JOSHUA 23:16 - Edisana ñwed Abasi Ibom

¹⁶ Ke ini mbufo edibiatde ediomi Jehovah Abasi mbufo, emi enye okowukde mbufo, edinyuŋ ekade ekenam ŋkpɔ mme abasi efen, enyuŋ enuhɔ enɔ mmɔ; ndien Jehovah eyeyat esit ye mbufo, ndien eyewara esobo mbufo efep ke eti isɔŋ emi enye ɔkɔnɔde mbufo.

JOSHUA 23:16 ပူးပေါင်းရင်းမြစ်များ

1 NDIDEM 14:15

Ndien Jehovah eyenuak Israel, kpa nte mmɔŋ enyeŋede nnyanyaŋa, enye eyenyuŋ edibere Israel efep ke eti isɔŋ emi enye ɔkɔnɔde mme ete mmɔ, onyuŋ asuan mmɔ ke edem akpa oko: koro mmɔ enamde eto-mkpe, ke eyat Jehovah esit.

1 NDIDEM 9:6

Edi edieke mbufo ye nditɔ mbufo edifiakde edem, enyuŋ etre nditiene mi, minyuŋ inimke mbet mi, ye mme ewuhɔ mi, emi ŋkonimde ke iso mbufo, edi ema eka ekenam ŋkpɔ mme abasi efen, enyuŋ etuak ibuot enɔ mmɔ:

1 NDIDEM 9:7

ndien nyesibe Israel mfep ke iso isɔŋ emi ŋkɔnɔde mmɔ; ndien ama edi ufɔk emi ŋkonimde nnɔ enyiŋ mi, nyemen enye ke iso mi mfep nduɔk; ndien Israel eyedi ŋkpɔ ikwɔ ye ufiet ke otu kpukpru owo;

2 NDIDEM 17:7

Edikem, koro nditɔ Israel ediɔkde ye Jehovah Abasi mmɔ, emi okosiode mmɔ ke isɔŋ Egypt, ye ke idak ubɔk Pharaoh edidem Egypt, ɔdɔk, enyuŋ ebak abasi eŋwen,

2 NDIDEM 24:20

Koro osu ntre ye Jerusalem, ye Judah, abaŋa iyaresit Jehovah, tutu enye emen mmɔ ke iso esie ɔduɔk. Ndien Zedekiah ɔsɔŋ ibuot ye edidem Babylon.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

NUMBERS 33:56

Ndien ŋko ama ekem, nyekabare nnam ye mbufo, kpa nte ŋkaduakde ndinam ye mmɔ.

DEUTERONOMY 17:3

eke onyuŋ akade okonim ido mme abasi efen, onyuŋ ɔnuhɔ ɔnɔ mmɔ, edide utin, onyuŋ edide ɔfiɔŋ mme eke udim enyɔŋ ekededi, eke ami ŋkpande;

DEUTERONOMY 28:15

Ndien ama ekem edieke afo mukopde uyo Jehovah Abasi fo, munyuŋ utimke unim kpukpru mbet esie ye mme ewuhɔ esie emi ami ntemede fi mfin emi; ndien kpukpru mme idiɔk-ŋkpɔ emi eyebine fi:

DEUTERONOMY 6:15

(koro Jehovah Abasi fo edide Abasi ufup ke otu fo); mbak Jehovah Abasi fo ediyat esit ye afo, ndien osobo fi efep ke iso isɔŋ.

JUDGES 2:14

Ndien Jehovah ayat esit ye Israel, ndien emen mmɔ esin ke ubɔk mbon ŋwo eke ebumede mmɔ, onyuŋ anyam mmɔ esin ke ubɔk mme asua mmɔ emi ekande mmɔ ekuk, ndien mmɔ ikwe aba nte edade ke iso mme asua mmɔ.

JUDGES 2:20

Ndien Jehovah ayat esit ye Israel, enye onyuŋ ɔdɔhɔ ete, Koro mbio emi ema ekebiat ediomi mi emi ami ŋkowukde mme ete mmɔ, minyuŋ ikopke uyo mi;

1 SAMUEL 12:25

Edi edieke mbufo edidiɔkde, eyesobo mbufo ye edidem mbufo ŋko.