JOSHUA 24:18 - Edisana ñwed Abasi Ibom

¹⁸ Jehovah ama onyuŋ osio kpukpru obio oro, ye mme Amorite emi eduŋde ke edem oro, ke iso nnyin efep: mmɔdo nnyin iyenam ŋkpɔ inɔ Jehovah: koro edi enye edi Abasi nnyin.

JOSHUA 24:18 ပူးပေါင်းရင်းမြစ်များ

ŊWED MME PSALM 116:16

Mbɔk, O Jehovah, ami ndi owo fo; eyen ofin aŋwan fo: afo amatat mi uruk.

EXODUS 10:2

man afo onyuŋ emen se nnamde ke Egypt, ye mme utibe ŋkpɔ emi nnamde ke otu mmɔ, etiŋ ke utɔn eyen fo, ye eke eyeyen fo; ndien mbufo eyefiɔk ete ke ami ndi Jehovah.

EXODUS 15:2

Jehovah edi odudu mi ye ikwɔ, omonyuŋ edi erinyaŋa mi: enye edi Abasi mi, ndien nyekpono enye; Abasi ete mi, ndien nyetoro enye.

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

ZECHARIAH 8:23

Ntem ke Jehovah mme udim ɔdɔhɔ ete, Ke mme usen oro ke owo duop eke etode ke kpukpru usem mme idut edimum, kpa mmɔ edimum eyen Judah kiet utɔŋ ɔfɔŋidem, ete, Eyak nnyin ika ye mbufo: koro nnyin imokop ite ke Abasi odu ye mbufo.

UTOM MME APOSTLE 7:45

Mme ete nnyin ŋko eda ataya emi esaŋa ye Joshua eduk, ke ini mmɔ edade isɔŋ mme idut, emi Abasi ebinde osio ke iso mme ete nnyin, enyene, tutu osim eyo David:

DEUTERONOMY 10:21

Enye edi itoro fo, onyuŋ edi Abasi fo, emi akanamde ikpɔ ŋkpɔ ye ŋkpɔ ndik emi ye afo, nte enyin fo ema ekekut.

DEUTERONOMY 33:27

Nsinsi Abasi edi ebiet iduŋ, nsinsi ubɔk enyuŋ edu ke idak: ndien enye eyebin mme asua ke iso fo efep, onyuŋ ɔdɔhɔ ete, Sosobo.

JOSHUA 23:9

ndien Jehovah ama okosio ikpɔ ye mkpɔsɔŋ mme idut ke iso mbufo efep ndien ama edi mbufo, owo ndomo kiet ikadaha ke iso mbufo tutu osim mfin emi.

JOSHUA 24:17

koro edi Jehovah Abasi nnyin okosio nnyin ye mme ete nnyin efep ke isɔŋ Egypt, ke ufɔk ufin, ɔdɔk edi, emi okonyuŋ anamde ikpɔ idiɔŋɔ emi ke iso nnyin, onyuŋ ekpemede nnyin ke ofuri usuŋ emi nnyin ikesaŋade ke esit, ye ke otu kpukpru obio oro nnyin ikesaŋade ke ufɔt mmɔ ibe:

JOSHUA 24:19

Ndien Joshua ɔdɔhɔ kpukpru owo, ete, Mbufo ikwe nte enamde ŋkpɔ enɔ Jehovah: koro enye edide edisana Abasi; enye edi Abasi ufup; enye idifenke mme ukwaŋ-ŋkpɔ mbufo ye mme idiɔk ido mbufo.