JOSHUA 24:14 - Edisana ñwed Abasi Ibom

¹⁴ Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;

JOSHUA 24:14 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

EZRA 9:11

emi afo akadade ubɔk ikɔt fo mme prophet owuk, ete, Isɔŋ emi mbufo ekade ndida enye nnyene edi isɔŋ ndek, abaŋa ndek mbio mme idut, abaŋa mbubiam mmɔ emi mmɔ ekedade eyɔhɔ ke esit, ɔtɔŋɔde ke mben emi tutu osim ke mben oko, koro mmɔ edehede:

ŊWED JOB 1:1

OWO kiet, ekere Job, okodu ke isɔŋ Uz: ndien owo oro ɔfɔn ama, onyuŋ enen, onyuŋ abak Abasi, onyuŋ afara ke idiɔk.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

ŊWED MME PSALM 119:1

ƆFƆFƆN ɔnɔ mmɔ eke usuŋ mmɔ ɔfɔnde ama, eke esaŋade ke ŋwed ido Jehovah.

ŊWED MME PSALM 119:80

Nam esit mi ɔfɔn ama ke mme ewuhɔ fo; man but okunam mi.

ŊWED MME PSALM 130:4

Koro eridahado enyenede fi, man eteŋe fi.

ŊWED MME PSALM 81:10

Ami ndi Jehovah Abasi mbufo, emi ŋkadade mbufo ke Egypt ndɔk: mbufo eŋwaŋa inua mbufo ndien nyesin ŋkpɔ ke esit nyɔhɔ.

EZEKIEL 20:18

Ndien ndɔhɔ nditɔ mmɔ ke wilderness, nte, Mbufo ekusaŋa ke mme ewuhɔ mme ete mbufo, ekunyuŋ enim mme item mmɔ, ekunyuŋ eda ubɔk mmɔ esabare idem mbufo:

EZEKIEL 23:3

ndien mmɔ ekenam use ke Egypt; ekenam use ke ini uyen mmɔ: do ke ekefik mmɔ eba, do ŋko ke ekenuak mmɔ eba uyen.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

LEVITICUS 17:7

Mmɔ ekunyuŋ ewa aba uwa mmɔ enɔ demon, emi mmɔ etienede. Emi edi nsinsi ewuhɔ mmɔ ke ofuri emana mmɔ.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

UTOM MME APOSTLE 9:31

Ntre ke ufɔk Abasi ke ofuri Judaea ye Galilee ye Samaria okut ifure, onyuŋ ɔkɔri ke uwem Abasi; mbon Ufɔk Abasi enyuŋ esaŋa ke uteŋe Jehovah ye ke ndɔŋesit Edisana Spirit, enyuŋ etɔt eti-eti.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

ŊWED MBON EPHESUS 6:24

Mfɔn akpakam odu ye kpukpru mmɔ emi emade Ɔbɔŋ nnyin Jesus Christ ye ima eke midibiarake.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 18:13

Fɔn ma nɔ Jehovah Abasi fo.

DEUTERONOMY 6:13

Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

ŊWED MBON PHILIPPI 1:10

man mbufo ekeme ndidomo mfiɔk se ifɔnde ikan, kpaŋ mbufo edi edideŋi ekunyuŋ enyene ndudue tutu osim usen Christ;

JOSHUA 24:2

Ndien Joshua ɔdɔhɔ kpukpru owo, ete, Ntem ke Jehovah Abasi Israel ɔdɔhɔ, ete, Mme ete mbufo toto ko, Terah ete Abraham, ye ete Nahor ekeduŋ ke edem Akpa oko; enyuŋ enam ŋkpɔ mme abasi efen.

JOSHUA 24:23

(Enye ete), Mbufo esio ndien isen abasi emi edude ke otu mbufo efep, enyuŋ enuk esit mbufo enɔ Jehovah Abasi Israel.

1 SAMUEL 12:14

Edieke mbufo edibakde Jehovah, enyuŋ enam ŋkpɔ esie, enyuŋ ekop uyo esie, inyuŋ itutke utɔŋ ke uyo Jehovah, ndien mbufo ye edidem mbufo ŋko emi adade ubɔŋ mbufo, eyesuk etiene Jehovah Abasi mbufo:

1 SAMUEL 12:24

edi mbufo ebak Jehovah, enyuŋ enam ŋkpɔ esie ke akpanikɔ ke ofuri esit mbufo: koro mbufo ese oruk ikpɔ ŋkpɔ emi enye akamde ye mbufo.

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.