔk Mi Ke isua aba ke desert, O ufɔk Israel?

DEUTERONOMY 4:25

Ke adaŋemi afo edibonde nditɔ ye nditɔ nditɔ, mbufo enyuŋ ebigide ke isɔŋ oro, enyuŋ ekabarede ediɔk, enyuŋ esɔi ŋkpɔ esin ke mbiet ŋkpɔ ekededi, enyuŋ enam idiɔk ido ke iso Jehovah Abasi fo, enyuŋ eyat enye esit:

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

MME HEBREW 10:38

Edi edinen owo Mi edidu uwem ke mbuɔtidem: Ndien edieke enye edikhede afiak edem, ukpɔŋ Mi idikopke inemesit ke enye.

JOSHUA 24:21

Ndien kpukpru owo edɔhɔ Joshua, ete, Ihih, edi iyenam ŋkpɔ Jehovah.

1 SAMUEL 12:15

edi edieke mbufo midikopke uyo Jehovah, edi etut utɔŋ ke uyo Jehovah, ndien Jehovah eyeda ubɔk odori mbufo, kpa nte enye okodoride mme ete mbufo ke idem.

1 SAMUEL 12:25

Edi edieke mbufo edidiɔkde, eyesobo mbufo ye edidem mbufo ŋko.