JOSHUA 24:15 - Edisana ñwed Abasi Ibom

¹⁵ ndien enam ŋkpɔ Jehovah. Edi mbufo mimaŋa ndinam ŋkpɔ Jehovah, emek ke idem mbufo ndien, mfin emi, enye eke mbufo edinamde ŋkpɔ esie: edide mme abasi emi mme ete mbufo, emi edude ke edem akpa oko, enamde ŋkpɔ enɔ mmɔ, onyuŋ edide mme abasi mme Amorite emi mbufo eduŋde ke isɔŋ mmɔ: edi ama edi ami ye ufɔk mi, nnyin iyenam ŋkpɔ Jehovah.

JOSHUA 24:15 ပူးပေါင်းရင်းမြစ်များ

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

1 NDIDEM 18:21

Ekem Elijah oto edi editiene mbon oro, ndien ɔdɔhɔ, ete, Adaŋa didie ke mbufo esɔk ukot ke edem mbiba? Edieke Jehovah edide Abasi, mbufo etiene enye: edi ama edi Baal, etiene enye. Edi mbon oro ibɔrɔke enye baba ikɔ kiet.

1 CHRONICLES 1:14

ye mme Jebusite, ye mme Amorite, ye mme Girgashite;

ŊWED MME PSALM 101:2

Ini ewe ke afo edidi ke ɔtɔ mi? Nyesaŋa ke ufɔk mi ke esit ekeɔfɔnde ama.

ŊWED MME PSALM 119:106

Mmɔŋwɔŋɔ, nyenyuŋ nnim enye, nte ke ndikpeme ndinen ikpe fo.

EXODUS 23:2

Kutiene ediwak owo edem uka udiɔk; kunyuŋ ubɔrɔ ke ikpe uwaha utiene ediwak owo edem, man akwaŋa ikpe:

EXODUS 23:24

nyenyuŋ nsobo mmɔ. Kunuhɔ unɔ abasi mmɔ, kunyuŋ unam ŋkpɔ mmɔ, kunyuŋ unam nte mmɔ enamde; edi tim sobo mmɔ fap-fap, nyuŋ bom mme adaha-itiat mmɔ mbak-mbak.

EXODUS 34:15

mbak afo edidiomi ediomi ye mme andiduŋ isɔŋ emi; ndien mmɔ etiene mme abasi mmɔ enam use, enyuŋ ewa uwa enɔ mme abasi mmɔ, ndien owo okot fi, afo onyuŋ aka adia ŋkpɔ uwa esie:

EZEKIEL 20:39

Ndien ama edi mbufo, ufɔk Israel, ntem ke Ɔbɔŋ Jehovah ɔdɔhɔ, ete, Mbufo kpukpru eka ekenam ŋkpɔ mme ibɔk mbufo ye ke ini iso, ke baba owo mbufo kiet mikopke uyo mi: mbufo ekunyuŋ esabare aba edisana enyiŋ mi ke enɔ mbufo, ye ibɔk mbufo.

DANIEL 3:18

Ndien midige ntre, fiɔk, O edidem, ete ke nnyin ikwe nte inamde ŋkpɔ abasi fo, inyuŋ ikwe nte ituakde ibuot inɔ owo o-gold emi afo okonimde.

LEVITICUS 14:42

ndien yak eda itiat efen, esin ke itie itiat oro; enyuŋ eda ntan efen etop ufɔk.

MICAH 4:5

Koro kpukpru mme idut eyesaŋa ke enyiŋ abasi mmɔ; nnyiŋ iyenyuŋ isaŋa ke enyiŋ Jehovah Abasi nnyin ke nsinsi-nsinsi.

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

DEUTERONOMY 13:7

ke otu mme abasi mme idut emi ekande mbufo ekuk, edide mme mmɔ emi ekperede fi, mme onyuŋ edide mmɔ emi eyomde fi usuŋ, ɔtɔŋɔde ke utit isɔŋ kiet, tutu osim utit isɔŋ eken:

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

JOSHUA 24:16

Ndien kpukpru owo ebɔrɔ, ete, Nsa nnyin O! nnyin ikpɔŋke Jehovah inam ŋkpɔ abasi efen:

JUDGES 6:10

ndien ndɔhɔ mbufo, nte, Ami ndi Jehovah Abasi mbufo; mbufo ekubak mme abasi mme Amorite, emi mbufo eduŋde ke isɔŋ mmɔ: edi mbufo ikokopke uyo mi.